တာဝန်ကျေတဲ့ တို့ဖေဖေ

 

ကျောက်ဆည်မြို့မှ တံတားဦးမြို့သို့ သွားလာသည့် လမ်းပေါ်တွင် အသက်(၅၀)ခန့်ရှိမည့် အမျိုးသားကြီးတစ်ယောက် ဆိုင်ကယ်တစ်စီးဖြင့် သွားနေသည်။ ထိုအမျိုးသားကြီးသည် ကျောက်ဆည်-တံတားဦးလမ်းပေါ်ရှိ သင်ပုတ်ရွာလမ်းခွဲအနီးတွင်သာ ဆိုင်ကယ်ကို ခေါက်တုံ့ခေါက်ပြန်မောင်းနေခြင်းဖြစ်သည်။ ထိုသို့မောင်းနေရင်း ဖြတ်သွားဖြတ်လာကားများကို မျက်စိတစ်ဆုံး လိုက်လံကြည့်ရှုနေသည်။ အထူးသဖြင့် ဒိုင်နာကားမျိုးဆိုလျှင် အသေအချာ လိုက်ကြည့်သည်။ ဒိုင်နာကားများ၏ နောက်အဖုံးမှာ တစ်ခုခုများ ကပ်ထားမလား ရှာဖွေနေခြင်းဖြစ်သည်။ ဒီထက် ပြည့်ပြည့်စုံစုံပြောရလျှင် ကားနောက်အဖုံးပေါ်တွင် သိန်းငှက်နှစ်ကောင် အမှတ်တံဆိပ်ရေးထိုးထားသည့် အမိုးကိုင်းဖြုတ်ဒိုင်နာပုံပြောင်းယာဉ်တစ်စီးကို ရှာဖွေနေခြင်းဖြစ်လေသည်။

 

ဦးဘိုကျော်ဟုခေါ်သည့် ကျောက်ဆည်သားကြီး ဖြစ်ပါသည်။ ဦးဘိုကျော်သည် ကျောက်ဆည်-တံတားဦးလမ်းပေါ်ရှိ သင်ပုတ်ရွာလမ်းခွဲနှင့် လေးမိုင်ကျော်ဝေးသည့် ကျောက်ဆည်မြို့တွင် နေထိုင်ခြင်းဖြစ်သည်။ လေးမိုင်ခရီးကို ဆိုင်ကယ်တစ်စီးဖြင့် ဦးဘိုကျော် အခေါက်ပေါင်းမရေတွက်နိုင်အောင် ရောက်ခဲ့ရပါသည်။ ရောက်တိုင်းလည်း ရင်တွင်းမှ နာကျင်မှုပေါင်းများစွာနှင့်ပါ။ သင်ပုတ်ရွာလမ်းခွဲက ဦးဘိုကျော်ရော သူ့မိသားစုကိုပါ တစ်သက်လုံး ဖျောက်ဖျက်၍ မရနိုင်တော့အောင် စိတ်ဒဏ်ရာများရခဲ့ရာနေရာဖြစ်နေသည်။ ထို့ကြောင့် ထိုနေရာကို မရောက်ချင်၊ မဖြတ်ချင်ပေမယ့်လည်း ဒီလမ်းခွဲကို ဦးဘိုကျော်ဖြတ်ရပါသည်။ အရင်ကတော့ ဦးဘိုကျော် သည်လမ်းသည်နေရာတွေကို မရောက်ဖြစ်ခဲ့ပေ။ ကျောက်ဆည်မှာရှိသည့် ဒိုင်နမိုမော်တာဝိုင်ယာရိန်းဆိုင်လေးဖြင့်သာ အလုပ်တွေများနေခဲ့သည်။ အလုပ်တွေ ဖိလုပ်နေသည်ကလည်း သူ့တွင် အရွယ်ရောက်ပြီး နည်းပညာတက္ကသိုလ် (ကျောက်ဆည်) တက်နေသည့် သမီးချောနှစ်ယောက်ကြောင့်ပင်။ သမီးတွေက ဦးဘိုကျော်နှင့်ဇနီးတို့၏ ဆန္ဒရည်မှန်းမှုတွေအတိုင်း ပညာရေးမှာ ထူးချွန်ခဲ့ကြသည်။ ဘွဲ့ထူးဂုဏ်ထူးတွေ မရှိခဲ့ကြသည့် ဦးဘိုကျော်တို့ဇနီးမောင်နှံအတွက်တော့ သမီးချောနှစ်ယောက်၏ အင်ဂျင်နီယာအိပ်မက်တွေကို ဝမ်းမြောက်ဝမ်းသာ အားဖြည့်ခဲ့ကြသည်။ မိသားစုလေးဦးသာရှိသည့် ကျောက်ဆည်မြို့က သူတို့အိမ်ကလေးသည် ပျော်ရွှင်သာယာမှုရှိခဲ့သည်။

