ဘိန်းဘုရင် ခွန်ဆာ၏ ကွန်ရက်နှင့် ဆက်နွှယ် နေသော မူးယစ်ဂိုဏ်း ထိုင်းမှာ ဖမ်းမိ

ခန့်မှန်းထိုင်းဘတ်ငွေသန်း၂၀၀ ပေါက်ဈေးရှိသော မူးယစ်ဆေးဝါးများ ဖမ်းမိမှုနှင့် ပတ်သက်၍ ထိုင်းရဲတပ်ဖွဲ့က ဂျမ်ရတ်ဒင်ပရီးချာ (၅၄)နှစ်၊ လတ်ဆက် ဖုရီပန်ရာနန့် (၃၇)နှစ်နှင့် စိုင်းဟုဖော်ပြထားသော ရှမ်းအမျိုးသား တဦးတို့ကို ဖမ်းဆီးစစ်နေသည်။

ပထမနှစ်ဦးကို လတ်ဖယောနှင့် ဘင်ကပီတို့တွင် ဖမ်းဆီးရမိခဲ့ပြီး ရှမ်းလူမျိုးကိုမူ တနင်္လာနေ့က ချင်းရိုင်ဒေသ၏ မယ်ဆိုင်တွင် ဖမ်းဆီးရမိခဲ့သည်။

စိုင်းဆိုသူသည် မြောက်ဘက်ဒေသမှနေ၍မူးယစ်ဆေးဝါးဖြန့်ချိသူအဖြစ် ဆောင်ရွက်တရားမ၀င်ဆေးဝါးများကိုကားတာယာတွင်ထည့်သွင်းသိုလှောင်ထားကြောင်း စုံစမ်းစစ်ဆေးမှုအရ သိခဲ့ရကြောင်း၊ ထိုင်း မူးယစ်ဗျူရိုမှ ရဲဗိုလ်ချုပ်ပွန်ချိုင်းချာယွန်းဝေါင်က ပြောကြားခဲ့သည်။

အသွင်ယူရဲတပ်ဖွဲ့က အိုက်စ်မူးယစ်ဆေးဝါး ၂၇ ကီလိုဂရမ်ဝယ်လိုကြောင်း ဟန်ဆောင်၍ စောင့်ဆိုင်းဖမ်းဆီးရမိခဲ့ခြင်းဖြစ်သည်။ ယင်းမူးယစ်အဖွဲ့ဝင် ဂျမ်ရတ်၏ အိမ်မှ ရာဘဆေးပြား ငါးသိန်းနှင့်အိုက်စ် ၄ ဒသမ ၈ ကီ လိုတို့ကို ဖမ်းဆီးရမိခဲ့သည်။

ယင်းမူးယစ်မှောင်ခိုအဖွဲ့သည်ကွယ်လွန်သူရွှေတြိဂံမူးယစ်ခေါင်းဆောင်ခွန်ဆာ၏ကွန်ရက်မှအစိတ်အပိုင်းတရပ်ဖြစ်ကြောင်းအမျိုးသားရဲတပ်ဖွဲ့အကြီးအကဲ ရဲဗိုလ်ချုပ်ကြီးချက်တစ်ချိုင်ဂျင်ဒါက ပြောခဲ့သည်။

ယင်းအမှုနှင့် ပတ်သက်နေသည့် ချင်းရိုင်တွင် ရွှေဆိုင်နှင့် ငွေလဲကောင်တာ ဖွင့်ထားသော ရှမ်းအမျိုးသားလင်မယားကိုလည်းဖမ်းဝရမ်းထုတ်ထားကြောင်း ဆိုသည်။

ထွဋ်ဝင်းထွဋ်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal