ရန်ကုန်မြို့လည် မြို့ပတ်ရု့များတွင် ပြသအောင်ပွဲခံလျှက်ရှိသော “ကျွန်” ရုပ်ရှင်ဇာတ်ကားကြီး၏ ဇာတ်လမ်းတွင် ပုဂံဒေသ၏ ခမ်းနားကြီးကျယ်မှုကို အသုံးချကာ တစ်ချိန်ကရှိခဲ့ဖူးသည့် ‘ဘုရားကျွန်’ ဟူသော အဓိပ္ပါယ်ကို သေချာမသိရှိပဲ သူတောင်းစား၊ နူနာရောဂါသည် အမျိုးယုတ် အသွင်သဏ္ဍန်မျိုး အသက်သွင်း ဖော်ပြခဲ့သဖြင့် ထိုဇာတ်ကားကို ဖန်တီးခဲ့သူ ဒါရိုက်တာနှင့် ဇာတ်လမ်းရေးသူတို့အား တရားဥပဒေအရ အရေးယူရန် ပုဂံဒေသခံများက ဇွန်လ ၇ ရက်(ယနေ့)တွင် ဆွေးနွေးပြင်ဆင်သွားမည်ဖြစ်ကြောင်း သတင်းရရှိသည်။

 

 

ကျွန်ဇာတ်ကား နှင့် ပုဂံဒေသခံအနာဂါတ်အရေး

~~~~~~ ဆွေးနွေးကြမည် ~~~~~~~~

 

နေ့ရက်။ ။ ၇ ရက်၊ ဇွန်လ၊ ၂၀၁၇၊ (ဗုဒ္ဓဟူးနေ့)

အချိန် ။ ။ နေ့လည် ၃ နာရီ၊

နေရာ ။ ။ မင်္ဂလာသာစည်ဘုရားဓမ္မာရုံ၊ 

ရွှေစည်းခုံဘုရားအနောက်ဘက်၊ အမှတ် ၅ ၊

မင်္ဂလာသာစည်ရပ်ကွက်၊ ညောင်ဦးမြို့။

{ပုဂံညောင်ဦးဒေသခံများ/လူမှုအသင်းဖွဲ့များ အားလုံး ...တက်ရောက်ဆွေးနွေး နိုင်ကြပါရန်.}

 

အထင်ကရ ကြီးကျယ်မြင့်မြတ်သော မဟာပုဂံ၏ ခမ်းနား တင့်တယ် အားမာန်ကြီးမှု သရုပ်များကို ခုတုံးလုပ်၊ ယခုအခါ၌လုံးဝမရှိတော့ပါသော `ဘုရားကျွန်´ ဟူသော..မူလ အဓိပ္ပါယ်ကို ဂုဏ်သရေဖျက်၊ကြီးကျယ်မြင့်မြတ်လှသော ထီးဖြူဆောင်းဂုဏ်ရှိန်ကြီး ဘုရားကျွန်ကို သူတောင်းစား.., အနူ အရွဲ လူလိမ် အမျိုးယုတ်ကဲ့သို့ အဓိပ္ပါယ်ဖွင့်ရိုက်ကူး..,

 

ဒီဘက်ခေတ် ဒီဘက်အခါအထိ လူ့အခွင့်အရေးနှင့်လူ့ဂုဏ်သိက္ခာကို ချိုးဖောက် မိမိဇာတ်လမ်း၊ မိမိရုပ်ရှင်အတွက် ပုဂံဒေသနှင့် ဒေသခံလူထုကို စော်ကား ၊ အတ္တကြီးကြီးနဲ့ သမိုင်းဖျက် သမိုင်းလိမ် မျက်မှောက်ခေတ်ထိ ရှိနေသယောင်ယောင် လူသားချင်းမစာနာ လူမဆန်စွာ... ရိုက်ကူး ပုံဖော် ချပြ ခဲ့ကြသော `ဇာတ်လမ်း ကနုတ်မေ´ နှင့် ဒါရိုက်တာညွန့်မြန်မာညီညီအောင်တို့အား လိုအပ်သော.. တုံ့ပြန်မှု ကို တရားဥပဒေအတိုင်း ဆက်လက်အရေးယူမှု ပြုလုပ်နိုင်ရန်အတွက် အထက်ပါအစီအစဉ်အတိုင်း မပျက်မကွက်တက်ရောက်ကြပါရန် တင်ပြအပ်ပါသည်။

 

- သတင်း / မီဒီယာများလည်း လာရောက်ကူညီနိုင်ပါသည်။

ပုဂံ ဖောင်တိန် -

 

 

 

“ကျွန်” ရုပ်ရှင်ဇာတ်ကားကို ဇာတ်လမ်း ကနုတ်မေ က ရေးသားပြီး ဒါရိုက်တာညွန့်မြန်မာညီညီအောင်က ရိုက်ကူးပုံဖော်ခဲ့သည်။ အဆိုပါ ဇာတ်ကားတွင် နေတိုး၊ မြင့်မြတ် နှင့် ဝတ်မှုံရွှေရည်တို့ ခေါင်းဆောင်ပါဝင်သရုပ်ဆောင်ထားပြီး မေလ ၂၆ ရက်နေ့က စတင်ကာ ရုံတင်ပြသလျှက်ရှိသော ဇာတ်ကားတစ်ကား ဖြစ်သည်။