"ရေပုံမှန်ချိုးတာကြောင့် အသားတွေဖြူလာတာပါ"လို့ ဆိုလိုက်တဲ့ ခြိမ့်ကေကို (ဘနားနား)

28 Nov 2018 1,937 Views

မြန်မာအိုင်ဒေါသီချင်းဆိုပြိုင်ပွဲကြီးမှာ မြန်မာပြည်သိန်းတန်ဌက်ပျောသီးကျွေးလိုက်ရာမှ ဘနားနားဆိုပြီး လူသိများကျော်ကြားလာတဲ့ ခြိမ့်ကေကိုဟာဆိုရင် အနုပညာလောကထဲမှာသာမက လက်ရှိအွန်လိုင်းသုံးစွဲသူများကြားမှာပါ ရေပန်းစားနာမည်ကြီးနေသူတစ်ယောက်ဖြစ်ပါတယ်။ ၀ါသနာပါရာ အနုပညာဂီတအလုပ်တွေကို မဆုတ်မနစ်ကြိုးစားလုပ်ကိုင်နေတဲ့ ဘနားနားကိုတော့ ဝေဖန်တိုက်ခိုက်ပြောဆိုသူတွေများစွာရှိသလို ဘနားနားဘက်ကနေရပ်တည်အားပေးနေသူတွေလဲ အများအပြားရှိပါတယ်။

မကြာသေးခင်က အွန်လိုင်းကနေထွက်ရှိထားတဲ့ ခြိမ့်ကေကိုရဲ့ “မမရေလွမ်းလို့” သီချင်းလေးကလဲ လူငယ်တွေကြားအကြိုက်တွေ့ခဲ့ရတဲ့ သီချင်းတစ်ပုဒ်ဖြစ်လို့နေပါတယ်။ ဒါ့အပြင် လွန်ခဲ့တဲ့ရက်ပိုင်းက အမိုက်စားဒီဇိုင်းကာလာအနေအထားနဲ့ ပို့စ်ပေးကြမ်းနေတဲ့ ပုံရိပ်တွေကြောင့် ပရိသတ်တွေကြား အံ့သြမှင်သက်သွားခဲ့ရပါသေးတယ်။ မမှတ်မိနိုင်လောက်အောင်ပြောင်းလဲသွားတဲ့ ဘနားနားရဲ့ဓာတ်ပုံတွေနဲ့ပတ်သက်ပြီး အညိုရောင်အသားအရေပိုင်ရှင် ဘနားနားတစ်ယောက် အသားတွေဖြူလာတယ်ဆိုတဲ့ ဝေဖန်သုံးသပ်ချက်တွေပေါ်ထွက်လာခဲ့ပါတယ်။

ထိုပြောဆိုမှုတွေနဲ့ ပတ်သက်လို့ အင်တာဗျူးတစ်ခုကနေ “အသားကတော့ သူ့ဘာသာဖြူလာတယ်လို့ပဲပြောရမယ်။ ကျွန်တော်က ရေပုံမှန်ချိုးတာကြောင့် အသားတွေဖြူပြီး ဖွေးလာတာပါ” ဆိုကာ အသားဖြူလာရတဲ့အကြောင်းရင်းကို ပြောပြလိုက်တာပဲဖြစ်ပါတယ်။ ပရိသတ်ကြီးထဲက အသားဖြူချင်သူတွေရှိရင် ရေပုံမှန်ချိုးကြပါလို့ တိုက်တွန်းလိုက်ပါရစေနော်။

ခြိမ့်ကေကိုဟာဆိုရင် လက်ရှိမှာ အနုပညာအလုပ်တွေကို ဆက်တိုက်လုပ်ကိုင်နေတာဖြစ်ပြီး သီချင်းအသစ်တွေလဲ ဆက်လက်ထွက်ရှိသွားဖို့ရှိတယ်လို့ဆိုပါတယ်။ အဆိုပိုင်းမှာသာမက သရုပ်ဆောင်ပိုင်းမှာပါ ကိုယ့်ကိုကိုယ်ယုံကြည်မှုအပြည့်ရှိတယ်ဆိုတဲ့ ဘနားနားကတော့ ဂီတနယ်ပယ်မှာအလုပ်တွေလုပ်ရင်း သရုပ်ဆောင်ပိုင်းကိုပါခြေလှမ်းစတင်နေပြီဖြစ်ကာ “တောသားဆိုပြီး အချဉ်မဖောက်နဲ့” ဆိုတဲ့ လူထုအကျိုးပြုဇာတ်လမ်းကို လက်ခံရိုက်ကူးနေပြီပဲဖြစ်ပါတယ်။