နော်ဝေးနိုင်ငံတွင် ကျင်းပမည့်TYF ၂၀၁၇ အတွက် လျှောက်ထားနိုင်

Myanmar News พ.ค. 12, 2560 view 1,593

မြန်မာနိုင်ငံမှ အသက် ၂၀ -၂၈နှစ်အတွင်းရှိ လူငယ်များသည် နော်ဝေနိုင်ငံ၊ အော်စလိုမြို့တွင် ၂၀၁၇ ခုနှစ်၊ ဒီဇင်ဘာလ ၈ ရက်မှ ၁၀ ရက်အထိ ကျင်းပပြုလုပ်မည့် TYF2017 အတွက် လျှောက်ထားနိုင်မည်ဖြစ်သည်။ အဆိုပါ TYF အစီအစဉ်သည် တစ်နှစ်ကြာမြင့်မည် ဖြစ်ပြီး ၂၀၁၈ ခုနှစ်၊ မေလတွင် ဘန်ကောက်မြို့၌ ဒုတိယအကြိမ် တွေ့ဆုံရမည့် အစီအစဉ်လည်း ပါဝင်မည် ဖြစ်ပါသည်။ ရွေးချယ်ခံရသော လူငယ်များအနေနှင့်အဆိုပါ TYF အစီအစဉ် တစ်လျှောက်လုံးတွင် ၎င်းတို့ အတွက် သတ်မှတ်ထားသော အဖွဲ့တွင် ပါဝင်သည့် အခြားရွေးချယ်ခံရသူများနှင့်အတူ ပျှမ်းမျှ သီတင်း တစ်ပတ်လျှင် ၂ နာရီ ဝန်းကျင်ခန့် အွန်လိုင်းမှတစ်ဆင့် စုပေါင်း အလုပ်လုပ်ကိုင်ရမည် ဖြစ်ပါသည်။ အရေးကြီးသည့် လူမှုရေးဆိုင်ရာ စိန်ခေါ်မှုများအား ဖြေရှင်းနိုင်မည့် ဒစ်ဂျစ်တယ် ဖြေရှင်းချက်များအား အဖွဲ့လိုက် ပူးပေါင်းအဖြေရှာ ဖော်ထုတ်ရန် ဒီဇင်ဘာ လ အစီအစဉ် တက်ရောက် ချိန်တွင် အဖွဲ့လိုက် ခေါင်းစဉ်များ သတ်မှတ်ပေးထားမည် ဖြစ်ပါသည်။

TYF လူငယ် ကိုယ်စားလှယ် လျှောက်ထားရန် လိုအပ်ချက်များ

၂၀၁၇ ခုနှစ်တွင် အသက် ၂၀ မှ ၂၈ နှစ်အတွင်း ရှိရမည်။
အင်္ဂလိပ်စာ ကျွမ်းကျင်စွာ တတ်ကျွမ်းရမည်။
မြန်မာနိုင်ငံသား ဖြစ်ရမည်။
မိမိနေထိုင်ရာ လူမှုအဖွဲ့အစည်းအတွင်း လူမှုရေး၊ စီးပွားရေး နှင့်/သို့မဟုတ် ပတ်ဝန်းကျင်အတွက် ပြောင်းလဲမှု များ ပြုလုပ်ရန်လိုလားသူ ဖြစ်ရမည်။ (ခိုင်လုံသော အတွေ့အကြုံရှိသူ ဖြစ်ရမည်။)
တက္ကသိုလ်တက်ရောက်ဆဲ သို့မဟုတ် အဆင့်မြင့်ပညာရေး ပြီးဆုံးအောင်မြင်ပြီးသူ ဖြစ်ရမည်။
ကြီးမားသည့် အကြံဥာဏ်ရှိသူဖြစ်ပြီး ပြောင်းလဲမှုများ လုပ်ဆောင်ရန် ဆန္ဒရှိသူဖြစ်ရမည်။