လိင်တူချစ်သူတစ်ယောက်ဖြစ်ကြောင်းဝန်ခံလိုက်တဲ့ ဥက္ကာမင်းမောင်

27 Jun 2018 1,645 Views

မကြာသေးခင်ရက်ပိုင်းလောက်က ပရိသတ်တွေကို ဂယက်ထသွားစေခဲ့တာကတော့ အွန်လိုင်းပေါ်မှာပျံ့နှံ့နေတဲ့ ဥက္ကာမင်းမောင်နဲ့ယောကျာ်းတစ်ယောက်ရဲ့ ပုံတွေပဲဖြစ်ပါတယ်။ နှစ်ယောက်သား နမ်းရှုံ့နေတဲ့ပုံတွေကြောင့် မိန်းကလေးပရိသတ်များသာမက ယောကျာ်းလေးပရိသတ်များပါ အံ့အားသင့်ခဲ့ကြပါတယ်...

ထိုပုံတွေနဲ့ ပတ်သက်ပြီး ဝေဖန်မှုတွေပြင်းထန်စွာ ခံနေရတဲ့ ဥက္ကာမင်းမောင်က သူ့ရဲ့လူမှုကွန်ယက် ဖေ့စ်ဘွတ်ကတစ်ဆင့် ဗီဒီယိုဖိုင်တစ်ခုတင်ပြီး ပရိသတ်တွေသိချင်နေကြတဲ့ အဖြေတစ်ခုကိုပေးခဲ့ပါတယ်။ အားလုံးထင်မြင်ယူဆနေတဲ့အတိုင်း သူဟာလိင်တူချစ်သူတစ်ယောက်ဖြစ်ကြောင်း ဖွင့်ဟ၀န်ခံခဲ့ပါတယ်။ ထိုပုံထဲကလူက သူ့ရဲ့လက်ရှိချစ်သူဖြစ်ပြီး အရင်ကလည်း အိမ်ထောင်ကျခဲ့ဖူးပါတယ်လို့ ဗီဒီယိုဖိုင်လေးထဲမှာ ပြောပြထားပါတယ်...

"အွန်လိုင်းမှာ ပျံ့နေတဲ့ပုံတွေနဲ့ပတ်သက်ပြီး ပြောချင်တာကတော့ ပရိသတ်တွေထင်နေတဲ့ အတိုင်းပါပဲ… ကျွန်တော် မလိမ်ပါဘူး အမှန်ပါပဲ…ပုံတွေက ကွန်တော့်ရဲ့ အရင်းနှီးဆုံးသူငယ်ချင်းတစ်ယောက်က ဖြန့်လိုက်တာပါ… ပုံထဲကသူက ကျွန်တော့်ရည်းစားပါ .. ကျွန်တော်အရင်ကလည်း အိမ်ထောင်ကျဖူးပါတယ်။ ကျွန်တော်ခင်ပွန်းက၂၀၁၆ခုနှစ်ဖေဖော်ဝါရီလောက်က ရုတ်တရက် ဆုံးသွားခဲ့တာပါ။ ကျွန်တော်တို့ Relationship က (၅)နှစ်ရှိပြီး အိမ်ထောင်သက်တမ်းက(၃)နှစ်ပါ။ကျွန်တော်တို့မှာ ခွေးလေးနှစ်ကောင်ရှိတယ်။ ကျွန်တော်တို့ ဘဝအေးချမ်းတယ်။ သာမန်မိသားစုဘဝလေးလို နေတယ်။ တခြားသူတွေ ထင်သလို ဂေးနှစ်ယောက်က အိမ်ထောင်ပြုလိုက်ရင် မျိုးတုန်းသွားမယ်တို့ မျိုးစုံပြောကြတယ်။ တကယ်တော့ မဆိုင်ပါဘူး။ ဒီလူတစ်ယောက်သည် အခြားသူတစ်ယောက်အပေါ်မှာ ချစ်လို့ရတယ်။ သူတို့ရဲ့ စိတ်ထဲမှာ ဘယ်ဟာပေါ် ပိုပြီး အားပိုသာတယ်ဆိုတာ သူတို့ကိုယ်သူတို့ပဲ သိကြတယ်။တချို့ကျတော့လည်း ပတ်ဝန်းကျင်ကြောင့် မိသားစုကြောင့် ထုတ်မပြောတာတွေ ရှိကြတယ်။ ကျွန်တော် အရင်ကမိန်းကလေး ရည်းစားထားခဲ့ဖူးပါတယ်။ ဒါပေမယ့် ကျွန်တော်ဘယ်ဘက်ကို ရာခိုင်နှုန်းများလည်းဆိုတာ ကျွန်တော့်ကို ကျွန်တော်သိတယ်။ ကိုယ်မပျော်နိုင်တဲ့ဘဝမှာ ဘယ်သူကိုမှလည်း ဒုက္ခမပေးချင်ဘူး။ ကျွန်တော်ပျော်သလိုပဲ ကျွန်တော့်ဘဝကို ဆက်သွားချင်တယ်။ ကျွန်တော်အိမ်ထောင်ဖက်ကောင်းတစ်ယောက် ရခဲ့ပြီးပါပြီ။ နောက်ထပ်ဒီလိုမျိုး ထပ်ရလိမ့်မယ်လို့လည်းမ ထင်ထားဘူးပေ့ါနော်” ဆိုပြီးပြောထားပါတယ်။

“ဒါပေမယ့်လည်း မြန်မာနိုင်ငံရဲ့ ထုံးစံအရ ဒါမျိုး လက်မခံဘူးဆိုတာ သိတယ်။ အခုချိန်ကျမှလည်း အတင်းကြီး ဇွတ်မလိမ်ချင်ဘူး။ ကျွန်တော်အခု အရမ်းပျော်တယ်။ ကျွန်တော့်ရဲ့ ပါတနာက ကျွန်တော့်ကို အရမ်းချစ်တယ်။ကျွန်တော့်ကို ကျွန်တော်မှားတယ်လို့မထင်ပါဘူး။ နောင်တလည်းမရဘူး။ ကျွန်တော့်ကို အားပေးနေတဲ့ ပရိသတ်တွေ ရှိနေတာနဲ့တင် ကျွန်တော်ကျေနပ်ပါတယ်။ ဆဲနေတဲ့သူတွေကိုလည်း အပြစ်မပြောပါဘူး။ ကိုယ့်သမိုင်းကိုယ်ရေးကြတဲ့ သူတိုင်းမှာ ကျွန်တော့်ဘဝကို ကျွန်တော်အလှပဆုံး ရေးခဲ့ပြီးပြီ။ " ဆိုပြီး သူလျှောက်လှမ်းနေတဲ့ဘ၀ကို သူကျေနပ်ကြောင်း ဗီဒိယိုထဲမှာ ဆက်လက်ပြောထားပါသေးတယ်။

ဂေးတစ်ယောက်ဖြစ်ကြောင်း ၀န်ခံလိုက်ပြီးနောက်ပိုင်း သူ့ကိုဆက်လက်အားပေးနေကြသူတွေ၊ လက်ခံဝန်းရံပေးတဲ့သူတွေအများအပြားရှိသလို နှာခေါင်းရှုံ့ကဲ့ရဲ့ကြသူတွေလဲရှိပါတယ်… ဘာတွေပဲဖြစ်ဖြစ် မရှက်မကြောက်နဲ့ အမှန်ကို အမှန်အတိုင်းဝန်ခံရဲတဲ့ စိတ်ဓာတ်ကတော့ လေးစားချင်စရာပါပဲ…..