မိကျောင်းတစ်ကောင်နဲ့ အတူတူနေတဲ့ ၃ နှစ်သမီးလေး (ရုပ်သံ)
03 Apr 2019 2,142 Views
အင်ဒိုနီးရှားနိုင်ငံက အသက် ၃ နှစ်အရွယ် မိန်းကလေးတစ်ဦးဟာ တိရိစ္ဆာန်တွေကို ချစ်ခင်ကြင်နာတတ်တဲ့သူဖြစ်ပြီး အရွယ်နဲ့မလိုက်အောင် မိကျောင်းပေါက် တစ်ကောင်ကို မကြောတဲ့အပြင် အတူတူစား၊ အတူတူအိပ်ပါတယ်။
ရေချိုးခန်းထဲမှာ မိကျောင်းကို ရေချိုးပေးရင်း ကိုယ်တိုင် သွားတိုက်ပေးနေတဲ့ ရုပ်သံ ပျံ့နှံ့ခဲ့ပြီး ကြည့်ရှုမိသူတိုင်းကို ကျောချမ်းစေပါတယ်။
ကလေးရဲ့ ဖခင်ဖြစ်သူဟာ လွန်ခဲ့တဲ့ ၈ လခန့်က စျေးမှာ ဒဏ်ရာတွေ ရထားတဲ့ ၈၀ စင်တီမီတာလောက်ရှိတဲ့ မိကျောင်းပေါက်လေး တစ်ကောင် ရောင်းနေတာကို တွေ့ခဲ့ပါတယ်။ မိကျောင်းလေးကို သနားတာနဲ့ ၂၉ ဒေါ်လာ(ကျပ် လေးသောင်းကျော်)နဲ့ ဝယ်လာခဲ့ပါတယ်။
အဲဒီအချိန်မှာ သူ့ရဲ့သမီးလေးက ၂ နှစ်သာသာအရွယ်ပဲ ရှိပါသေးတယ်။ မိးကျောင်းလေးနဲ့ သမီးငယ်ကို ရင်းနှီးအောင် ထားခဲ့တာကြောင့် အခုဆိုရင် သမီးလေးက မိကျောင်းကို မကြောက်တော့ပဲ သူ့ရဲ့ ကစားဖော် အိမ်မွေးတိရိစ္ဆာန်ထက်ပိုတဲ့ သံယောဇဉ်နဲ့ ရင်းရင်းနှီးနှီးရှိနေတာ ဖြစ်တယ်လို့ ဖခင်ဖြစ်သူ Syahrul Effendi က ဆိုပါတယ်။
သမီးလေးက ညအိပ်ယာဝင်ရင်တောင် မိကျောင်းကို ဖက်အိပ်ရမှ အိပ်ပျော်တယ်လို့ ဆိုပါတယ်။ ဖခင်ဖြစ်သူကတော့ သူတို့နှစ်ဦးကို မျက်စိအောက်က အပျောက်မခံပဲ စောင့်ရှောက်လျှက်ရှိပါတယ်။သမီးလေးက ညအိပ်ယာဝင်ရင်တောင် မိကျောင်းကို ဖက်အိပ်ရမှ အိပ်ပျော်တယ်လို့ ဆိုပါတယ်။ ဖခင်ဖြစ်သူကတော့ သူတို့နှစ်ဦးကို မျက်စိအောက်က အပျောက်မခံပဲ စောင့်ရှောက်လျှက်ရှိပါတယ်။
