လူမှုကွန်ယက်ကနေ ခြေရာခံကာ ရည်းစားဟောင်းကို အပြတ်ရှင်းပြီး မိမိကိုယ်ကို အဆုံးစီရင်
27 Dec 2018 1,423 Views
ထိုင်းနိုင်ငံ လန်ပန်းစီရင်စုတွင် ဒီဇင်ဘာ ၂၅ ရက် ခရစ္စမတ်နေ့ညက တက္ကသိုလ်ကျောင်းသူတစ်ဦးနဲ့ ကလပ်မှ လုံခြုံရေးတစ်ဦးတို့အား ရဉ်းစားဟောင်းဖြစ်သူ အမျိုးသားတစ်ဦးက သေနတ်နဲ့ ပစ်သတ်ခဲ့ပြီး နောက်ဆုံးတွင် သူ့ကိုယ်သူလည်း သေနတ်နဲ့ပစ်ကာ အဆုံးစီရင်မှု ဖြစ်ပွားခဲ့သည်။
Damrongchai Monotham (၃၉ နှစ်) က သူ၏ ရည်းစားဟောင်းဖြစ်သူ တက္ကသိုလ်ကျောင်းသူ Boonyaporn Kantalah (၂၁ နှစ်) နဲ့ ကလပ်လုံခြုံရေး Weerapong Morpa (၂၈ နှစ်) တို့ကို ကလပ်ဝင်ပေါက် လမ်းမဘေးတွင် သေနတ်နဲ့ ပစ်သတ်ခဲ့ခြင်းဖြစ်သည်။
ဖြစ်စဉ်မှာ Damrongchai ဟာ အရက်မူးနေခဲ့ပြီး ကလပ်ထဲသို့ဝင်ရောက်ကာ ရည်းစားဟောင်းဖြစ်သူ Boonyaporn ၏ လက်မောင်းကို တင်းတင်းကိုင်ဆွဲကာ အပြင်သို့ အတင်းအကြပ် ခေါ်ဆောင်လာခဲ့သည်။ ထိုအချိန်က Boonyaporn က သူမရဲ့ သူငယ်ချင်း နှစ်ဦးနဲ့အတူ ကလပ်ထဲမှာ ရှိနေခဲ့ချိန်ဖြစ်သည်။ Damrongchai က သေနတ်ကို ဆွဲထုတ်ကာ သူတို့ကိစ္စကို မည်သူမှဝင်မပါရန် ကလပ်ထဲက လူများကို ခြိမ်းခြောက်ခဲ့သည်။
တက္ကသိုလ်ကျောင်းသူက ရည်းစားဟောင်းကို တားမြစ်ရန်ကြိုးစားချိန်တွင် သူကို သေနတ်နဲ့ ပြန်ချိန်ခဲ့ပြီး ကလပ်အပြင်သို့ ဆွဲခေါ်တာကြောင့် Weerapong Morpa အပါအဝင် လုံခြုံရေး ၄ ဦးက သူမကို ကူညီနိုင်ရန် နောက်ကနေလိုက်ပါလာခဲ့ကြခြင်းဖြစ်သည်။
မျက်မြင်သက်သေတစ်ဦး၏ အဆိုအရ အမျိုးသား ၅ ယောက်နဲ့ အမျိုးသမီးတစ်ယောက် အငြင်းပွားကြရင်း ကလပ်ထဲက ထွက်လာတာကို တွေ့ခဲ့ရပြီး မကြာမီမှာ သေနတ်သံများ ကြားလိုက်ရတယ်လို့ ဆိုပါတယ်။
Damrongchai က လုံခြုံရေးဝန်ထမ်း Weerapong Morpa ကို အရင်ပစ်ခဲ့ပြီး၊ ရည်းစားဟောင်းဖြစ်တဲ့ Boonyaporn ကို သေနတ်နဲ့ ပစ်ခဲ့ပြီး နောက်ဆုံးကျန်သည့် ကျည်ဆံဖြင့် သူ့ကိုယ်သူပစ်ကာ အဆုံးစီရင်သွားခဲ့ပါတယ်။
ရဲအဖွဲ့၏ စုံစမ်းစစ်ဆေးမှုများအရ သူတို့နှစ်ဦး လမ်းခွဲပြီးနောက်ပိုင်း Damrongchai က ပြန်လည်တွဲရန် အကြိမ်ကြိမ်ကြိုးစားခဲ့ပေမယ့် Boonyaporn က လုံးဝ ဥပေက္ခာပြုထားတဲ့အတွက် သူ့ရဲ့ ချစ်စိတ်ကနေ ဒေါသအဖြစ်ပြောင်းလဲသွားခဲ့ပါတယ်။
အချင်းဖြစ်မယ့်နေက Boonyaporn က သူမရဲ့ လူမှုကွန်ယက်ပေါ်မှာ ကလပ်သွားမယ့်အကြောင်း တင်ထားခဲ့တာကို Damrongchai က တွေ့သွားခဲ့ပြီး အရက်မူးရူးပြီးနောက် လိုက်လာကာ အခုလို ပစ်ခတ်မှုဖြစ်ပွားခဲ့ရခြင်းဖြစ်သည်။
