ရန်ကုန်လေဆိပ်တွင် ရောက်ရှိလာတဲ့ ဝူဟန်က ခရီးသည် (၅) ဦးတွင် ဗိုင်ရပ်စ်ပိုး မတွေ့ရှိရဟုဆို
24 Jan 2020 1,851 Views
ဒီဇင်ဘာလ (၁၃) ရက်နေ့ မနက် ၁ နာရီ ၄၅ မိနစ်အချိန်မှာ ရန်ကုန်လေဆိပ်သို့ တရုတ်နိုင်ငံ ဝူဟန်ပြည်နယ်ကနေ လေယာဉ်တစ်စီးဆိုက်ရောက်ခဲ့ပါတယ်။
အဆိုပါ လေယာဉ်ပေါ်တွင် ဝူဟန်က ခရီးသည် (၅) ဦးခန့် လိုက်ပါလာခဲ့ပေမယ့် သူတို့ (၅) ဦးစလုံးဟာ ကျန်းမာရေးစစ်ဆေးချက်အရ Corona ဗိုင်းရပ်စ်ပိုးနဲ့ ပတ်သက်လို့ သံသယရှိစရာ အချက်မတွေ့ရဘူးလို့ ဗဟိုကူးဆက်ရောဂါ တိုက်ဖျက်ရေး ဌာနခွဲမှ ဒုတိယညွှန်ကြားရေးမှူး ကပြောပါတယ်။
“ မနေ့က ဝူဟန်ကနေ ဆိုက်ရောက်လာတဲ့ လေယာဉ်နဲ့ပါတ်သတ်ပြီး ပြည်သူတွေ စိုးရိမ်မှု ရှိခဲ့ကြပါတယ်။ အဆိုပါ လေယာဉ်အတွင်းမှာ ခရီးသည် (၈၅) ဦးနှင့် လေယာဉ်အမှုထမ်း (၉) ဦးပါဝင်ပါတယ်။ ကျန်တဲ့ ခရီးသည်တွေက အခြားကဖြစ်ပါတယ်။ ”
“လေဆိပ်မှာ ဝူဟန်ကလာတဲ့ ခရီးသည် (၅) ဦးကို စစ်ဆေးရာမှာတော့ ဗိုင်းရပ်စ်နဲ့ ပါတ်သတ်ပြီး သံသယဖြစ်စရာမတွေ့ ရှိခဲ့ဘူးလို့ ” ဗဟိုကူးဆက်ရောဂါတိုက်ဖျက်ရေး ဌာနခွဲမှ ဒုတိယညွှန်ကြားရေးမှူး ဒေါက်တာခင်ခင်ကြီးက ပြောကြားခဲ့ပါတယ်။
တရုတ်နိုင်ငံ ဝူဟန်ဒေသမှ စတင်ဖြစ်ပွားခဲ့တဲ့ ကိုရိုနာဗိုင်းရပ်စ်သစ်ကြောင့် တရုတ်နိုင်ငံ ဝူဟန်မြို့မှာ အနည်းဆုံးသေဆုံးသူ ၂၅ ယောက်ရှိနေပြီး တောင်ကိုရီးယား၊ ဂျပန်၊ အမေရိကန်နိုင်ငံတွေအထိ ကူးစက်ပျံ့နှံ့နေပါတယ်။
