အိမ်ရှင်မြန်မာနဲ့ KBZ Bank Cup 2017 အောင်မြင်မှုခရီးအစ

၂၀၁၇ ခုနှစ် ဇွန်လ (၂၈) ရက်မှာ KBZ Bank Cup 2017 ပြိုင်ပွဲကြီးကို ရန်ကုန်မြို့ သုဝဏ္ဏအားကစားကွင်းကြီးမှာ ကျင်းပပြုလုပ်သွားမှာပါ။ ဒီပြိုင်ပွဲကို အိမ်ရှင် မြန်မာ ယူ-၂၂ အသင်း၊ ဟောင်ကောင် ယူ-၂၂ အသင်း၊ ကမ္ဘောဒီးယား ယူ-၂၂ အသင်းနဲ့ ဂျပန်တက္ကသိုလ် လက်ရွေးစင်အသင်းတို့ ဝင်ရောက်ယှဉ်ပြိုင်ကြမှာဖြစ်ပါတယ်။

KBZ Bank Cup 2017 ပြိုင်ပွဲမှာ ချန်ပီယံအသင်းကို ချန်ပီယံ ဆုဖလား၊ ဆုတံဆိပ်နဲ့ အမေရိကန်ဒေါ်လာ တစ်သောင်း၊ ဒုတိယရရှိတဲ့အသင်းကို ဆုတံဆိပ်နဲ့ အမေရိကန်ဒေါ်လာ ငါးထောင် ချီးမြှင့်ပေးမှာပါ။ ဒါ့အပြင် ပြိုင်ပွဲတစ်လျှောက် အကောင်းဆုံးကစားနိုင်တဲ့ ကစားသမားကို အကောင်းဆုံးကစားသမားဆု (MVP Award) ၊ ဂိုးသွင်းအများဆုံး ကစားသမားကို ဂိုးသွင်းအများဆုံးဆု (Golden Boot Award) တို့ကိုလည်း ချီးမြှင့်ပေးသွားမှာဖြစ်ပါတယ်။မြန်မာ ယူ-၂၂ အသင်းဟာ ဇွန်လ (၂၈) ရက်နေ့မှာ ကမ္ဘောဒီးယားအသင်း၊ ဇွန်လ (၃၀) ရက်မှာ ဟောင်ကောင် ယူ-၂၂ အသင်း၊ ဇူလိုင်လ (၂) ရက်နေ့မှာ ဂျပန်တက္ကသိုလ် လက်ရွေးစင်အသင်း တို့နဲ့ ယှဉ်ပြိုင်ကစားရမှာဖြစ်ပါတယ်။

Source: MFF