BEC-TERO TV

မျက်နှာခွဲစိတ်ပြုပြင်ပြီးနောက် အနိုင်ကျင့်နှိပ်စက်ခံရတဲ့ ကိုးရီးယားကျောင်းသူ

28 Aug 2019     1,018 Views


တောင်ကိုးရီးယား အထက်တန်းကျောင်းသူတစ်ဦးဟာ မျက်ရစ်နှစ်ထပ် ခွဲစိတ်ပြုပြင်မှု ပြုလုပ်ခဲ့ပါတယ်။ ထိုသို့ ပြုလုပ်ပြီး ကျောင်းမှာ အတန်းဖော်သူငယ်ချင်းတွေနဲ့ စီနီယာတွေရဲ့ အနိုင်ကျင့်တာကို ခံရတဲ့အကြောင်း ဆိုရှယ်မီဒီယာမှ တစ်ဆင့်ပြောပြလာပါတယ်။

>>ဆက်လက်ဖတ်ရှုရန် Read More ကိုနှိပ်ပါ။<<

“ကျွန်မက ပထမနှစ် အထက်တန်းကျောင်းသူတစ်ယောက်ပါ။ ပြီးခဲ့တဲ့ ကျောင်းပိတ်ရက်မှာ မျက်ရစ်နှစ်ထပ် ပြုပြင်ခွဲစိတ်ပြုပြင်ခဲ့ပါတယ်။

ကျောင်းစဖွင့်တဲ့အချိန် ကျွန်မ မျက်လုံးတွေ ခွဲထားတော့ အနည်းငယ်ဖောင်းနေခဲ့တယ်။ အတန်းကြီးက စီနီယာတွေက လာပြီး ကျွန်မကို plastic monster ဆိုပြီး ရိုင်းစိုင်းတဲ့ အသုံးအနှုန်းတွေနဲ့ လှောင်ပြောင်နေကြပါတယ်။

ယောင်္ကျားလေးတွေလဲ တူတူပါပဲ သူတို့က စခေါ်လို့ မိန်းကလေးတွေက ဒီလို လှောင်ပြောင်လာကြတာ။ ကိုယ့်ကိုယ်ကိုယ် အဆင်ပြေသွားမှာပါ၊ အဆင်ပြေသွားမှာပါ လို့ အမြဲအားပေးနေခဲ့ပေမယ့် အနိုင်ကျင့် နှိပ်စက်မှုတွေကတော့ အခုထိရပ်မသွားခဲ့ပါဘူး။ ကျွန်မ ဘာဆက်လုပ်သင့်လဲ?

ဒါကတော့ ခွဲစိတ်ပြီး ကျွန်မမျက်လုံးရဲ့ အခြေအနေပါ။ အခုတော့ ဒီလိုကြီး ဖောင်းမနေတော့ပါဘူး။ မျက်လုံး အခြေအနေက ပုံမှန်မဟုတ်ဘူးလို့ စဉ်းစားမိလို့ ကျွန်မ ဆရာဝန်နဲ့ ပြန်ပြခဲ့တယ်။ခုတော့ပြန်ကောင်းသွားပါပြီ။ ဒါပေမဲ့ ခွဲစိတ်သူတိုင်း ဒီလို အနိုင်အကျင့်မခံရဖို့ ကျွန်မဒီလို ရေးသားပြီး အသိပေးရခြင်းဖြစ်ပါတယ်” ဆိုပြီး သူမရဲ့ ဆိုရှယ်မီဒီယာ အကောင့်မှာ ရေးသားထားပါတယ်။

လူမှုကွန်ယက်က လူများက သူမကို အားမငယ်ဖို့ အားပေးတာကြောင့် ကျေးဇူးတင်ကြောင်း ပြန်လည်ရေးသားရင်း အုပ်စုဖွဲ့ အနိုင်ကျင့်ခံရတဲ့ အကြောင်းကိုလဲ ပြောပြလာပါတယ်။ “ကျွန်မ ဘာမှ မျှော်လင့်မထားပေမဲ့ အခုလို အားပေးတဲ့အတွက်ကျေးဇူးပါ။ ကျောင်းမှာ အုပ်စုဖွဲ့ အနိုင်ကျင့်တဲ့သူတွေဟာ တကယ်ပဲ ရှိနေပါတယ်။ သူတို့က မိန်းကလေးတွေပါ အင်အားလဲကြီးပြီး အဖွဲ့ကလဲ တောင့်တော့ ကျွန်မ ဘာမှ မလုပ်ရဲခဲ့ပါဘူး။

မျက်လုံးခွဲပြီးနောက် သူတို့ရဲ့ သားကောင်က ကျွန်မဖြစ်လာပါတယ်။ ကျောင်းသွားရတာ အရမ်းပဲ ခက်ခဲနေခဲ့ပါတယ်။ ဒီချိန်မှာ အားပေးကြတာကို အမှန်တကယ် ကျေးဇူးတင်ပါတယ်။” ဆိုပြီး ထပ်မံရေးသားပါတယ်။

Ref:koreaboo

(ပိုပိုလေး)

 

 

 


28 Aug 2019     1,018 Views




RELATED

Most Popular of Movie Stars - Celebrity

Most Popular of NEWS