တိုင်ဖွန်း မူဂျီဂေးကြောင့် တရုတ်မှာ လူ ၆ ဦးသေဆုံး

Special or Others ต.ค. 06, 2558 view 1,740

တရုတ်နိုင်ငံတောင်ပိုင်း ဂွမ်ဒေါင်းပြည်နယ်မှာ တနင်္ဂနွေနေ့က တိုက်ခတ်ခဲ့တဲ့ တိုင်ဖွန်းမုန်တိုင်း မူဂျီဂေးကြောင့် အနည်းဆုံး လူ ၆ ဦးသေဆုံးပြီး ၂၁၅ ဦး ထိခိုက်ဒဏ်ရာရရှိသွားကြောင်း တရုတ်သတင်းမီဒီယာက ဆိုပါတယ်။ ကျန်ဂျင်းမြို့ကို တိုင်ဖွန်းဝင်ရောက်ခဲ့ပြီး လေပြင်းနဲ့အတူ မိုးသည်းထန်စွာ ရွာသွန်းခဲ့ပါတယ်။ ဒိနောက်မှာတော့ မူဂျီဂေးမုန်တိုင်းဟာ အားပျော့သွားပြီး ကွမ်ဇီပြည်နယ်ဘက်ကို ရွေ့လျားသွားခဲ့ပါတယ်။ ကိုရီးယားလို သက်တန့်လို့ အဓိပ္ပါယ်ရတဲ့ အဆိုပါ မုန်တိုင်းဟာ ကျန်ဂျင်းမြို့ကို တနင်္ဂနွေနေ့က တနာရီ ၁၁၂ မိုင်နှုန်းနဲ့ တိုက်ခတ်ခဲ့တဲ့အတွက် နေရာအတော်များများမှာ လျှပ်စစ်မီးနဲ့ ရေပြတ်တောက်မှုတွေ ကြုံခဲ့ရတယ်လို့ ဆင်ဟွာ သတင်းဌာနက ပြောပါတယ်။ တရုတ်ပြည်တောင်ပိုင်း ကမ်းရိုးတန်းက အချို့မြို့တွေမှာ လေယာဉ်နဲ့ ရထားခရီးစဉ်တွေ ရပ်ဆိုင်းခဲ့ရပါတယ်။ BBC News