မန်ယူအသင်းနည်းပြ ဆိုးလ်ရှားဟာ ဒီရာသီရာလဒ်ဆိုးများကြောင့် ပရီးမီးယားလိဂ်မှ ထုတ်ပယ်ခံရနိုင်တဲ့ နည်းပြစာရင်းတွင် အဲဗာတန်နည်းပြ မာကိုဆေးလ်ဗားပြီးနောက် ဒုတိယရေပန်းအစားဆုံးစာရင်းတွင် ပါဝင်နေပါတယ်။

 

မန်ယအသင်းဟာ နည်းပြဆိုးလ်ရှားကို ခန့်အပ်ပြီးနောက်ပိုင်း ပြိုင်ပွဲစုံ အဝေးကွင်းကိုးပွဲယှဉ်ပြိုင်ကစားရာ နိုင်ပွဲလုံးဝမရှိဘဲ သုံးပွဲသရေ၊ ခြောက်ပွဲရှုံးနိမ့်ထားရပြီး ခြေစွမ်းမှာလည်း အားရစရာမရှိတာကြောင့် မန်ယူပရိတ်သတ်တွေ အားမလိုအားမရဖြစ်ခဲ့ကြရပါတယ်။

ပြီးခဲ့တဲ့ အပါတ်ကလည်း ဝက်စ်ဟမ်းအသင်းကို အဝေးကွင်းမှာ ၂ ဂိုးပြတ်ရှုံးနိမ့်ခဲ့တာကြောင့် ပရိတ်သတ်တွေနဲ့ ကစားသမားဟောင်တွေ ဒေါသထွက်ခဲ့ရပါတယ်။ ဒါကြောင့် ဆိုးလ်ရှားဟာ ရာသီကုန်အထိ ဆက်ရှိဖို့ မသေချာဘူးလို့ ဗြိတိန်မီဒီယာတွေက သုံးသပ်ခန့်မှန်းခဲ့ကြပါတယ်။

 

ထို့အပြင် ပရီးမီးယားလိဂ်ပြိုင်ပွဲမှ ထုတ်ပယ်ခံရရန် ရေပန်းစားမှုစာရင်းတွင်လည်း အဲဗာတန်အသင်းနည်းပြ မာကိုဆေးလ်ဗား (၅/၄) ပြီး လျှင် ဆိုးလ်ရှားက ၆/၁ လေးဖြင့် ဒုတိယနေရာရပ်တည်နေတာ ဖြစ်ပါတယ်။

 

အင်္ဂလန်အသင်းနှင့် စပါးနည်းပြဟောင်း ဟယ်ရီ ရေးနက်က  “ မန်ယူအသင်းရဲ ့ကစားပုံဟာ မြင်ဖူးသမျှထဲ့မှာ အဆိုးဆုံးဖြစ်တယ်လို့ ဝေဖန်သွားခဲ့ပါတယ်။ ဆာ အဲ့လက်စ် ဖာဂူဆန်လက်ထက်က မန်ယူဟာ အလွန်အထင်းကြီးစရာပါ။ ဆိုးလ်ရှားကတော့ အဆိုးဆုံးဖြစ်အောင် ဖန်တီးနေသလိုပါပဲ ..။ ဆိုးလ်ရှားလက်ထက်က မန်ယူကတော့ အထင်ကြီးစရာကို မရှိပါဘူးလို့ ” ဝေဖန်ပြောဆိုခဲ့တာဖြစ်ပါတယ်။

ဒါအပြင် နည်းပြဟောင်း မော်ရင်ဟိုကလည်း “မန်ယူအသင်း ဒီနှစ်မှာ ခေါ်ယူလိုက်တဲ့ ကစားသမား (၃) ဦးစလုံးကို သဘောကျပါတယ်။ ဒါပေမယ့် အသင်းလိုက် ကစားပုံကတော့ စုတ်ချာနေတာပါပဲ..။  အရှုံးရလဒ်တွေအတွက် မအံ့သြမိသလို ဆိုးလ်ရှားလည်း ဒီထက်ကောင်းအောင် လုပ်နိုင်မယ် မထင်ပါဘူး ” လို့ဝေဖန်ပြောဆိုခဲ့ပါတယ်။

 

မန်ယူအသင်းဟာ ဒီရာသီမှာ ကစားသမား (၃) ဦးခေါ်ယူထားပြီး ဗဟိုနောက်ခံလူ မက်ဂွဲယားကို  ကမ္ဘာ ့စံချိန်တင် ပြောင်းရွေ ့ကြေးဖြင့် ခေါ်ယူခဲ့ပါတယ်။

 

ရာထူးမှထုတ်ပယ်ခံရရန် ရေပန်းစားမှု

 

အမည်        အသင်း    ရေပန်းစားမှု

 

မာကိုဆေးလ်ဗား    အဲဗာတန်    ၅/၄

 

ဆိုးလ်ရှား        မန်ယူ    ၆/၁

 

ပိုချက်တီနို        စပါး    ၁၀/၁

 

ဖလောရက်စ်    ဝက်ဖို့ဒ်    ၁၂/၁

 

နူနိုဆန်တို        ဝုလ်ဗ်    ၁၂/၁