အိန္ဒိယနိုင်ငံတွင် ကျောင်းကားတစ်စီးအား အခြားကားတစ်စီးမှ အရှိန်နဲ့ ဝင်တိုက်ခဲ့တာကြောင့် ကျောင်းကား တိမ်းမှောက်ခဲ့ပါတယ်။ ယာဉ်တိုက်မှုဖြစ်စဉ်တွင် ကားပေါ်တွင် ပါလာသော ကျောင်းသားကလေးတစ်ဦးနဲ့ အမျိုးသမီးတစ်ဦးတို့ ကားအတွင်း ဖြစ်ပျက်ခဲ့သည့် ရုပ်သံကို ကားအတွင်းရှိ လုံခြုံရေးကင်မရာမှ ဖမ်းယူရရှိခဲ့သည်။

 

 

ဇူလိုင်လ ၉ ရက် နံနက် ၈ နာရီ ၅၀ မိနစ်အချိန်က ကာနာတာကာပြည်နယ်တွင် ဖြစ်ပွားခဲ့ပြီး ယာဉ်တိုက်မှုဖြစ်ချိန်တွင် ကလေးနှင့် အမျိုးသမီးတို့မှာ ဘတ်စ်ကားအတွင်း လိမ့်ထွက်သွားကာ ကားခေါင်မိုးနဲ့ ရိုက်မိခဲ့တာကိုတွေ့ရပါတယ်။ ကံကောင်းစွာနဲ့ အမျိုးသမီးရော ကလေးပါ ဒဏ်ရာပြင်ထန်တစ်စုံတရာ မရရှိပဲ ပြန်ထွက်လာနိုင်ခဲ့ပါတယ်။

 

 

လမ်းမတွင် တပ်ဆင်ထားသော စီစီတီဗီကင်မရာအရ ကျောင်းကားက မောင်းနှင်လာချိန်တွင် အခြားမော်တော်ကားငယ်က ကျောင်းကား၏ နံဘေးကို ဝင်တိုက်မိခဲ့ကာ ကျောင်းကားလမ်းဘေးသို့ တိမ်းမှောက်သွားခဲ့ခြင်းဖြစ်သည်။

 

 

တိမ်းမှောက်မှုကြောင့် ကျောင်းကားမောင်းသူမှာ စတီယာရင်နဲ့ ထိုင်ခုံကြား ညပ်နေခဲ့ပြီး ကယ်ဆယ်ရေးအဖွဲ့ ရောက်လာမှ ပြန်လည်ဆွဲထုတ်ခဲ့ရပါတယ်။ ဖြစ်စဉ်နဲ့ပက်သက်ပြီး စုံစမ်းစစ်ဆေးမှုများ ပြုလုပ်လျှက်ရှိကြောင်း သိရသည်။