 

၂၀၁၆ ခုနှစ် မတ်လ ၁၃ ရက် နံနက် ၁၁ နာရီခန့်မတိုင်မီအထိ ဖြစ်သည်။ ထိုနေ့ နံနက် ၉ နာရီခန့် က ဦးဘိုကျော်၏သမီးငယ် မစုငယ်ဖြိုးတစ်ယောက် တံတားဦးမြို့နယ်ဘက် ရွာကနေ သူတို့အိမ်ကို အလည်လာသည့် အဒေါ်ဖြစ်သူ ရွာပြန်မည်ဆို၍ ကျောက်ဆည်-တံတားဦးလမ်းပေါ်ရှိ ကားဂိတ်သို့ ဆိုင်ကယ်ဖြင့် လိုက်ပို့ပေးသည်။ ကားဂိတ်သို့ လိုက်ပို့မည်ဆိုသော်လည်း သမီးငယ်မှာ နံနက် ၁၁ နာရီခန့်အထိ ပြန်မရောက်လာ။ နံနက် ၁၁ နာရီခွဲလောက်မှာတော့ ဦးဘိုကျော်တို့ဆီ သတင်းစကားတစ်ခု ရောက်လာခဲ့သည်။ ကျောက်ဆည်-တံတားဦးလမ်းမပေါ်ရှိ သင်ပုတ်ရွာလမ်းခွဲတွင် ကားတစ်စီးက ကလစ်ဆိုင်ကယ်စီးလာသည့် အမျိုးသမီးငယ်တစ်ဦးကို ဝင်တိုက်ကာ ထွက်ပြေးသွားသည်တဲ့။ သမီးငယ်ကလည်း သူ့အဒေါ်ကို လိုက်ပို့သည်။ စီးသွားတာကလည်း ကလစ်ဆိုင်ကယ်ဆိုတော့ ဦးဘိုကျော်တစ်ယောက် ရင်ထဲထိတ်ခနဲဖြစ်သွားသည်။ သို့ဖြင့် အခင်းဖြစ်နေရာသို့ လိုက်သွားသည်။ တွေ့လိုက်ရသည်က သမီးငယ်၏ဆိုင်ကယ်။ ဦးဘိုကျော်ချာချာလည်သွားတော့သည်။ သမီးငယ်ကို ကျောက်ဆည်ဆေးရုံပို့လိုက်ပြီဖြစ်သည်။ ဦးဘိုကျော်တို့ ကျောက်ဆည်ဆေးရုံသို့လိုက်သည်။ ဒဏ်ရာဗရပွနှင့် သမီးငယ်ကို တွေ့လိုက်ကြရသည်။ အခင်းဖြစ်ပြီး နှစ်နာရီခန့်အကြာမှာတော့ သမီးငယ် မစုငယ်ဖြိုးသည် ရရှိထားသည့် ဒဏ်ရာများဖြင့် ဦးဘိုကျော်တို့မိသားစုကို နှုတ်ဆက်ခွင့်ပင်မရတော့ဘဲ ဆုံးပါးသွားရှာသည်။

 

