ထိပ်ပြောင်နေသည့် ပြင်သစ်သမ္မတ၏ ဆံသဆရာက သမ္မတထက် လစာပိုမိုရရှိ
20 Jul 2016 1,382 Views
ထိပ်ပြောင်နေသည့် ပြင်သစ်သမ္မတ အော်လန်းဒီ၏ဆံသဆရာသည် တစ်လ ၀င်ငွေဒေါ်လာ ၁၁၀၀၀ ခန့်ရရှိနေသည် ဟု သိရသည်။ တစ်နိုင်ငံလုံးကိုအုပ်ချုပ်နေသည့် အော်လန်းဒီကိုယ်တိုင်ပင် တစ်လ လျှင် ဒေါ်လာ ၅၅၀၀ ခန့်သာရရှိခြင်းဖြစ်ပြီး Oliver B ဟုသာသိရသောဆံသဆရာသည် ငါးနှစ်သက်တမ်းစာချုပ်ကြောင့် ဒေါ်လာ ၆၆၁၅၆၀ ခန့်ရရှိခဲ့သည်။ စာချုပ်ထဲတွင် အိုလီဗာဘီသည် စာချုပ်သက်တမ်း ကာလအတွင်း လုပ်ဆောင်ခဲ့သည့်အလုပ်များနှင့်ပတ်သက်၍ လျှို့ဝှက်ထားရန်ဟူသည့်အချက်လည်းပါရှိသည်။
ဆံသဆရာသည် ပုံမှန်အားဖြင့် သမ္မတ၏ခရီးသွားဖော်ဖြစ်ပြီး ဆံသဆရာ၏ရှေ့နေသည် မိမိ ထမ်းထားရသည့်ဝန်များနှင့်ညီမျှသည့်လစာကိုရရှိခြင်းဖြစ်သည်ဟု ဆိုခဲ့သည်။ ရှေ့နေက“သမ္မတနားမှာ ၂၄ နာရီနေရတဲ့ သူပါ။ လူစားထိုးလို့လည်းမရပါဘူး။ သူ့ မှာလည်း မိသားစုနဲ့မိတ်ဆွေအပေါင်းအ သင်းဆိုတာရှိပါသေးတယ်”ဟု ဆိုခဲ့သည်။ ဆံသဆရာက မနက်တိုင်း အော်လန်းဒီ၏ဆံပင်ကိုပြင်ဆင်ပေးရပြီး လူမြင်ကွင်းသို့ ထွက်သည့်အခါတိုင်းလည်း ဆံပင်ပြင်ရန် အဆင်သင့်ရှိနေပေးရသည်ဟု သိရသည်။
Credit : Pyi Myanmar
