တည်ကြက် ရုပ်ရှင်ကားရိုက်ရင်း ဒဏ်ရာရသွားတဲ့ နေတိုး

တည်ကြက်ရုပ်ရှင်ဇာတ်ကား ရိုက်ကူးရင်း နေတိုးကတော့ လက်မှာ ဒဏ်ရာရရှိခဲ့ပါတယ်။ ဒဏ်ရာတစ်ချက်တည်းနဲ့ အောင်မြင်စွာ ဇာတ်ကားကို အဆုံးသတ်နိုင်ခဲ့လို့ နေတိုးကတော့ ကျေနပ်ပေမယ့် ပရိသတ်တွေကတော့ စိတ်ပူနေကြပါတယ်။

“တည်ကြက်ရုပ်ရှင်မှာ “Adventure Movie” အမျိုးအစားဖြစ်ပြီး ပြင်ဆင်မှုများစွာနဲ့အတူ 2003 ခုနှစ်ဝန်းကျင်က ကျွန်တော်သင်ယူတတ်မြောက်ခဲ့သော ပညာရပ်တစ်ခုကို ပြင်းထန်စွာ အသုံးပြုခွင့်ရခဲ့သော ရုပ်ရှင်လည်း ဖြစ်ပါသည်။ သတိကြီးစွာ ထားနိုင်ခဲ့သော်လည်း ထိခိုက်ဒဏ်ရာတစ်ချက်ဖြင့်သာ အောင်မြင်စွာ အဆုံးသတ်နိုင်ခဲ့ပါသည်။ ကျွန်တော်တို့ ထပ်မံကြိုးစားကြပါဦးမည်။ ဒီဇာတ်ကားကို ဖန်တီးခဲ့ကြသောသူများအားလုံးနဲ့ ပရိသတ်များအား တန်ဖိုးထားမှုများစွာဖြင့် … ထာဝရ နေတိုး” ဆိုပြီးတော့လဲ သူ့ရဲ့လူမှုကွန်ရက်စာမျက်နှာမှာ ပရိသတ်ကို အသိပေးထားပါတယ်။

နောက်နေ့မှာတော့ နှုတ်ခမ်းမွေးမရိတ်ခင်ကပုံကို တင်ပြီး ပရိသတ်ကို နောက်နေသေးတာကြောင့် နေတိုးတစ်ယောက် ဒဏ်ရာက သက်သာပုံရလို့ သိပ်ကြီးစိုးရိမ်စရာတော့ မရှိပါဘူး။

ဒီလိုပြင်းပြင်းထန်ထန် ကြိုးစားထားတဲ့ နေတိုးရဲ့ တည်ကြက်ရုပ်ရှင်ကားထွက်ရင်လဲ အားပေးလိုက်ကြပါဦးနော်။

Photo : နေတိုးဖေ့စ်ဘွတ်