အိပ်ခန်းထဲ ခိုးဝင်ပြီး ခန္ဓာကိုယ်ကိုမဖွယ်မရာပြုလုပ်တဲ့ ပရိတ်သတ်ကြောင့်ရင်ထိတ်ခဲ့ရတဲ့ ကင်မ်ဂျေဂျွန်း
08 Jan 2019 1,367 Views
သရုပ်ဆောင်မင်းသား တစ်ဦးလဲဖြစ် JYJ အဖွဲ့မှ အဆိုတော်တစ်ယောက်လဲဖြစ်တဲ့ ကင်မ်ဂျေဂျွန်းဟာ သူ့ကို အရူးအမူးကြိုက်နှစ်သက်တဲ့ ပရိတ်သတ်မိန်းကလေးတွေ ကြောင့် စိတ်ဒုက္ခရောက်ခဲ့ရပါတယ်။
ပြီးခဲ့တဲ့ ဒီဇင်ဘာလ (၆) ရက်နေ့ ဂျပန်နိုင်ငံမှာ ရှိတဲ့ရုပ်သံအစီအစဉ်တစ်ခုမှာ စကားဆက်စပ်ရင်း ဂျေဂျွန်းကဒီအကြောင်းတွေပြောပြခဲ့ပါတယ်။ ထိုအစီအစဉ်မှာ ဂျေဂျွန်းနဲ့ အတူပါဝင်တဲ့ ဂျပန်သရုပ်ဆောင် Masaki Sugano ကလဲသတ်လတ်ပိုင်းအရွယ် အမျိုးသမီးတစ်ယောက်က သူ့ကိုအတင်းအကြပ် ဖက်ပြီး သူ့အသားကိုပွတ်သပ်ခံရတာမျိုး ကြုံခဲ့ဖူးတယ်လို့ ပြောပါတယ်။
ဒီလိုကိစ္စရပ်မျိုးကို ယောင်္ကျားတစ်ယောက်က မိန်းမတစ်ယောက်ကို ပြုလုပ်မိမယ်ဆို ရင်တော့ ခန္ဓာကိုယ်ထိပါးစော်ကားမှုနဲ့ တရားစွဲလို့ရပေမယ့် ယောင်္ကျားတွေက အလားတူပြုမူခံရတဲ့အခါ မည်သူကမှ တာဝန်ယူဖြေရှင်းခြင်းမျိုးမရှိခဲ့ဘူး။ သူတို့အနေနဲ့ ဘယ်လိုလုပ်ရပါမလဲလို့ Masaki ကပြောခဲ့ပါတယ်။
အဆိုတော်၊ သရုပ်ဆောင်မင်းသားအများစုဟာ ဒီလိုကိစ္စရပ်တွေကိုကြုံတွေ့နေရတာဟာ မဆန်းတော့ပါဘူး။ ဒီကိစ္စနဲ့စပ်လျဉ်းပြီး ရှေ့နေ Harumo Kitamura က အောက်ပါအတိုင်းဖြေရှင်းထားပါတယ်။ယောင်္ကျားနဲ့မိန်းမ မှာ မိန်းမက အဆိုတော်(သို့) သရုပ်ဆောင်အမျိုးသားကို မနှစ်မြို့ဖွယ် ပြုလုပ်လျှင် ယောင်္ကျားလေးရှင်ဘက်က လက်ခံကျေနပ်နေရင်တော့ ကိစ္စမရှိပေမယ့် လက်မခံနိုင်အောင် ခန္ဓာကိုယ်ကို ထိပါးစော်ကားလာပြီဆိုရင်တော့ ဒါဟာလဲ လိင်ပိုင်းဆိုင်ရာ ကိုယ်ခန္ဓာထိပါးစော်ကားမှုမြောက်ပါတယ် လို့ပြောခဲ့ပါတယ်။
ဂျေဂျွန်းအနေနဲ့ သူသည်လည်း အလားတူဖြစ်ရပ်မျိုး ဖြစ်ပွားခဲ့ကြောင်းပြောပြခဲ့ပါတယ်။ဂျေဂျွန်းကိုအရူးအမူး နှစ်သက်စွဲလမ်းတဲ့ ပရိတ်သတ်မိန်းကလေးတစ်ယောက်ဟာ ညလယ်ခေါင်အချိန် သူအိပ်နေတုန်းမှာ အိပ်ခန်းထဲခိုးဝင်ပြီး ခန္ဓာကိုယ်ကို မဖွယ်မရာထိတွေ့ကိုင်တွယ်ခဲ့တယ်လို့ ပြောခဲ့ပါတယ်။ အဆိုပါမိန်းကလေးဟာ ဂျေဂျွန်းရဲ့ ကိုယ်ပေါ်ကိုတက်ပြီး အပေါ်ကနေ အုပ်မိုးကာ ဂျေဂျွန်းမျက်နှာကို တစိမ့်စိမ့် ကြည့်နေခဲ့တယ်လို့ဆိုပါတယ်။ ဒီလိုဖြစ်ရပ်မျိုးတွေ ကြုံတွေ့နေရတာ တစ်ခါမကတော့ဘူး လို့ဂျေဂျွန်းက ဖွင့်ဟပြောဆိုလာခဲ့ပါတယ်။
