မိတ်ကပ်မလိမ်းထားပဲ ပင်ကိုယ်လှလို့ချီးကျူးခံနေရတဲ့ Black Pink အဖွဲ့ဝင်လေးတွေ

25 Feb 2019 1,892 Views

အဆို၊အက၊ Rap အစရှိတဲ့ talents တွေမှာပိုင်နိုင်လှတဲ့ Black Pink အဖွဲ့ဝင်လေး တွေရဲ့ အလှတရားကလဲ ပြီးပြည့်စုံတယ်ဆိုတာငြင်းလို့မရပါဘူးနော်။ အထူးသဖြင့် မိန်းကလေးအိုင်ဒေါအဆိုတော် တော်တော်များများက ကိုယ့်ရဲ့ မိတ်ကပ်မပါတဲ့မျက်နှာကိုလူရှေ့ကို ထုတ်ပြဖို့ မဝံ့ရဲကြပါဘူး။ မိတ်ကပ်အပြင်အဆင်နဲ့ အဝတ်အစားတို့မှာ လိုလေသေးမရှိ ပြီးပြည့်စုံအောင်ပြင်ဆင်ပေးတတ်ကြတဲ့ စတိုင်လစ်၊ မိတ်ကပ်ဆရာတို့ ကြောင့် အိုင်ဒေါလေးတွေရဲ့ အလှကလဲပြီးပြည့်စုံနေကြတာပါ။

Black Pink အဖွဲ့ဝင်လေးယောက်ဖြစ်တဲ့ Jennie, Jisoo, Lisa , Rose တို့ကတော့ဒီလိုမဟုတ်ပါဘူး။ သူတို့မိတ်ကပ်မလိမ်းထားတဲ့ မျက်နှာနဲ့လဲ အပြင်ထွက်ကြပါတယ်။ Black Pink အဖွဲ့ဟာ လတ်တလော ကမ္ဘာလှည့် ဖျော်ဖြေပွဲတွေလုပ်နေရတာကြောင့် တစ်နိုင်ငံနဲ့ တစ်နိုင်ငံကူးသန်းသွားလာရင်း မအားလပ်နိုင်ကြပါဘူး။

Black Pink ရောက်တဲ့နိုင်ငံတိုင်းရဲ့လေဆိပ်မှာ သူတို့ကို ချစ်တဲ့ပရိတ်သတ်တွေကသောင်းသောင်းဖြဖြကြိုဆိုကြတာတွေ့ရမှာပါ။ Black Pink ကိုလေဆိပ်မှာ သွားရောက်တွေ့ဆုံတဲ့ နိုင်ငံတကာက ပရိတ်သတ်တွေပြောကြားချက်အရ Black Pink အဖွဲ့ဟာ ဒီတိုင်းပြင်ပမှာဆိုရင်အထူးတလည်မိတ်ကပ်လိမ်းတာမျိုးမရှိကြောင်း တွေ့ရှိရပါတယ်။