အိမ်ထောင်ရေးဖောက်ပြန်တဲ့အပြစ်ကြောင့် မိသားစုတစ်ခုလုံး သတ်ခံရ

ကလေးငယ်များအပါအဝင် မိသားစုတစ်ခုလုံးကို သတ်ပြီး မီးရှို့အစဖျောက်ရန် စီစဉ်ခဲ့သူ အမျိုးသမီးတစ်ဦးကို ရုရှားရဲအဖွဲ့က ဖော်ထုတ်ဖမ်းဆီးနိုင်ခဲ့ပါတယ်။

 

အသက် ၃၅ နှစ်အရွယ် Vladislav Saaya ဆိုသူအမျိုးသားကို သူ့ရဲ့ အိမ်နီးချင်းတွေက မသောက်တတ် မစားတတ်တဲ့ စီးပွားရေးသမားတစ်ဦး၊ မိသားစုကိုလည်း ချစ်ခင်ကြင်နာတတ်သူအဖြစ် မှတ်ချက်ပြုထားပါတယ်။ 

ဒါပေမယ့် Vladislav Saaya ရဲ့ နောက်ကွယ်က အိမ်ထောင်ရေးဖောက်ပြန်မှုကို ဘယ်သူမှ မရိပ်မိခဲ့ပါဘူး။ တစ်ရက်မှာ သူ့ရဲ့ဇနီးဖြစ်သူ Lilia (၃၅ နှစ်)နဲ့ ကလေးတွေ  အိမ်မှာ မရှိတဲ့အချိန်မှာ သူ့ရဲ့ ချစ်သူ Ruzanna Shvarts (၂၅ နှစ်) ဟာ သူမရဲ့ညီမ Melina (၁၉ နှစ်) နဲ့အတူ အိမ်ကိုရောက်လာခဲ့ပြီး ချစ်ရည်လူးခဲ့ကြပါတယ်။

 

ကံဆိုးချင်တော့ မိန်မဖြစ်သူ Lilia က ကလေတွေကို ကျောင်းကြိုပြီး အလုပ်ကနေ အိမ်ကို စောစောပြန်ရောက်တဲ့အချိန်မှာ ပက်ပင်းတိုးခဲ့ပါတယ်။ ပြဿနာအကြီးအကျယ် တက်ကြပြီး လင်မယားနှစ်ယောက်လုံးကို ဓါးနဲ့ထိုးသတ်ခဲ့တဲ့အပြင် အသက် ၆ နှစ်နဲ့ ၄ နှစ်အရွယ် ကလေးနှစ်ဦးကိုလည်း ရေနှစ်သတ်ခဲ့ပြီး လက်စဖျောက်သည့်အနေနဲ့ အိမ်ကို မီးရှို့ခဲ့ပါတယ်။ အခင်းဖြစ်ပွားချိန်တွင် ၁၂ နှစ်အရွယ် သမီးအကြီးဆုံးတစ်ဦးသာ အပြင်သွားနေတဲ့အတွက် မိသားစုတွင် တစ်ဦးတည်းလွတ်မြောက်ခဲ့ပါတယ်။

 

Ruzanna Shvarts ကို ဖမ်းဆီးခဲ့ချိန်မှာ သူတို့လင်မယား ရန်ဖြစ်နေချိန်မှာ သူမကထွက်လာခဲ့ပြီး မိသားစုကို သတ်သူမှာ သူမ၏ ညီမ Melina ဖြစ်ကြောင်း စွပ်စွဲပြောဆိုခဲ့ပါတယ်။ အမှုကိုစစ်ဆေးနေဆဲဖြစ်ပြီး Melina အနေနဲ့ သတ်ဖြတ်ရာမှာ သူမ၏ အစ်မကို ကူညီခဲ့ကြောင်းတွေ့ရှိရပါက ပြစ်ဒဏ်ကျခံရမည်ဖြစ်သည်။