အမျိုးသမီး ၃ ဦး ဆယ်လ်ဖီရိုက်စဉ် တံတားပြိုကျ
09 May 2018 1,539 Views
ရထားလမ်းပေါ်ရှိ တံတားတစ်ခုပေါ်တွင် အမျိုးသမီး ၃ ဦး အမှတ်တရ ဆယ်လ်ဖီရိုက်ကူးနေစဉ် တံတားပြိုကျခဲ့မှုကြောင့် အမြင့်ပေ ၃၀ ကျော်မှ ပြုတ်ကျပြီး ပြင်းထန်စွာ ဒဏ်ရာရရှိခဲ့သည်။
ဖြစ်စဉ်မှာ ဧပြီလ ၂၃ ရက်နေ့က ဘရာဇီးနိုင်ငံ မြောက်ပိုင်းတွင်ရှိသော ရထားလမ်းဟောင်းတစ်ခုရှိ တံတားပေါ်တွင် အသက် ၂၂၊ ၁၅ နှင့် ၂၆ အရွယ်အမျိုးသမီး ၃ ဦး အတူတစ်ကွ ဓါတ်ပုံရိုက်နေကြစဉ် တံတားပြိုကျခဲ့သည်။
Cais မြစ်ပေါ်တွင် ရထားသွားရန် တည်ဆောက်ထားသော တံတားဖြစ်ပြီး ပြုပြင်ထိန်းသိမ်းခြင်း မရှိသည်မှာ အတန်ပင်ကြာပြီဖြစ်ကြောင်း ရဲအဖွဲ့က ဆိုသည်။ အမျိုးသမီး သုံးဦးမှာ ရထားလမ်းတံတားဘေးနားတွင် အစွန်ထုတ်ထားသော နေရာလေးကို ဝင်ကာ ဓါတ်ပုံရိုက်စဉ် ပေ ၃၀ ကျော်အမြင့်မှ ပြုတ်ကျခဲ့သည်။
အမျိုးသမီး သုံးဦးစလုံး အသက်ရှင်ခဲ့သော်လည်း မတူညီသော ဒဏ်ရာများနဲ့ ဆေးရုံသို့ပို့ဆောင်ခဲ့ရသည်။ အမျိုးသမီးနှစ်ဦးမှာ ခြေထောက်ကျိုးပြီး ကျန်တစ်ဦးက ခြေဖနောင့်ကျိုးခဲ့သဖြင့် ဆေးရုံတစ်ရုံမှ တစ်ရုံသို့ အဆင့်ဆင့်ပြောင်းကာ ကုသနေရကြောင်း သိရှိရသည်။
