Lego အတုံးများနဲ့ လက်အတုတစ်ဖက်ဖန်တီးခဲ့တဲ့ လူငယ်(ရုပ်သံ)
21 Dec 2017 1,877 Views
အသက် ၁၈ နှစ်အရွယ်ဖြစ်တဲ့ ဆယ်ကျော်သက်ကောင်လေး David Aguilar ဟာမွေးကတည်းက လက်တစ် ဖက်မပါခဲ့တဲ့အတွက် လက်အတုတစ်ဖက်ကို ပြုလုပ်ဖို့အိမ်မက်မက်ခဲ့ဖူးပါတယ်။ ယခု Christmas မှာတော့ သူဟာ သူ့အိမ်မက်ကို အကောင်အထည်ဖော်နိုင်ခဲ့ပါတယ်။
David ကသူ့ရဲ့ အိမ်မက်ဖြစ်တဲ့ လက်အတုကို lego တုံးလေးတွေနဲ့ တီထွင်ခဲ့ပြီး ပစ္စည်းအရာဝတ္ထုများကို ကိုင်တွယ်နိုင်ကြောင်း ဗီဒီယိုရိုက် မှတ်တမ်းတင်ခဲ့ပါတယ်။
David ရဲ့ လက်ဟာ ငယ်ငယ်က ကောင်းကောင်းမဖွံဖြိုးခဲ့တဲ့အတွက် လက်တစ်ဖက်ကို အသုံးပြုနိုင်ခဲ့ပြီး အခုလည်း အဲ့ဒီလက်တစ်ဖက်တည်းနဲ့ ကလေးကစားစရာအရုပ်တွေကို စုပေါင်းပြီးတီထွင်ခဲ့ပါတယ်။ David ကတော့ သူရဲ့လက်တုကို လှုပ်ရှားလိုက်တဲ့အခါမှာ လက်ချောင်းလေးတွေ လှုပ်သွားပြီး ပစ္စည်းအချို့ကိုလည်း ကိုင်တွယ်ပြခဲ့ပါတယ်။
David ဟာလက်ရှိမှာတော့ အထက်တန်းတက်နေပြီး စက်မှုနည်းပညာကို သင်ယူနေပါ တယ်။ IT နဲ့ စက်ရုပ်တီထွင်ရာမှာ စိတ်ဝင်စားပြီး အင်ဂျင်နီယာတစ်ယောက်ဖြစ်ချင်တယ်လို့ ပြောခဲ့ပါတယ်။ သူကိုယ်တိုင် တီထွင်ထားတဲ့ Lego အတုံးလေးတွေနဲ့ အသက်ဝင်နေတဲ့ လက်အတုကို ရှုစားကြည့်ပါဦး။