သမီးငယ်ဆုံးသည့် သတင်းက ကျောက်ဆည်မြို့ကလေးမှာ လူပြောအများဆုံး သတင်းဖြစ်ခဲ့သည်။ သမီးငယ်က ကျောက်ဆည်နည်းပညာတက္ကသိုလ်တွင် ကျောင်းသားသမဂ္ဂထဲလည်းဝင်ကာ ကျောင်းသားလှုပ်ရှားမှုတွေ၊ ပညာရေးပြုပြင်ပြောင်းလဲရေး လှုပ်ရှားမှု၊ နိုင်ငံရေးလှုပ်ရှားမှုတွေမှာ တက်ကြွစွာ ပါဝင်ခဲ့သူဖြစ်လေတော့ ကျောင်းသားထုတွေ၊ နိုင်ငံရေးအင်အားစုတွေက ရင်ထုမနာ နှမြောတသဖြစ်ကြရသည်။ သာ၍စိုးသည်က သမီးငယ် မစုငယ်ဖြိုးမှာ ကားဖြင့် အတိုက်ခံရသည့်အပြင် တိုက်သွားသည့်ကားက တာ ဝန်မယူဘဲ ထွက်ပြေးသွား၍ သမီးငယ်ကို ပို၍ ကရုဏာဖြစ်ခဲ့ကြသည်။ ထိုသူတွေထဲမှာတော့ ဦးဘိုကျော်တို့မိသားစုက အဆိုးရွားဆုံး ခံစားခဲ့ရသူတွေပင်ဖြစ်သည်။

 

 

သမီးငယ်နာရေးကိစ္စတွေပြီးသွားတော့ ဦးဘိုကျော် ကျောက်ဆည်ရဲစခန်းမှာ သမီးငယ်ကို တိုက်ပြေးသွားသူအား အမြန်ဆုံးဖော်ထုတ်ပေးဖို့ သွားပြောသည်။ တာဝန်ရှိသူတွေကတော့ စုံစမ်းနေကြောင်း ရှင်းပြသည်။ ဦးဘိုကျော်ကတော့ သမီးငယ်ကို တိုက်ပြေးသွားသည့်ယာဉ်မောင်းကို အမြန်ဆုံး ဖော်ထုတ်ပေးစေချင်လှပြီဖြစ်သည်။ သို့သော် ဦးဘိုကျော် ကံဆိုးသည်က သမီးငယ်အမှုလိုက်ပေးသည့် အမှုစစ်ရဲအရာရှိမှာလည်း တာဝန်အရ ရဲရွာဘက်သို့ ပြောင်းသွားသည်။ တရားခံပေါ်ဖို့အရေးထက် သမီးငယ် ဆိုင်ကယ်ပြန်ထုတ်ဖို့ပင် အတော်ခက်ခက်ခဲခဲ လုပ်ယူရသည်။ ထို့အတွက် ဦးဘိုကျော်တစ်ယောက် စိတ်ဓာတ်တွေ ထိုးကာကျသည်။ သမီးငယ်ကို ကားဖြင့်တိုက်ပြီး တာဝန်ယူမှု တစ်စက်မျှမရှိခဲ့သည့် ကားသမားကို သူရအောင်ဖော်ထုတ်ချင်သည်။ ထို့အတွက် ဦးဘိုကျော် ဘာလုပ်ရမည်နည်း။

နောက်ဆုံးတော့ ဦးဘိုကျော်တစ်ယောက် သမီးငယ်ယာဉ်တိုက်မှုဖြစ်သည့် သင်ပုတ်ရွာလမ်းခွဲဝန်းကျင်ကို သွားရောက်ကာ စုံစမ်းရသည်။ ဦးဘိုကျော်နှင့်အတူ ကျောက်ဆည် ၈၈ ပွင့်လင်းအဖွဲ့က လူတွေ၊ ကျောင်းသားအဖွဲ့တွေကလည်း တတ်နိုင်သလောက် ဝိုင်းကူကြသည်။ ဦးဘိုကျော်က မြင်သလောက်ကလေး၊ သိသလောက်ကလေးကို ပြောပြကြဖို့ အခင်းဖြစ်နေရာ အနီးနားနေသူတွေကို တောင်းပန်သည်။ သို့သော်တောသူတောင်သား လူတန်းစားတွေမို့ ရုံးရောက်ဂါတ်ရောက် ရောက်ကြရမည်ကို သေမလောက် ကြောက်ကြသည်။ အမှန်တရားတစ်ခုအတွက် ထုတ်ဖော်ပြောကြားချင်သော်ငြားလည်း ကိုယ်ပါအမှုတွဲထဲပါသွားမည်ကို စိုးထိတ်ကြသည်။ ထို့အတွက် ဦးဘိုကျော်အဖို့ မျက်မြင်သက်သေရရန် ဘယ်လိုမှ မလွယ်တော့။

