ကိုယ်ဝန် ၂၂ ပတ်နဲ့ မွေးဖွားခဲ့တဲ့ ကလေးကို ဆေးရုံမှ ဘွဲ့အပ်နှင်း(ရုပ်သံ)
31 Aug 2018 1,816 Views
အမေရိကန်နိုင်ငံတွင် ၂၂ ပတ်သာကိုယ်ဝန်ဆောင်ပြီး မွေးဖွားလာခဲ့တဲ ကလေးလေးတစ်ဦးကို ယူအက်အေ မိခင်နဲ့ကလေးဆေးရုံ အထူးကြပ်မတ်ကုသဆောင်ကနေ ဘွဲ့အပ်နှင်းအခမ်းအနား ပြုလုပ်ပေးခဲ့ပါတယ်။
‘မိုလီ’ လို့ အမည်ရတဲ့ အမျိုးသမီးဟာ သူမရဲ့ကိုယ်ဝန် ၂၂ ပတ်သားမှာ အထဲက ကလေးနေရထိုင်ရခက်လာတဲ့ ပြဿနာကြုံခဲ့တာကြောင့် ဆေးရုံပေါ်မှာ သုံးပတ်ခန့် တက်ပြီးမှ ပုံမှတ်ထက် ပိုမိုစောစီးစွာဖြင့် သားယောက်ျားလေး တစ်ဦး ဖွားမြင်ခဲ့ပါတယ်။ ကလေးကို “ကူလန်” လို့ အမည်ပေးထားပါတယ်။
‘ကူလန်’ ကို မမွေးဖွားမီက ဒီလောက်အချိန်အစောကြီး မွေးလာခဲ့မယ်ဆိုရင် ကလေး အသက်ရှင်ဖို့ ၂ % သာ အခွင့်အရေးရှိပြီး အသက်ရှင်ခဲ့ရင်တောင် မသန်မစွမ်းဖြစ်လာနိုင်တယ်လို့ ဆရာဝန်တွေက ဆေးပညာအရ ပြောကြားခဲ့ပါတယ်။
ဒါပေမယ့်လည်း မိဘဖြစ်သူတွေက မျှော်လင့်ချက်ကို မလျော့ချခဲ့ပါဘူး။ ‘မိုလီ’ ရဲ့ ခင်ပွန်းဖြစ်သူက ‘ရောဘတ်’ က အနီးနားမှာရှိတဲ့ ပြည်နယ် ၃ ခုထဲက ဆေးရုံပေါင်း ၁၆ ရုံကို ခြေတိုအောင် သွားရောက်စုံစမ်းခဲ့ပြီး ကလေးစောမွေးမယ့် ဇနီးသည်နဲ့ ကိုက်ညီမယ့် အသင့်တော်ဆုံး ဆေးရုံကို လိုက်ရှာခဲ့ပါတယ်။
‘မိုလီ’ ဟာ ပြီခဲ့တဲ့ နှစ်တုန်းက ကိုယ်ဝန်နှစ်ကြိမ် ပျက်ကျထားဖူးသူလည်းဖြစ်လို့ ဒီတစ်ကြိမ် ကလေးမွေးနိုင်ဖို့ အတွက် ဘာလာလာရင်ဆိုင်ရန် အားတင်းထားကြတာပါ။
‘မိုလီ’ ကို ပန်ဆာကိုလာဆေးရုံကနေ ယူအက်အေ မိခင်နဲ့ကလေးဆေးရုံကို လွှဲပြောင်းပေးပို့ခဲ့ပြီး အထူးကြပ်မတ်ဆောင်ထဲမှာ အရေးပေါ်မီးဖွားခဲ့ရတာဖြစ်ပါတယ်။ မွေးလာတဲ့ ကလေးဟာ ၁၃.၉ အောင်စသာရှိပြီး အခြားသော ပုံမှန်မဟုတ်တဲ့ အခြေအနေတွေကို ရင်ဆိုင်ကျော်ဖြတ်ခဲ့ရပါတယ်။
ဆေးရုံပေါ်မှာ ရက်ပေါင်း ၁၆၀ ကြာ အသက်ရှင်ဖို့ ရုန်းကန်ခဲ့ရပြီး နောက်ဆုံးမှာတော့ “ကူလန်” လေးဟာ ပုံမှန်ကလေးတွေလို ဖြစ်လာပြီး ကိုယ်အလေးချိန်လည်း ၅ ပေါင် ၁၁ အောင်စ ရှိပြီမို့ အန္တရာယ်အခက်ခဲတွေ အားလုံးကို အောင်မြင်စွာ ကျော်ဖြတ်နိုင်ခဲ့ပါတယ်။
ဒါကြောင့်မို့ သူဆေးရုံဆင်းမယ့်နေ့မှာပဲ အထူးကြပ်မတ်ဆောင်က ဘွဲ့အပ်နှင်းတဲ့ အခမ်းအနားအတိုင်း “ကူလန်” ကို ဘွဲ့ဝတ်စုံ၊ ဦးထုတ် ဝတ်ပေးပြီး ဘွဲ့ယူနောက်ခံတီးလုံးတွေနဲ့ မြိုင်မြိုင်ဆိုင်ဆိုင် ဆေးရုံက ဆင်းခွင့်ပေးလိုက်ပါတယ်။
