ကမ္ဘာနိုင်ငံရဲ့ မြို့ကြီးအသီးသီးမှာ ကားတွေများလာတာနဲ့အမျှ ကားရပ်နားစရာ ကားပါကင်တွေ မလုံမလောက်တဲ့ ပြဿနာကို နေရာအတော်များများမှာ တွေ့ကြုံနေကြရပါတယ်။ တစ်ခါတစ်ရံ ကားရပ်နားစရာနေရာရဖို့ အကြိမ်များစွာ ပတ်မောင်းပြီး ပါကင်ရှာရတာမျိုး၊ ကိုယ်သွားချင်တဲ့ နေရာနဲ့ အတော်ဝေးဝေးမှာ ကားကို ထားခဲ့ရတာမျိုးတွေ ကြုံရတတ်ပါတယ်။

 

ဒီလိုစိတ်အခန့်မသင့်စရာတွေ ကြုံရတဲ့အခါ ကားမောင်းသူတွေရဲ့ သီးခံနိုင်စွမ်းကလည်း မရှိသလောက်ဖြစ်လာပြီး ဖြစ်ချင်ရာဖြစ် ထင်ရာဆိုင်းတဲ့ အဖြစ်မျိုးကို ရောက်သွားတတ်ပါတယ်။

 

တရုပ်နိုင်ငံက ကားပါကင်တစ်ခုမှာ ကားပါကင်အစောင့်က မာစီဒီးအမျိုးအစား ကားတစ်စီးကို ပါကင်ထဲ မဝင်ရအောင် တားမြစ်နေပါတယ်။ ဒါပေမယ့် ကားရပ်နားဖို့ တစ်နေရာစာ အသေရရ အရှင်ရရ လိုချင်နေတဲ့ မာစီးဒီမောင်းသူဟာ အတင်းဝင်ဖို့ ကြိုးစားပါတယ်။ ဒီအခါမှာ အစောင့်က ကားရှေ့ကနေ ပိတ်ရပ်ပြီးတားပါတယ်။ ကားမောင်းသူက ကားကို တရွေ့ရွေ့တွန်းမောင်းရင် အစောင့်ကို ဖြည်းဖြည်းချင်း ကားနဲ့တွန်းပါတယ်။