ထိတ်လန့်ဖွယ်ရာ ကင်ဆာကျိတ်ကြီး ပခုံးပေါ်ထမ်းထားရပေမယ့် ကျောင်းတက်မပျက်တဲ့ ထိုင်းကျောင်းဆရာ ၀ပ်ချရာနာဒီး

12 May 2016 1,277 Views

ကြောက်မက်ဖွယ်ရာ အရွယ်ပမာဏကြီးမားတဲ့ ကင်ဆာကျိတ်ကြီးကို ပခုံးပေါ်ထမ်းထားရပေမယ့် ကျောင်းတက်မပျက်တဲ့ ထိုင်းနိုင်ငံက ကျောင်းဆရာရဲ့ ဖြစ်ရပ် အင်တာနက်ပေါ်ရောက်ရှိလာပြီးနောက် လူအများ၏သနားကြင်နာမှု၊ ထောက်ပံ့ကူညီမှုများ စတင်ရရှိနေပြီဖြစ်ကြောင်း သိရသည်။ ကျောင်းဆရာ ၀ပ်ချရာနာဒီးရဲ့ ဘ၀ကို ဒါရိုက်တာနှင့် ရုပ်ရှင်သရုပ်ဆောင်ဖြစ်သူ Bin Bunluerit က လူမှုကွန်ယက်ပေါ် လွှင့်တင်လိုက်ပြီးနောက် တမဟုတ်ချင်း ပျံ့နှံ့သွားခြင်း ဖြစ်သည်။ ထိုင်းနိုင်ငံ တာခုန်ဆာဝမ်အရပ်မှ နည်းပညာကျောင်းတခုတွင် မက္ကနစ်ဘာသာရပ် သင်ကြားပြသနေသော အသက် ၄၉ နှစ်အရွယ် ဆရာ ၀ပ်ချရာနာဒီးသည် ၎င်း၏ပခုံးထက်၌ အလေးချိန် ၁၀ ကီလိုဂရမ်မျှရှိသော ကင်ဆာကျိတ်ကြီးကို ထမ်းထားရသော်လည်း ကျောင်းတက်မပျက် စာသင်မပျက် တာဝန် ဆက်လက်ထမ်းဆောင်နေခြင်းဖြစ်သည်။

ရောဂါကို ကုသရန် ဘတ်ငွေ သုံးသိန်းကျော် ကုန်ကျမည်ဖြစ်ပြီး ပုဂ္ဂလိကဆရာများရံပုံငွေမှ တနှစ်လျှင် ဘတ် တသိန်းသာ ထုတ်ယူခွင့်ရှိကြောင်း၊ ၀ပ်ချရာနာဒီး၏ လစာသည် ဘတ် တသောင်းခြောက်ထောင်သာရရှိသဖြင့် ၎င်းအနေနှင့် ရောဂါကို ထိရောက်စွာမကုသနိုင်ဖြစ်နေရကြောင်း Bin Bunluerit က ရေးသားထားသည်။ “သူဟာ အသက် ၇၄ နှစ်အရွယ် မိခင်ကြီးဆီအလည်သွားတိုင်း သူ့ပခုံးပေါ်က အကျိတ်ကြီးကို အ၀တ်နဲ့ဖုံးအုပ်ထားတယ်။ သူ့ရောဂါကြောင့် သူ့မိခင်ကြီး စိတ်ပူပန်မှာ စိုးရိမ်လို့တဲ့လေ”ဟု Bin Bunluerit က ရေးသားထားသည်။ Bin Bunluerit သည် ဆင်းရဲနွမ်းပါသူ သက်ကြီးရွယ်အိုများ၏ဘ၀များကို ရိုက်ကူးထုတ်လွှင့်သော တီဗီအစီအစဉ်ကို ဦးဆောင်တင်ဆက်နေသူဖြစ်ပြီး ယင်းအစီအစဉ်မှတဆင့် ၀ပ်ချရာနာဒီးအား ဘတ် သုံးသိန်း လှူဒါန်းခဲ့ကြောင်း သိရသည်။