 

ဦးဘိုကျော် ထိုလမ်းခွဲနားမှာတင် မျက်ရည်ပေါက်ကြီးငယ်တွေ အကြိမ်ကြိမ်ကျခဲ့ရသည်။ နောက်ဆုံးတော့ ဦးဘိုကျော်ကို သနားလာ၍ ထင်သည်။ သုံးဘီးဆိုင်ကယ် ယာဉ်မောင်းသူတစ်ဦးထံမှ ဦးဘိုကျော် သမီးကို တိုက်သွားသည့် ယာဉ်သည် အမိုးကိုင်းမပါသည့် ဒိုင်နာယာဉ်ဟုသိလိုက်ရပြီး မတိုက်မီ သူ့သုံးဘီးဆိုင်ကယ်ကို အရင်ကျော်သွားသည်ဟု သတင်းစကားကြားခဲ့ရသည်။ ထိုသုံးဘီးသမားကို ဦးဘိုကျော်နှင့်အဖွဲ့တွေ သွားရောက်မေးမြန်းသည့်အခါတွင်တော့ သုံးဘီးသမား၏မိသားစုဝင်တွေက ဟန့်တားကြသောကြောင့် သတင်းစကား တိတိကျကျ မရခဲ့တော့။

သို့သော် ဦးဘိုကျော်တို့ အစကလေးတစ်ခုတော့ ဆွဲထုတ်လာနိုင်ခဲ့သည်။ သမီးငယ်ကို တိုက်သည့် ဒိုင်နာပုံပြောင်းယာဉ်က သုံးဘီးဆိုင်ကယ်ကို အရင်ကျော်သွားသည်တဲ့။ ထိုအစအနကလေးဖြင့် ဘယ်လိုဆက်ဆွဲထုတ်ရမလဲ။ ဦးဘိုကျော်တို့တစ်တွေ စဉ်းစားသည်။ ကားလာရာလမ်းကြောင်းတစ်လျှောက် လိုက်ကြည့်ကြသည်။ အခင်းဖြစ်ရာနှင့် အနည်းငယ်လှမ်းသည့် နေရာတစ်ခုတွင် ဓာတ်ဆီဆိုင်တစ်ခုရှိသည်ကို တွေ့ရသည်။ အခင်းဖြစ်နေရာသို့သွားမည်ဆိုလျှင် ထိုဓာတ်ဆီဆိုင်ရှေ့ကနေ မဖြစ်မနေ ဖြတ်ရမည်ဖြစ်သည်။ ဦးဘိုကျော်တို့ ကံကောင်းသည်က ထိုဓာတ်ဆီဆိုင်မှာ စီစီတီဗီကင်မရာ တပ်ဆင်ထားခြင်းပင် ဖြစ်နေသည်။

သို့ဖြင့် ဆီဆိုင်ကို အကူအညီတောင်းကာ ထိုနေ့ နံနက် ၁၁ နာရီခန့်က စီစီတီဗီရုပ်သံမှတ်တမ်းတွေ ရှာကြည့်သည်။ ဓာတ်ဆီဆိုင်က စီစီတီဗီကင်မရာကို သူ့ဆိုင်ဆီလာထည့်သည့်ယာဉ်တွေကို မြင်ရသည့် တစ်လုံး၊ ဆီဆိုင်ရှေ့ ကျောက်ဆည်-တံတားဦးလမ်းပေါ်ကို မြင်ရသည့်တစ်လုံး တပ်ဆင်ထားသည်။ ဦးဘိုကျော်တို့ ထိုရုပ်သံမှတ်တမ်းတွေ ရှာအကြည့်မှာတော့ လမ်းပေါ်မှာ ဦးဘိုကျော်တို့ သတင်းအစအနရခဲ့သည့် သုံးဘီးဆိုင်ကယ် ဖြတ်သွားသည်ကို တွေ့ရသည်။ ထိုသုံးဘီးဆိုင်ကယ်ဖြတ်သွားပြီးနောက် ကပ်ပါသွားသည်က အမိုးကိုင်းမပါသည့် ဒိုင်နာယာဉ်။ သူ့နောက်မှာ တခြားယာဉ်များ ထပ်လိုက်လာဦးမည်လား ဦးဘိုကျော်တို့ သေချာကြည့်ကြသည်။ အချိန်အတန်ကြာသည်အထိ ဘယ်ကားမျှ ထပ်လိုက်မလာ။ ဒါဆိုလျှင် ထိုဒိုင်နာယာဉ်သည် သမီးငယ်ကို တိုက်သွားသည့် ယာဉ်ဖြစ်ရန် သံသယဖြစ်စရာ များသွားခဲ့လေသည်။

