မော်စကိုမှာ ဝန်ထမ်းများအစား စက်ရုပ်တွေနဲ့ အစားထိုးထားတဲ့ KFC ဆိုင်ခွဲ

နာမည်ကျော် Kentucky Fried Chicken (KFC) ကြက်ကြော်ဆိုင်ကြီးက ဝန်ထမ်းမပါဘဲ စက်တွေနဲ့ အလိုအလျောက် လုပ်ဆောင်သွားမယ့် ဆိုင်ခွဲကို ရုရှားနိုင်ငံမြို့တော် မော်စကိုမှာ ပြသလိုက်ပါတယ်။ COVID-19 ကူးစက်မှုတွေကို ကာကွယ်တဲ့အနေနဲ့ အခုလို စက်တွေနဲ့ပဲ ရောင်းချမယ့်ဆိုင်ကို ပြသခဲ့တာပါ။

“A restaurant of the future” လို့ နာမည်ပေးထားတဲ့ KFC ဆိုင်ခွဲကို စားသုံးသူတွေနဲ့ ဆိုင်ဝန်ထမ်းတွေကြား ထိတွေ့မှုတွေ လျှော့ချလိုက်တဲ့အနေနဲ့ စက်တွေနဲ့ပဲ ပြင်ဆင်ရောင်းချသွားမှာ ဖြစ်ပါတယ်။ ချက်ပြုတ်ထားတဲ့ အစားအသောက်တွေကို စက်ရုပ်တွေက မှာထားတဲ့ အော်ဒါတွေအတိုင်း ပြင်ဆင်ပေးသွားမှာပါ။