လူတိုင်းအကြောင်းအမျိုးမျိုးကြောင့် မိဘတွေရဲ့ အဝေးမှာ ခွဲခွာနေဖူးကြမှာပါ။ 

အဝေးရောက်နေတဲ့အချိန် မိဘ(အထူးသဖြင့်) အမေ့ကို သတိရတဲ့ ခံစားချက်က ခဏတဖြုတ်ခွဲဖူးတဲ့သူတွေအတွက် မသိသာပေမယ့် အချိန်ကာလကြာရှည်စွာ ခွဲခွာနေကြရတဲ့ သားသမီးတွေကတော့ ဘယ်လောက်တောင် ကြေကွဲရလဲဆိုတာ ကောင်းကောင်းကြီး သိနားလည်ကြပါတယ်။

 

မနေ့ညက Myanmar’s Got Talent အစီစဉ်မှာ ဝင်ရောက်ယှဉ်ပြိုင်ခဲ့တဲ့ ‘အောင်ငြိမ်းဦး’ ဟာ မသန်စွမ်း အမျိုးသားဖြစ်ပြီး နှစ်ပေါင်း ၃၀ ကျော် မိခင်ပျောက်ကို အနယ်နယ်အရပ်ရပ်မှာ လိုက်လံရှာဖွေနေသူပါ။ မိခင်ရဲ့မေတ္တာကို ငတ်နေတဲ့ သားတစ်ယောက်လည်း ဖြစ်ပါတယ်။ 

 

မသန်ပေမယ့် စွမ်းတဲ့ ‘အောင်ငြိမ်းဦး’ ဟာ မွေးရာပါမသန်စွမ်းသူ မဟုတ်ပဲ မတော်တဆမှုတစ်ခုကြောင့် ၂၀၀၄ ခုနှစ်မှာ လက်နှစ်ဖက်စလုံး လက်မောင်း တစ်ဝက်လောက်က ဖြတ်တောက်ခဲ့ရပါတယ်။ 

စိတ်ဓါတ်တွေကျပြီး လမ်းပျောက်နေခဲ့ရချိန် မြန်မာနိုင်ငံ မသန်စွမ်းအားကစားအဖွဲ့က ဆရာကောင်းတစ်ဦးနဲ့ တွေ့ကာ ကိုယ်ကိုယ်ကို ပြန်လည်တည်ဆောက်ပြီး မသန်စွမ်း ရေကူးချံပီယံတစ်ယောက်ဖြစ်လာအောင် ကြိုးစားတည့်မတ်ခဲ့ပါတယ်။ နိုင်ငံတစ်ကာပြိုင်ပွဲတွေမှာ ရွှေတံဆိပ် (၅)ခု အပြင် ငွေတံဆိပ်နဲ့ ကြေးတံဆိပ်တွေကိုပါ ဆွတ်ခူးထားတဲ့ နိုင်ငံဂုဏ်ဆောင် လက်ရွေးစင် အားကစားသမားတစ်ဦးဖြစ်ပါတယ်။

 

 

သူ့အသက် ၂ နှစ်လောက်မှာ မိဘနှစ်ပါး ကတောက်ကဆဖြစ်ရာကနေ မိခင်ဖြစ်သူနဲ့ ကွဲကွာခဲ့ရပါတယ်။ အခုဆိုရင် နှစ်ပေါင်း ၃၀ ကျော်ကြာခဲ့ပြီဖြစ်ပေမယ့် မိခင်မေတ္တာကို ငတ်မွတ်တဲ့စိတ်နဲ့ အမေပျောက်ကို ဇွဲမလျှော့ပဲ ဆက်လက်ရှာဖွေနေသူလည်းဖြစ်ပါတယ်။ နောက်ဆုံးသတင်းအရ မိခင်ဖြစ်သူ ‘မချို’ ဟာ မှော်ဘီအနီးပတ်ဝန်းကျင်က ကျူးကျော်အသိုင်းအဝိုင်းထဲမှာ နေထိုင်နေတယ်လို့ သူသိထားပေမယ့် ခုထက်ထိတော့ ရှာမတွေ့သေးပါဘူး။

 

ဒီပြိုင်ပွဲကနေတစ်ဆင့် မိခင်ဖြစ်သူနဲ့ ပြန်တွေ့ပါစေလို့ ဒိုင်လူကြီးတွေက ဆုတောင်းပေးပြီး ဝိုင်းဝန်းကူညီပေးကြဖို့ ပရိသတ်တွေကိုလည်း မေတ္တာရပ်ခံထားပါတယ်။

ငယ်စဉ်ထဲက ကွဲကာခဲ့ရပေမယ့် အမေတွေ့ရင် မှတ်မိနိုင်မယ့် အမှတ်အသားတစ်ခု သူ့ရဲ့ပခုံးမှာ ရှိတယ်လို့ ဆိုပါတယ်။

 

 

ဒီနေ့ညမှာတော့ လက်နှစ်ဖက်မရှိပဲ စက်ဘီးကို ကျွမ်းကျင်ပိုင်နိုင်စွာ စီးနင်းပြသွားခဲ့လို့ ပရိသတ်တွေနဲ့ ဒိုင်လူကြီးတွေကပါ အံ့သြခဲ့ရပါတယ်။ သူ့အတွက်ကတော့ စတိတ်စင် ကျဉ်းကျဉ်းလေးပေါ်မှာ စက်ဘီးပတ်စီးပြရတာ အားမရဘူးလို့ဆိုပါတယ်။ သူဟာ မန္တလေးက စက်ဘီးစီးအဖွဲ့နဲ့ မိုင်းပေါင်း ၈၀ လောက်ကို အတူတူလိုက်စီးလေ့ရှိတယ်လို့ ဆိုတာကြောင့် ဒိုင်လူကြီးတွေက ထပ်မံအံ့သြခဲ့ရပြန်ပါတယ်။

 

 

အသက် ၃၃ နှစ်အရွယ်ရှိပြီး မသန်ပေမယ့် မြန်မာနိုင်ငံဂုဏ်အတွက် ရေကူးအားကစားမှာ စွမ်းဆောင်နိုင်ခဲ့တဲ့ ရွှေတံဆိပ်များဆုရှင် ‘အောင်ငြိမ်းဦး’ ကတော့ ဒိုင်လူကြီးတွေရဲ့ YES လေးခုနဲ့အတူ နောက်တစ်ဆင့်ကို တက်လှမ်းသွားနိုင်ခဲ့ပါတယ်။ 

Myanmar’s Got Talent အစီစဉ်ကနေတစ်ဆင့် ပျောက်ဆုံးကွဲကာနေတဲ့ မိခင် ‘မချို(အမေချို)’နဲ့ အမြန်ဆုံး ပြန်လည်ဆုံတွေ့နိုင်ပါစေလို့ ဆုတောင်းပေးလိုက်ပါတယ်။