 

ဦးဘိုကျော်တို့တစ်တွေ စီစီတီဗီမှတ်တမ်းကနေ ကားနံပါတ် ကြည့်သည်။ သို့သော် ကံဆိုးစွာပင်ကားနံပါတ်ပြားက မပါ။ ဦးဘိုကျော်တို့ ထပ်မောသွားခဲ့ရသည်။ နံပါတ်မပါသည့်ကားကို ဘယ်လိုရှာကြမည်နည်း။ ကားကို သေချာစွာ ထပ်မံကြည့်လိုက်သည့်အခါတွင်တော့ ကားနောက်ဖုံး၌ အမှတ်အသားနှစ်ခုကို တွေ့လိုက်ကြရသည်။ သိန်းငှက်ပုံ စတစ်ကာကြီး နှစ်ခု။

စီစီတီဗီမှတ်တမ်းတွေကို ဓာတ်ပုံထုတ်ပြီး ရဲစခန်းသွားပြသည်။ ရဲအရာရှိတွေကလည်း သူတို့မှာ ထိုမှတ်တမ်းတွေရနေပြီဟု ဆိုပြန်သည်။ လိုသည်က မျက်မြင်သက်သေ။ ဦးဘိုကျော် သမီးငယ်အမှုမှာက မျက်မြင်သက်သေလုံးဝမရဖြစ်နေသည်။ ဦးဘိုကျော် စိတ်ဓာတ်တွေ ကျပြန်သည်။ သို့သော် ဦးဘိုကျော် အားပြန်တင်းသည်။ သူ့မှာ ယခင်ကထက်စာလျှင် သမီးငယ်ကို တိုက်သွားသည့် ကားပုံစံသိရနေပြီ။ နောက်ပြီး ကားနောက်ဖုံးမှာပါသည့် သိန်းငှက်ပုံကြီးနှစ်ခု။ ပင်လယ်ထဲ ဒီအတိုင်း လက်ပစ်ကူးလိုက်တာထက်စာလျှင် ဦးဘိုကျော်မှာ အားကိုးရာ ကောက်ရိုးတစ်မျှင်လေးတော့ ရလေပြီ။

ဦးဘိုကျော် စီစီတီဗီမှတ်တမ်းတွေ အထပ်ထပ်အခါခါ ပြန်ကြည့်သည်။ နောက်ပြီး ဦးဘိုကျော် ဦးနှောက်တစ်ခုလုံး ဗြောင်းဆန်သွားအောင် စဉ်းစားသည်။ ထိုဒိုင်နာယာဉ်သည် အနောက်က နံပါတ်ပြားလည်း မပါ။ မြို့ပေါ်က (သို့မ ဟုတ်) မြို့နှင့်ရွာကူးနေသည့်ကား ဆိုလျှင်လည်း နံပါတ်ပြားပါနိုင်ကောင်းသည်။ အခု ထိုယာဉ်က နံပါတ်ပြားမပါတော့ သေချာသည်။ ရွာမှာတင် သုံးနေသည့် ယာဉ်တစ်စီးစီးဖြစ်မည်။ ထို့အပြင် ဒိုင်နာယာဉ်သည် ရှေ့ခန်းတွင် လူနှစ်ယောက်၊ နောက်ခန်းတွင် လူသုံးယောက်ပါသည်။ နောက်မှာ ထိုင်လိုက်လာသည့် လူသုံးယောက်ပုံစံက အလုပ်သမားပုံစံတွေဖြစ်သည်။ ထို့ကြောင့် သူတို့သည် လုပ်ငန်းခွင်တစ်နေရာရာကို သွားတာမျိုးဖြစ်မည်။ တံတားဦးဘက်မှာလည်း ဖရဲစိုက်ခင်းတွေရှိနေတာကြောင့် ထိုလုပ်ငန်းတွေက အလုပ်သမားတွေ ဖြစ်နိုင်သည်။ ဒါဆိုလျှင် ထိုကားသည် အခင်းဖြစ်ရာ ကျောက်ဆည်-တံတားဦးလမ်းပေါ် သင်ပုတ်ရွာလမ်းခွဲသို့ မကြာခဏ ဖြတ်သန်းနိုင်လောက်မည်ဟု ဆက်စပ်ကာ တွေးကြည့်သည်။

