ကြက်တောင်ရိုက်ပြိုင်ပွဲမှာ နိုင်ငံဂုဏ်ဆောင် ချန်ပီယံဆုရရှိခဲ့တဲ့ သက်ထားသူဇာ
25 Feb 2019 1,943 Views
သက်ထားသူဇာသည် (၃၂) ဦးအဆင့်တွင် အိမ်ရှင်ယူဂန္ဓာကစားသမား ရှာမင်ကို ၂၁-၈ မှတ်၊ ၂၁-၉ မှတ်ဖြင့် နှစ်ပွဲပြတ်၊ ၁၆ ဦးအဆင့်တွင် ယူဂန္ဓာကစားသမား မူဂါဘီကို ၂၁-၁ မှတ်၊ ၂၁-၇ မှတ်ဖြင့် နှစ်ပွဲပြတ်၊ ကွာတား ဖိုင်နယ်တွင် ဇင်ဘာဘွေကစားသမား အိုဂါကို ၂၁-၉ မှတ်၊ ၂၁-၁၃ မှတ်ဖြင့် နှစ်ပွဲပြတ်၊ ဆီမီးဖိုင်နယ်တွင် အီရန်ကစားသမား ဆာမင်ကို ၂၁-၁၂ မှတ်၊ ၂၁-၁၅ မှတ်ဖြင့် နှစ်ပွဲပြတ်၊ ဗိုလ်လုပွဲတွင် ဂျော်ဒန်ကစားသမား အမ်ရိုကို ၂၁-၁၄ မှတ်၊ ၂၁-၁၂ မှတ်ဖြင့် နှစ်ပွဲပြတ်အနိုင်ရရှိခဲ့ပါတယ်။
သက်ထားသူဇာသည် ပြီးခဲ့သည့်နှစ်မှစတင်ကာ International Series ကြက်တောင်ရိုက်ပြိုင်ပွဲတွင် အောင်မြင်မှုများ ဆက်တိုက်ရရှိခဲ့ပြီး ၂၀၁၈ ခုနှစ်တွင် Egypt International Series ကြက်တောင်ရိုက်ပြိုင်ပွဲတွင် ချန်ပီယံဆု၊ Nepal International Series ကြက်တောင်ရိုက်ပြိုင်ပွဲတွင် ဒုတိယဆု ရရှိခဲ့ပါတယ်။
