အွန်လိုင်းပေါ်က ချစ်သူကို ပထမဆုံးချိန်းတွေ့စဉ်မှာ ကိုယ့်ကိုယ်ကိုယ်သေကြောင်းကြံခဲ့သူ မိန်းကလေး
26 Jun 2017 1,643 Views
အသက် ၂၃ နှစ်အရွယ် မိန်းကလေးတစ်ဦးဟာ အွန်လိုင်းပေါ်ကနေ ချစ်သူဖြစ်ခဲ့သူ အမျိုးသားနှင့် ဟိုတယ်တစ်ခုမှာ ပထမဦးဆုံး လူချင်းချိန်းတွေ့စဉ် တိုက်ပေါက ခုန်ချကာ ကိုယ့်ကိုယ်ကို သေကြောင်းကြံစည်ရန် ကြိုးစားခဲ့မှုတစ်ခု တရုပ်နိုင်ငံမှာဖြစ်ပွားခဲ့ပါတယ်။
မိသားစုများက သူမထက် အသက် ၁၀ နှစ်ကျော်ကြီးတဲ့ အွန်လိုင်းက ရည်းစားနှင့် သဘောမတူကြောင်း အတိုက်အခံဖြစ်ခဲ့တဲ့အတွက် သူမဟာ ရည်းစားနဲ့ အပြင်မှာ တွေ့ဆုံရန် ပထမဆုံးချိန်းဆိုခဲ့တာ ဖြစ်ကြောင်း သူမ၏ မိခင်က ပြောဆိုခဲ့ပါတယ်။
သူမဟာ ဟိုတယ်ရဲ့ ခုနှစ်လွှာမှာ ပထမဆုံး အွန်လိုင်းရည်းစားရဲ့ အသွင်သဏ္ဍန်ကို တွေ့မြင်ခဲ့ရပြီးနောက် အလွန်တရာ စိတ်ပျက်ခဲ့ပြီး ဟိုတယ် ဝရန်တာကနေ ခုန်ချဖို့ ကြိုးစားခဲ့တာပါ။ “နင်ငါ့ကို ညာတယ်” ဟု ပါးစပ်မှလည်း အော်ဟစ်ပြီး ဝရန်တာ အစွန်အဖျားမှာ ရပ်ကာခုန်ချဖို့ ကြိုးစားခဲ့ပါတယ်။
ရဲတွေရောက်လာပြီး အမျိုးသမီးကို ဝရန်တာမှ ဆွဲယူရန် ကြိုးစားခဲ့ရာ သူမက အိပ်ဆေးများကို ရုတ်တရက် ပါးစပ်ထဲသွန်ထည့်လိုက်ပြီး ပြတင်းပေါက် မှန်ကွဲစဖြင့် သူ၏လက်ကောက်ဝတ်ကို ဖြတ်ဖို့ ထပ်မံကြံစည်ခဲ့ပါတယ်။ ရဲတွေက အမြန်ထိန်းသိမ်းခဲ့ပြီး ဆေးရုံကားနှင့် ဆေးရုံသို့ တင်ပို့ခဲ့ရပါတယ်။
မိသားစုက သဘောမတူဘူးလို့ ဆိုစဉ်က ချစ်သူအတွက် မိသားစုကို ဆန့်ကျင်ခဲ့တဲ့ မိန်းကလေးဟာ လူကိုယ်တိုင်အပြင်မှာ မြင်တွေ့တဲ့ အခါကျတော့ သတ်သေချင်စိတ်ပေါက်သွားလောက်အောင် သူ့ရဲ့ အွန်လိုင်းပေါ်က ချစ်သူက ဘယ်လောက်တောင် ပုံးပန်းသဏ္ဍန်ဆိုးရွားနေခဲ့လဲ ဆိုတာကိုတော့ ဖော်ပြထားခြင်းမရှိပါဘူး။ အိပ်ဆေးတွေ အများကြီးသောက်ခဲ့တဲ့ သူမကတော့ ဆေးရုံပေါ်မှာ ကုသမှုတွေ ခံယူရဦးမှာဖြစ်ပါတယ်။