 

ထိုအတွေးအတိုင်း ဦးဘိုကျော်တစ်ယောက် သင်ပုတ်ရွာလမ်းခွဲအနီး မကြာခဏ ဆိုင်ကယ်တစ်စီးဖြင့် ပတ်မောင်းသည်။ ကားတွေကို လိုက်ကြည့်သည်။ ထိုအနီးအနားဝန်းကျင်တွင် ဦးဘိုကျော်ကို မျက်မှန်းတန်းမိကြသဖြင့် တခြားသူတွေမသိအောင် ဆိုင်ကယ်ရှေ့ လေကာမှန်ကိုချကာ မောင်းသည်။ သမီးငယ် ကားဖြင့်အတိုက်ခံရသည့် သင်ပုတ်ရွာလမ်းခွဲတစ်ဝိုက်ကို ဆိုင်ကယ်ဖြင့်ပတ်သည်။ တစ်ရက်မှာတော့ ဦးဘိုကျော် သင်ပုတ်ရွာလမ်းခွဲအကျော်အထိ ဆိုင်ကယ်မောင်းပြီး ပြန်ကွေ့လာခဲ့ရာ ထိုလမ်းခွဲမရောက်မီ ကျေးရွာတစ် ရာအနီးရှိ ဘီယာဆိုင်တစ်ဆိုင်ရှေ့တွင် ကားတစ်စီးကို ဘွားခနဲတွေ့လိုက်ရသည်။ ထိုကားကို တွေ့လိုက်ရသည်နှင့် ဦးဘိုကျော်တစ်ယောက် စိတ်တွေ လှုပ်ရှားသွားသည်။ ထိုယာဉ်မှာ စီစီတီဗီမှတ်တမ်းထဲတွင် တွေ့လိုက်ရသည့် ဦးဘိုကျော်၏သမီးငယ်အား တိုက်ပြေးသွားသည်ဟု သံသယရှိခံရသည့် အမိုးကိုင်းမပါ ဒိုင်နာပုံပြောင်းယာဉ် ဖြစ်နေသောကြောင့်ပင်။

ဦးဘိုကျော် ဆိုင်ကယ်ကို မရပ်ရဲဘဲ ခပ်ဖြည်းဖြည်းလေးမောင်းကာ ကြည့်သည်။ ကားရှေ့ဘယ်ဘက်မီးခွက်တစ်ခုမှာ ကားနဲ့မလိုက်ဖက်စွာ သစ်လွင်နေသည်။ ထိုကားကို ကျော်လွန်အောင် မောင်းလာပြီး နောက်ပြန်လှည့်အကြည့်မှာတော့ ထိုကားနောက်အဖုံးပေါ်မှာ မြင်တွေ့လိုက်ရသည်က စီစီတီဗီမှတ်တမ်းထဲမှာ ပါသည့်အတိုင်း သိန်းငှက်နှစ်ကောင်အရုပ်ကြီးတွေက ထင်းခနဲ။ သေချာခဲ့ပြီ။ ရက်ပေါင်းများစွာ ရှာဖွေနေခဲ့သည့် ယာဉ်သည် ဦးဘိုကျော် မျက်စိရှေ့မှောက်သို့ ရောက်ရှိလို့လာခဲ့ပြီ။

