နာမည်ကျော် မြန်မာ့တောကြီးမြွေဟောက်များ
04 Mar 2016 1,624 Views
ကမ္ဘာပေါ်တွင် အဆိပ်အပြင်းထန်ဆုံးနှင့် အရှည်ဆုံး မြွေအမျိုးအစား ပြောပါ ဟုဆိုလျှင် တောကြီးမြွေဟောက်ခေါ် ငန်းမြွေခေါ် ငန်းပုပ် (King Cobra-Ophiophagus hamah) ကို လက်ညှိုးထိုး ပြရပါလိမ့်မည်။ ထို့အပြင် အန္တရာယ် အကြီးမားဆုံးသော မြွေဆိုလျှင်လည်း ယင်းကိုသာ ထိပ်ဆုံးမှာ ထားရမည် ဖြစ်ပါသည်။
တောကြီးမြွေဟောက်များကို အဓိကအားဖြင့် အိန္ဒိယနိုင်ငံ သစ်တောများနှင့် အရှေ့တောင်အာရှ နိုင်ငံများတွင် တွေ့ရှိရသည်။ မြန်မာနိုင်ငံတွင် မြွေအမျိုးပေါင်း ၃၅ မျိုးခန့် ရှိသည့်အနက် ၎င်းမြွေသည်လည်း အပါအ၀င် ဖြစ်သည်။ ၎င်းသည် "တောကြီးမြွေဟောက်" ဟု အမည်တွင်နေသော်လည်း မြွေဟောက် (True Cobra) မျိုးတွင် ပါဝင်ခြင်း မရှိဘဲ ကိုယ်ပိုင်မျိုးစု (Own Genius) တွင် အဖွဲ့ဝင် တစ်ကောင်တည်း အနေဖြင့်သာ သီးသီးသန့်သန့် သတ်မှတ်ထားရှိပြီး အခြားမြွေ အမျိုးအစားများ အကြားတွင် ကြောက်စရာ အကောင်းဆုံး သတ္တ၀ါအဖြစ် ဂုဏ်သတင်း ကျော်စောပါသည်။
ထိုတောကြီးမြွေဟောက်မျိုးကို ကမ္ဘာပေါ်တွင် ဘေးအန္တရာယ် အလွန်များသော မြွေအဖြစ် သတ်မှတ်ခြင်း ခံရသော်လည်း ၎င်းတို့သည် အခြားမြွေဟောက်များ ကဲ့သို့ပင် လူသားတို့နှင့် ထိပ်တိုက်တွေ့ဆုံခြင်းမှ အမြဲတစေ ကြိုးစားရှောင်ရှားလေ့ ရှိကြသည်။ တောကြီးမြွေဟောက်ကို ၁၈၃၆ ခုနှစ်တွင် ကမ္ဘာပေါ်၌ စတင်ရှာဖွေ ဖော်ထုတ် မိတ်ဆက်ပြသမှု ပြုနိုင်ခဲ့ပြီး ကမ္ဘာပေါ်တွင် အရှည်လျားဆုံးဟုဆိုသော "၁၈ ဒသမ ၈ ပေ" အရှည်ရှိ တောကြီးမြွေဟောက်ကို လန်ဒန်တိရစ္ဆာန် ဥယျာဉ်တွင် ပြသခဲ့ဖူးပါသည်။
ထိုမြွေမျိုးတို့၏ အရောင်သည် သံလွင်ရွက်ရောင်၊ ဇော်ဂျီရောင်နှင့် အမည်းရောင်များ အနေဖြင့် တွေ့ရတတ်ပြီး အရောင်ဖျော့သော အ၀ါရောင် အခွေများ တစ်ကွင်းစီကို ခန္ဓာကိုယ် တစ်လျှောက်တွင် ရစ်ပတ်လျက် တွေ့ရသည့်အတွက် ၎င်း၏သွင်ပြင်က မြင်ရသူကို အထိတ်တလန့် ဖြစ်စေနိုင်ပါသည်။ ဗိုက်ပြင်သည် နို့နှစ်ရောင် သို့မဟုတ် အ၀ါဖျော့ရောင်ရှိပြီး အကြေးခွံများမှာ နူးညံ့သည်။
တောကြီးမြွေဟောက်များသည် ငယ်ရွယ်စဉ် အမည်းရောင်ရှိပြီး တောက်ပသော အ၀ါရောင် ကွင်းပတ်များ ရှိသည့်အတွက် ထူးခြားလှပသည်။ ထို့ကြောင့် ငန်းတော်ကျားမြွေ (Banded Krait) နှင့် မှားယွင်းလေ့ ရှိကြသော်လည်း ပါးပျဉ်းထောင်ခြင်း မထောင်ခြင်းကိုကြည့်၍ လွယ်ကူစွာ ခွဲခြားအတည်ပြု နိုင်သည်။ အရွယ်ရောက်ပြီးသော တောကြီးမြွေဟောက် တစ်ကောင်၏ ဦးခေါင်းခွံသည် အတော်ပင် ထုထည်ကြီးမားသော အသွင်သဏ္ဌာန်ရှိပြီး အရွယ်အစားကြီးမားသော သားကောင်ကြီးများကို မျိုချနိုင်ရန် အတွက် မေးရိုးကို အခြားသောမြွေများထက် အထက်အောက် ကျယ်ပြန့်စွာ ဆန့်ကားနိုင်သည်။ သာမန်အားဖြင့် အထီးသည် အမထက် အရွယ်အစား ပိုမိုကြီးမားသည်။
တောကြီးမြွေဟောက်သည်လည်း အခြား မြွေမျိုးများစွာ ကဲ့သို့ပင် ၎င်း၏ လျှာနှစ်ခွဖြင့် အရာဝတ္ထုများကို ထိတွေ့ပြီး အာရုံခံစား ခွဲခြားပါသည်။ တောကြီးမြွေဟောက်တို့သည် မြေကြီး၏ တုန်ခါမှုများကို ခံစားခြင်းအားဖြင့် ပေ ၃၃၀ အကွာမှ သားကောင်ကို နောက်ယောင်ခံ လိုက်နိုင်စွမ်းရှိကြောင်း သုတေသန မှတ်တမ်းများအရ လေ့လာတွေ့ရှိ ရပါသည်။ တောကြီးမြွေဟောက် အမည်၏ ဂရိဘာသာစကားဖြင့် အဓိပ္ပာယ်မှာ မြွေစားသူ (Snake Eater) ဖြစ်ကာ လင်းမြွေများ၊ စပါးကြီး၊ စပါးအုန်းငယ်များ၊ အဆိပ်ရှိ မြွေဟောက်များနှင့် တစ်ခါတစ်ရံ အဆိပ်ပြင်းသော ငန်းတော်ကျား မြွေများကိုပင် စားသုံးတတ်ကြသည်။
အစားအစာ ရှားပါးသည့် အချိန်များတွင် ကျောရိုးရှိ အကောင်ငယ်များ ဥပမာ ဖွတ်၊ ငှက်၊ ကြွက်များကိုပင် စားသုံးတတ်ပါသည်။ တစ်ကြိမ်လျှင် အစာပမာဏ ထုထည်များစွာ စားပြီးနောက် လပေါင်းအတော်ကြာ အစာမစားဘဲ နေလေ့ရှိသည်။ ဤသို့နေနိုင်ခြင်းမှာ ထိုတောကြီး မြွေဟောက်တို့၏ ဇီဝရုပ်ဖြစ်ပျက်ခြင်း အလွန်နှေးကွေးသည့် အတွက်ကြောင့် ဖြစ်ပါသည်။
https://www.facebook.com/ElevenMediaGroup/
