ဘုန်းကြီးပျံပွဲမှာ အရက်မူးပြီး သေနတ်ပစ်ဖောက်သည့် ရဲတစ်ဦးကို ရွာသားများ ၀ိုင်းဝန်းဖမ်းဆီး
01 Apr 2019 1,584 Views
မတ်လ ၃၁ ၊ မနေ့က ရခိုင်ပြည်နယ်၊ ကျောက်ဖြူမြို့နယ်၊ ကုလာဘာကျေးရွာအုပ်စု ချောင်းဝကျေးရွာမှာ ဘုန်းကြီးပျံပွဲ လုံခြုံရေးဆောင်ရွက်နေတဲ့ ရဲဝန်ထမ်းတဦးက အရက်မူးပြီး ပွဲခင်းအတွင်း သေနတ်ပစ်ဖောက်ခဲ့တဲ့အတွက် ရွာသူရွာသားတွေ စိုးရိမ်ထိတ်လန့်ကာ ၀ိုင်းဝန်း ဖမ်းဆီး ထိန်းသိမ်းခဲ့ရတယ်လို့ သိရပါတယ်။
အဆိုပါပွဲကို လုံခြုံရေး ကူညီဆောင်ရွတ်ပေးနေသူ ကိုချိုလေးက “ မနေ့က ညနေ ၅ နာရီကျော်လောက်မှာ ရဲတစ်ယောက်က အရက်မူးပြီးတော့ ရောက်လာတယ်။ အဲ့ဒီနောက် သေနတ်ကိုမောင်းတင်ပစ်လိုက်တယ် ။ လူကိုထိဖို့ နည်းနည်းပဲလိုတယ်။ ဒါကြောင့် ကျွန်တော်တို့ ပွဲတာဝန်ခံတွေက ဝိုင်းဝန်ဖမ်းဆီးထိန်းသိမ်း လိုက်တာ ဖြစ်တယ်” လို့ပြောပါတယ်။
ဒီဖြစ်ရပ်ဟာ ကျေးရွှာသူ ကျေးရွာသားသားတွေက အထင်မှားတာဖြစ်ပြီး သေနတ်ကျဉ်က မတော်မဆ ထွက်သွားတာဖြစ်တယ်လို့ မင်းပြင်ရဲစခန်းမှူး အောင်စိုးမိုးကပြောပါတယ်။
