အမျိုးသမီး ကမ္ဘာ့မွေထိုင်းချံပီယံ အဆောင်အတွင်း ကြိုးဆွဲချလျှက် သေဆုံး
19 Dec 2018 1,801 Views
ထိုင်းနိုင်ငံ၏ ရိုးရာလက်ဝှေ့(မွေထိုင်း) ကမ္ဘာ့အမျိုးသမီးချံပီယံ “နီတီရာပွန် သီရီဆလေ” အသက် ၂၂ နှစ် ကို သူမနေထိုင်ရာ အဆောင်၏ အိပ်ခန်းအတွင်း ကြိုးဆွဲချလျှက် သေဆုံးနေကြောင်း ဒီဇင်ဘာ ၁၈ ရက် (အင်္ဂါနေ့)က တွေ့ရှိခဲ့တယ်လို့ ထိုင်းရဲအဖွဲ့က ပြောဆိုခဲ့ပါတယ်။
သူမဟာ ရာဂျာဘတ် တက္ကသိုလ်မှာ ရိုးရာလက်ဝှေ့(မွေထိုင်း)ဘာသာရပ်ကို တက်ရောက်နေတဲ့ စတုတ္တနှစ်ကျောင်းသူဖြစ်ပြီး တက္ကသိုလ်အနီးနားက အဆောင်မှာ နေထိုင်နေသူဖြစ်ပါတယ်။
သူမနေတိုင်ရာ အခန်းရဲ့ အနောက်ဖက် တံခါးမကြီးမှာ နိုင်လွန်ကြိုးများနဲ့ ကြိုးဆွဲချပြီး သေးဆုံးလျှက်ရှိပါတယ်။ ရဲတွေက အခြားမသင်္ကာစရာများ မတွေ့ရှိခဲ့ရပေမယ့် အခန်းထဲမှာ တစ်ဝက်လောက် သောက်ထားတဲ့ ဝီစကီပုလင်းကို တွေ့ရှိခဲ့ပါတယ်။
“နီတီရာပွန်” ဟာ ကမ္ဘာ့မွေထိုင်းအဖွဲ့အစည်းရဲ့ ၅၁ ကီလိုတန်းမှာ ချံပီယံဖြစ်ခဲ့ပြီး ၅၂ ကီလိုတန်းမှာလည်း အနိုင်ရဖို့ ကြိုးစားနေသူလည်းဖြစ်ပါတယ်။
ပြီးခဲ့တဲ့ တနင်္ဂနွေနေ့ညက သူငယ်ချင်းတွေနဲ့ သောက်စားခဲ့ကြပြီး ည ၈ နာရီလောက်မှာ သူမရဲ့ အခန်းကို ပြန်သွားခဲ့တယ်လို့ သူငယ်ချင်းတွေက ရဲကို ထွက်ဆိုခဲ့ကြပါတယ်။ နောက်တစ်နေ့ မနက်မှာ သူငယ်ချင်းတစ်ယောက်က သူ့ကို ဖုန်းဆက်ခဲ့ပေမယ့် ဖုန်းမကိုင်တာကြောင့် အခန်းတံခါးသွားခေါက်ခဲ့ရာမှာလည်း ဘာမှတုံပြန်မှု မရှိခဲ့တာကြောင့် အဆောင်ရှင်ကို ခွင့်တောင်းပြီး သော့အပိုနဲ့ ဖွင့်ကာ အထဲဝင်ခဲ့ကြရာမှ သူမကို ကြိုးဆွဲချလျက် သေဆုံးနေတာ တွေ့ခဲ့ရပါတယ်။
နိုင်ငံတစ်ကာမွေထိုင်းပညာလေ့လာရေးအဖွဲ့အစည်းရဲ့ ဥက္ကဋ္ဌဖြစ်သူ Charnchai Yommadit က “နီတီရာပွန်” သေဆုံးခဲ့ရတာဟာ မွေထိုင်းလောကအတွက် အကြီးမားဆုံးဆုံးရှုံးမှုဖြစ်တယ်လို့ ပြောကြားခဲ့ပါတယ်။
“နီတီရာပွန်” ရဲ့ မိဘတွေဟာ အိမ်ထောင်ကွဲနေကြသူတွေဖြစ်ပြီး ကျောင်းစရိတ်ကိစ္စအဝဝကို သူမကိုယ်တိုင် ကြိုးစားရုန်းကန်နေရသူလည်းဖြစ်ကြောင်း သိရှိရသည်။
