သွက်ချာပါဒလိုက်နေတဲ့ မိခင်အိုကို အရှင်လတ်လတ် မြေမြှုတ်ခဲ့တဲ့သားမိုက်
07 May 2020 1,652 Views
အသက် ၇၉ နှစ်အရွယ် သွက်ချာပါဒလိုက်နေတဲ့ မိခင်အိုကြီးရဲ့ ဒုက္ခကို မခံနိုင်တော့တဲ့အဆုံးမှာ သားမိုက်ဖြစ်သူက တောထဲကိုခေါ်သွားပြီး သင်္ချိုင်းမြေကျင်းအဟောင်း တစ်ခုထဲမှာ မြေမြုတ်စွန့်ပစ်ခဲ့မှု တရုတ်နိုင်ငံ ရှန်းကျီစီရင်စုတွင် မေလ ၂ ရက်နေ့က ဖြစ်ပွားခဲ့သည်။
“မာ” ဟု အမည်ရတဲ့ အမျိုးသားဟာ အဆိုပါနေ့ ည ၈ နာရီအချိန်ခန့်က အိပ်ယာထဲတွင် လဲနေသော သွက်ချာပါဒ အကြောသေရောဂါသည် မိခင်ကို တွန်းလှည်းပေါ်တင်ပြီး အိမ်ကနေ ခေါ်ထုတ်သွားခဲ့ပါတယ်။
မနက် ၂ နာရီအချိန်လောက်မှာ တစ်ယောက်ထဲ အိမ်ကိုပြန်လာခဲ့ပါတယ်။ မိသားစုက မိခင်ကြီး ဘယ်မှာလဲဟု မေးတဲ့အခါ အမျိုးတွေနဲ့ တွေ့ရအောင် ကွင်ရမ်းမြို့ကို သွားတဲ့ ဘတ်စ်ကားပေါ်တင်ပေးလိုက်တယ်လို့ ပြန်ပြောခဲ့ပါတယ်။
အိမ်သားတွေက သူ့ပြောစကားကို သံသယဝင်ပြီးနောက် နံနက် ၄ နာရီလောက်မှာ ဘတ်စ်ကားဂိတ်ကို လိုက်သွားကြပြီး စုံစမ်းခဲ့ကြပါတယ်။ ထိုအချိန်မှာ ‘မား’ က သူတို့ဆီကနေ ရှောင်တိမ်း ပျောက်ကွယ်သွားခဲ့ပါတယ်။
အင်္ဂါနေ့ နံနက်ပိုင်းမှာ ရဲတွေက ‘မား’ ကိုရှာတွေ့သွားခဲ့ပြီး စစ်ဆေးမေးမြန်ရာမှ မိခင်ကြီးကို တောထဲမှာ မြေမြုတ်စွန့်ပစ်ခဲ့ကြောင်း ဝန်ခံခဲ့ပါတယ်။ အဲဒီနောက် ရဲတွေက လမ်းပြခိုင်းပြီး ချက်ခြင်းသွားရောက် ရှာဖွေရာ မြေကျင်းကြီးထဲမှာ လဲလျောင်းနေတဲ့ အဖွားအိုကို တွေ့ခဲ့ရပါတယ်။ ကံကောင်းထောက်မစွာနဲ့ အဖွားအိုမှာ အသက်ရှင်နေတာကို ရုပ်သံမှာ တွေ့ရပါတယ်။
