အင်စတာဂရမ်မှာ ဆောင်းဂျွန်ကီပါဝင်တဲ့ ဓာတ်ပုံတွေအကုန် ဖျက်ပစ်လိုက်တဲ့ ဆောင်းဟယ်ကျို

တောင်ကိုးရီးယားနိုင်ငံ နာမည်ကျော် တော့ပ်စတားနှစ်ဦးဖြစ်တဲ့ ဆောင်းဂျွန်ကီနဲ့ ဆောင်းဟယ်ကျိုတို့ဟာ ယနေ့ ဇူလိုင် ၂၂ ရက်မှာ တရားဥပဒေအတိုင်း အတိအလင်း ကွာရှင်းပြတ်စဲလိုက်ပြီပဲဖြစ်ပါတယ်။ ပရိတ်သတ်အများ ချစ်ခင်အားကျရတဲ့ စုံတွဲအခုလို အတိအလင်း ကွာရှင်းလိုက်တာဟာ စိတ်မကောင်းစရာကိစ္စရပ်တစ်ခုဖြစ်ပေမယ့် Song စုံတွဲကတော့ နှစ်ဦးနှစ်ဖက် အဆင်ပြေစေမယ့် လမ်းကိုရွေးချယ်ခဲ့တယ်လို့ ဆိုပါတယ်။ တရားဥပဒေအရ အကြင်လင်မယားအဖြစ် သက်ဆိုင်မှုမရှိတော့ကြောင်း ကြေညာပြီးတဲ့အခါမှာတော့ ဆောင်းဟယ်ကျိုဟာ အင်စတာဂရမ်မှာရှိတဲ့ ဆောင်းဂျွန်ကီနဲ့ ရိုက်ကူးထားတဲ့ ဓာတ်ပုံတွေကို အကုန် delete လုပ်လိုက်ပြီပဲဖြစ်ပါတယ်။ ဆောင်းဟယ်ကျိုတစ်ယောက် ဆောင်းဂျွန်ကီပါဝင်တဲ့ ဘယ်ဓာတ်ပုံတွေကို delete လုပ်လိုက်တယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

ဆောင်းဟယ်ကျိုဟာ ခင်ပွန်းဟောင်း ဆောင်းဂျွန်ကီနှင့် Descendants of the sun ရိုက်ကွင်းမှာ ရိုက်ကူးထားတဲ့ ဓာတ်ပုံများ၊ ဆုပေးပွဲအတူတက်ရောက်ခဲ့ပုံများ၊ မင်္ဂလာဆောင်ဓာတ်ပုံများကို သူမရဲ့ အင်စတာဂရမ်အကောင့်မှ ဖယ်ရှားလိုက်ပါတယ်။

လက်ရှိမှာတော့ ဆောင်းဟယ်ကျို ရဲ့ အင်စတာဂရမ်စာမျက်နှာမှာ ဆောင်းဂျွန်ကီ မပါဝင်တော့ဘဲ သူမအလှဓာတ်ပုံတွေနဲ့သာ ပြည့်နေပါတော့တယ်။

Song စုံတွဲဟာ လက်ထပ်ပြီး လပေါင်း ၂၀ အကြာမှာ ကွာရှင်းလိုက်တာဖြစ်ပြီး နှစ်ဦးနှစ်ဖက် အေးချမ်းတဲ့နည်းလမ်းဖြင့်သာ ကွာရှင်းလိုကြောင်း အသိပေးကြေညာခဲ့ပါတယ်။ လက်ရှိမှာ ဆောင်းဂျွန်ကီက အသစ်ထွက်ရှိမယ့် ရုပ်ရှင်ဇာတ်ကား Victory ကိုဆက်လက်ရိုက်ကူးနေပြီး ဆောင်းဟယ်ကျိုကတော့ တရုတ်ပြည်မှာ အလှကုန်ပစ္စည်းကြော်ငြာများကို ဆက်လက်ရိုက်ကူးနေဆဲဖြစ်ပါတယ်။ သူတို့နှစ်ဦးလမ်းခွဲရတဲ့ အဓိကအကြောင်းအရင်းကို ပရိတ်သတ်များ စိတ်ဝင်စားနေကြဆဲပါ။

Ref:koreaboo

(ပိုပိုလေး)