ဒီနှစ်ဘောလုံးရာသီမှာ ပြည်တွင်းကလပ် ရတနာပုံ FC အသင်းမှာသာ ကစားရဖို့ရှိနေတဲ့ အောင်သူ
09 Jan 2020 1,595 Views
မြန်မာလက်ရွေးစင်တိုက်စစ်မှူး အောင်သူဟာ ယခုနှစ်၂၀၂၀ -၂၀၂၁ ဘောလုံးရာသီမှာ ပြင်ပထွက်ကစားဖို့ မရှိဘဲ ပြည်တွင်းကလပ် ရတနာပုံ FC အသင်းမှာ ပြန်ကစားရဖို့ ရှိတယ်လို့ သိရပါတယ်။ အောင်သူဟာ ၂၀၁၇ နိုင်ဝင်ဘာလ ကစပြီး ပြည်ပထိုင်းကလပ်တွေမှာ အငှား သွားရောက်ကစားနေတာ ဖြစ်ပါတယ်။
အသက် (၂၃) နှစ်အရွယ်ရှိ အောင်သူကို ခေါ်ယူဖို့ ပြင်ပကလပ်တွေက စိတ်ဝင်စားမှုတွေ ၊ ကမ်းလှမ်းမှုတွေရှိခဲ့ပေမယ့်လည်း ဒီနှစ်မှာတော့ ရတနာပုံအသင်းအတွက်ပဲ ကစားဖို့ရှိနေပါတယ်။ ရတနာပုံအသင်းမှာ အောင်သူဟာ ဂျာစီ နံပါတ် (၉) ကိုဝတ်ဆင်ကစားသွားမယ်လို့ သိရပါတယ်။
၂၀၁၇ ခုနှစ်မှာ အောင်သူဟာ ထိုင်းလိဂ်-၁ ကလပ် ပိုလစ်တီရိုအသင်းမှာ အငှားသွားရောက်ကစားခဲ့ပြီး ခြေစွမ်းပြကစားထားနိုင်ခဲ့ပါတယ်။ နောက်ရာသီမှာ ပိုလစ်တီရိုအသင်းက ထိုင်းလိဂ်-၂ ကို တန်းဆင်းသွားခဲ့ပါတယ်။ ထို့နောက်၂၀၁၈ နိုင်ဝင်ဘာမှာ အောင်သူကို မြောင်သောင်အသင်းကနေ အငှားခေါ်ယူခဲ့ပြီး ထိုင်းလိဂ်-၁ ကလပ်မှာထပ်မံ ကစားခဲ့ပါတယ်။ ဒါပေမယ့် မူးထောင်ကလပ်မှာ ခြေစွမ်းပြဖို့ ရုံးကန်ခဲ့ရပြီး ပွဲထွက်ကစားခွင့် သိပ်မရရှိခဲ့ပါတယ်။
မြန်မာနေရှင်နယ်လိဂ် ကစားသမားအပြောင်းရွေ့စျေးကွက်ဟာ ယနေ့ည ၁၂ နာရီမှာ ပိတ်သိမ်းတော့မှာ ဖြစ်တာကြောင့် မိခင်ကလပ် ရတနာပုံ FC အသင်းမှာသာ ကစားရဖွယ်ရှိနေပါတယ်။
