BEC-TERO TV

နေအိမ်ဖောက်ထွင်းပြီး ၁၈၃ သိန်းခန့် ခိုးယူသူအား ဖမ်းဆီးရမိ

18 May 2018     1,036 Views


မေလ ၁၇ ရက်နေ့ ည ၉ နာရီအချိန်ခန့်တွင် တရားခံကို မြေကြီးအောက်မြုပ်နှံထားသော ခိုးရာပါရွှေငွေများနှင့်အတူ သိမ်းဆည်းရမိခဲ့ကြောင်း သိရသည် ။
 
 
ဖြစ်စဉ်မှာ မေလ ၁၅ ရက်နေ့ နံနက် ၁၀ နာရီအချိန်ခန့်တွင် မအိမာဆွေ ၃၂ နှစ် တံတားမြို့ နေသူသည် ဆေးကုသရန်ခင်ပွန်းနှင့် အကယ်ဒမီဆေးရုံသို့ အတူသွားရောက်ခဲ့သည် ။ မေလ ၁၆ ရက်နေ့နံနက် ၁ နာရီအချိန်ခန့်တွင် ဆေးရုံမှ နေအိမ်သို့ပြန်လည်ရောက်ရှိသောအခါ နေအိမ်တံခါးမကြီးမှာ ဖွင့်နေပြီး အိမ်အတွင်းရှိ ပစ္စည်းများအားစစ်ဆေးကြည့်ရာ ရွေငွေများပျောက်ဆုံးခဲ့ကြောင်းသိရသည် ။
 
 
ဘီဒို အသေးတံခါးမှာဖွင့်နေပြီး၎င်းဘီဒိုအတွင်းတွင် ထားရှိသည့်ငွေစက္ကူ ရောရာ(နှစ်ဆယ့်သုံးသိန်း ခန့်)နှင့်ရွှေထည်ပစ္စည်းအလေးချိန်(၂၀)ကျပ်သားခန့်၊တန်းဖိုး/သိန်း(၁၆၀)ကျပ်ခန့်၊စုစုပေါင်းသိန်း(၁၈၃)သိန်းခန့် ပျောက်ဆုံးသွားခဲ့သဖြင့် တရားလိုဖြစ်သူက ရဲစခန်းသို့သွားရောက်တိုင်ကြားခဲ့သည် ။
 
 
ထိုရာတွင် ရဲစခန်းမှ တိုင်ကြားချက်များအရ စစ်ဆေးခဲ့ရာ ခိုးသူ၏နေအိမ်နောက်ဖေးမီးဖိုချောင်အတွင်းမှ မြေကြီးအောက်အနက် ၁ ပေခန့်တွင်မြှုပ်နှံထားပြီး ခိုးယူထားသော ရွှေငွေများအားလုံးကိုသိမ်းဆည်းရမိခဲ့သည် ။ တရားခံကို တံတားနယ်မြေရဲစခန်းမှ (ပ)၁၉/၂၀၁၈၊ပုဒ်မ-၃၈၁၊အရအမှုဖွင့်အရေး ယူဆောင်ရွက်လျက်ရှိကြောင်းသတင်းရရှိပါသည်။

18 May 2018     1,036 Views




RELATED

Most Popular of Myanmar News

Most Popular of NEWS