အင်အား ၇.၅ ရှိ မြေငလျင်ကြီးတစ်ခု မက္ကဆီကိုတွင် လှုပ်ရှားခဲ့ရာ သေဆုံးမှုများနှင့်ပျက်စီးဆုံးရှုံးမှုများစွာရှိခဲ့
24 Jun 2020 1,751 Views
ဇွန်လ ၂၃ ရက်နေ့တွင် မက္ကဆီကိုနိုင်ငံတောင်ပိုင်းရှိ အွာဆာကာပြည်နယ် မြေအောက် ၂၆.၃ ကီလိုမီတာနေရာတစ်ခုကို ဗဟိုပြု၍ ရစ်ချ်တာစကေး အင်အား ၇.၅ ရှိ မြေငလျင်ကြီးတစ်ခု၊ ဒေသစံတော်ချိန် နံနက် ၁၀ နာရီခွဲခန့်က(မြန်မာစံတော်ချိန် ည ၁၀ နာရီခန့်) လှုပ်ရှားသွားခဲ့ရာ လက်ရှိသိရသမျှ ယောင်္ကျားလေး ကလေးငယ်တစ်ဦးအပါအဝင် လူ ၅ ဦးထက်မနည်းသေဆုံးပြီး အခြားသူ ၅ ဦးထက်မနည်း ဒဏ်ရာရရှိကာ ပျက်စီးဆုံးရှုံးမှုများရှိကြောင်းသိရသည်။ သို့ရာတွင် အကြီးအကျယ်ပျက်စီးမှုများတော့ မရှိကြောင်း မက္ကဆီကို သမ္မတ မန်နျူယယ်လ်လိုပက်ဇ်က ပြောကြားသည်။ ယင်းငလျင်ကြောင့် မက္ကဆီကို၊ ဂွာတီမာလာ၊ အယ်လ်ဆာဗေးဒိုးနှင့် ဟွန်ဒူးရပ်စ်တို့တွင် ဆူနာမီသတိပေးချက်များ ပေါ်ပေါက်ခဲ့သည်။ ကယ်ဆယ်ရေးလုပ်ငန်းများကို တာဝန်ရှိသူတို့က ဆောင်ရွက်နေလျှက်ရှိကြောင်း သိရသည်။ ယခုမြေငလျင်လှုပ်သွားသည့် အွာဆာကာပြည်နယ်သည် ဒေသထွက် ကော်ဖီကြောင့် ကမ္ဘာတွင် ထင်ရှားသည်။ မက္ကဆီကိုနိုင်ငံတစ်ဝန်းတွင် COVID-19 ကူးစက်မှုမှာလည်း မြင့်မားနေဆဲဖြစ်ကာ ပြီးခဲ့သည့် ၂၄ နာရီအတွင်းက အတည်ပြုလူနာသစ် ၄၅၇၇ ဦးစစ်ဆေးတွေ့ရှိခဲ့ပြီး၊ ထပ်မံသေဆုံးသူ ၇၅၉ ဦးအထိရှိခဲ့သည်။ ကူးစက်ခံရသူ စုစုပေါင်းမှာ ၁၈၅၁၂၂ ဦးရှိပြီဖြစ်ပြီး၊ သက်သာပျောက်ကင်းသူ ၁၄၀၁၁၈ ဦးရှိကာ၊ သေဆုံးသူ စုစုပေါင်း ၂၂၅၈၄ ဦးရှိကြောင်းသိရသည်။ Credit: #popolay #popolaytv #international #news
