ဝင်ငွေအကောင်းဆုံးရံတင်စာရင်းမှာ လွှမ်းမိုးထားဆဲဖြစ်နေသည့် “Captain America : Civil War”

သည်းထိတ်ရင်ဖို ဇာတ်ကား “Money Monster” ဇာတ်ကားသည် အဖွင့်ပြသစဉ် အမေရိကန် ဒေါ်လာ ၁၅ သန်းရရှိခဲ့ပြီး ကီဗင်ဘာကွန်နှင့် ရက်ဒ်ဟာ မစ်ချဲလ်တို့ ပါဝင်သရုပ်ဆောင်ထားသော “The Darkness” သည်းထိတ်ရင်ဖို ဇာတ်ကားသည် ရုပ်ရှင်ရုံပေါင်း ၁၇၅၄ ရုံတွင် ပြသခဲ့ရာ အမေရိ ကန်ဒေါ်လာ ၅ ဒသမ ၂ သန်း ရရှိခဲ့သည်။ “Captain America : Civil War” ဇာတ်ကားသည် ပထမဆယ်ရက်အတွင်း ပြည်တွင်း ရုံတင်ပြသငွေ အမေရိကန်ဒေါ်လာ ၂၉၅ ဒသမ၉ သန်း ရရှိအောင် လုပ်ဆောင်ပေးနိုင်ခဲ့သည်။ “Civil War” ဇာတ်ကားသည် နွေရာသီအတွက် ရုံတင်ပြငွေ အများဆုံးရရှိသည့် ဇာတ်ကားအဖြစ် ဆက်လက်ရှိနေကြောင်း ထိပ်တန်း မီဒီယာသုတေသီတစ်ဦးက ပြောကြားသည်။ “Star Wars; The Force Awakens” ဇာတ်ကားသည် အမေရိကန်ဒေါ်လာ ၁၄၉ သန်း၊ “Jurassic World” ဇာတ်ကားသည် အမေရိကန်ဒေါ်လာ ၁၀၆ ဒသမ ၆ သန်း၊ “Marvel’s The Avengers” ဇာတ်ကားသည် အမေရိကန်ဒေါ်လာ ၁၀၃ ဒသမ ၁ သန်း ၊ “Avengers: Age of Ultron” ဇာတ်ကားသည် အမေရိကန်ဒေါ်လာ ၇၇ ဒသမ ၇ သန်း၊ “Avatar” ဇာတ်ကားသည် အမေရိကန် ဒေါ်လာ ၇၅ ဒသမ ၆ သန်း ရုံတင်ပြသငွေ အသီးသီး ရရှိထားသည်။Credit:Mizzima