ကိုဗစ်နှင့် ရင်ဆိုင်နေရသည့် ယူကေ အတိမ်းအစောင်းမခံ - ပိတ်ဆို့ တင်းကျပ်မှု တိုးမြှင်ရန်ရှိ

ကိုရိုနာဗိုင်းရပ်စ် ကပ်ဘေးကို ရင်ဆိုင်တိုက်ခိုက်နေရာမှာ အတိမ်းအစောင်းမခံတဲ့ ဆုံမှတ်ကို ရောက်နေပြီလို့ ဗြိတိသျှ အစိုးရရဲ့ ဆေးဘက်ဆိုင်ရာ အကြံပေးပုဂ္ဂိုလ်တဦးက ပြောကြားလိုက်ပါတယ်။ ဗိုင်းရပ်စ် အဖြစ်များနေတဲ့ အင်္ဂလန်အရှေ့ပိုင်းကို လော့ဒေါင်းချဖို့ ဝန်ကြီးချုပ် ဘောရစ္စဂျွန်ဆင်က တနင်္လာနေ့မှာ ကြေညာဖို့ ပြင်ဆင်နေပါပြီ။

အင်္ဂလန် လက်‌ထောက်ဆေးဘက်ဆိုင်ရာအရာရှိချုပ် ပါမောက္ခ Jonathan Van-Tam က “လွန်ခဲ့တဲ့ မတ်လတုန်းကလိုပဲ တိုင်းပြည်ဟာ အတိမ်းအစောင်းမခံတဲ့ အချိန်ပဲ” လို့ ကြေညာချက်မှာ ပြောသွားတာပါ။ ကိုဗစ်-၁၉ ကြောင့် ယူကေမှာ လူပေါင်း ၄၂,၇၆၀ အသက်ဆုံးခဲ့ပါပြီ။ ပိုကောင်းတဲ့ စမ်းသပ်မှုတွေနဲ့ ဗိုင်းရပ်စ်အကြောင်း ပိုသိလာတဲ့နောက် အဖြစ်ဆိုး တပတ်လည်မလာဖို့ မျှော်လင့်တယ်လို့ Van-Tam က ပြောပါတယ်။

လွန်ခဲ့တဲ့ ရက်သတ္တပတ်အတွင်း ဗိုင်းရပ်စ်ကူးစက်နှုန်း အမြန်ဆုံးဖြစ်လာလို့ တိုးမြှင့်တင်းကျပ်မှုတွေကို ဝန်ကြီးချုပ် ဂျွန်ဆင်က တနင်္လာနေ့မှာ ကြေညာဖို့ရှိပါတယ်။ အင်္ဂလန်‌မြောက်ပိုင်း လီဗာပူးလို မြို့တွေမှာ ဘားတွေ၊ စားသောက်ဆိုင်တွေကို ပိတ်တော့မယ်လို့ ခန့်မှန်းရပါတယ်။ လူဦးရေ ၆၈ သန်းနီးပါးရှိတဲ့ ယူကေမှာ ကိုဗစ်-၁၉ ကူးစက်သူ ခြောက်သိန်းနီးပါး (၅၉၀,၈၄၄) ရှိနေပါပြီ။

Source : AP One