ဦးဘိုကျော် ထိုကားနောက်ကို လိုက်သွားဖို့တော့ စဉ်းစားသည်။ သို့သော် သူ့မှာက ဘာမှမပါ။ ပြီးတော့ သူတစ်ယောက်တည်း။ သူတို့ဘက်က သိသွားခဲ့လျှင် ဦးဘိုကျော်အတွက် အန္တရာယ်ဖြစ်လာနိုင်သည်။

 

နောက်ပြီး သမီးအတွက် စိတ်တွေလှုပ်ရှားလာပြန်တော့ ဘာလုပ်လို့ ဘာကိုင်ရမည်မသိ။ ကားမှာက နံပါတ်ကို ပြန်တပ်ထားတာ တွေ့ရသည်။ သို့ဖြင့် နံပါတ်ကို သေချာလိုက်မှတ်သည်။ သေချာအောင် အိမ်ပြန်ပြီး ဓာတ်ပုံတွေ ပြန်ယူသည်။ ထိုဘီယာဆိုင်သို့ ပြန်အလာမှာတော့ ကားက မရှိတော့။ သို့ပေမယ့် ဦးဘိုကျော် သဲလွန်စအဖြစ် ကားနံပါတ်ကို ရရှိနိုင်ခဲ့ပြီဖြစ်သည်။

ကားနံပါတ်သိပြီးသော်လည်း ရုံးတွေကနားတွေ အကူအညီဖြင့် ရှာရန် ကြိုးစားခဲ့သော်လည်း ထင်သလောက် မလွယ်ကူခဲ့။ နောက်ဆုံးကားပုံစံ၊ ကားနံပါတ်တွေဖြင့် ထိုကားဘယ်ရွာကလဲသိအောင်သာ ဦးဘိုကျော် ထပ်ရှာခဲ့ရသည်။ နောက်ဆုံးတွင်တော့ ဦးဘိုကျော် ရှာနေသည့် ကားသည် တံတားဦးမြို့နယ် ပျားရွာသားတစ်ဦးပိုင်သည့် ကားဖြစ်သည်ဟု သိရတော့သည်။

ပျားရွာကို ဦးဘိုကျော်နှင့် ၈၈ ပွင့်လင်းအဖွဲ့မှ ကိုစိုးသီဟနှင့် ကျောက်ဆည်ရဲစခန်းမှ ရဲတပ်ကြပ်နှင့် အခြားရဲဝန်ထမ်းတစ်ဦးတို့ လိုက်ပါကာ ကားရှင်ဆီသွားကြသည်။ ကားရှင်ဆီရောက်တော့ ကားကို နယ်မြေရဲစခန်းမှာ စစ်ဆေးဖို့အတွက် မောင်းယူခဲ့ဖို့ပြောသည်။ ကားရှင်ကလည်း အခြားရွာမှာနေသည့် ဒရိုင်ဘာကိုခေါ်ပြီး မောင်းပို့ပေးပါမည်ဟု ပြောသည်။ ဒရိုင်ဘာကို ဖုန်းဆက်လှမ်းခေါ်သည့်အခါ လာမည်ဟု ဆိုသော်လည်း အချိန်အတန်ကြာသည်အထိ ရောက်မလာ။ ဦးဘိုကျော်တို့ တစ်တွေကတော့ ဒီယာဉ်တိုက်မှုမှာ တရားခံသည် ထိုဒရိုင်ဘာသာဖြစ်မည်ဟု တွက်ဆကြသည်။ ပြေးများပြေးပြီလားဟုပင် တွေးကြသည်။ သို့သော် ညနေစောင်းမှာတော့ ထိုဒရိုင်ဘာရောက်လာခဲ့သည်။ အကျိုးအကြောင်း ရှင်းပြတော့ သူတိုက်တာမဟုတ်၍ မလိုက်နိုင်ဟု ဆိုလာသည်။ ထိုစဉ် ကားရှင်ကလည်း ရပ်ရွာတွင် တာဝန်ရှိသူတစ်ဦးဖြစ်၍ မင်းတို့မှာ ဖမ်းမိန့်ပါသလားသဘောမျိုး မေးခွန်းပြန်ထုတ်သည်။ ထိုအခါ ဦးဘိုကျော်တို့တစ်တွေ အကျပ်ရိုက်သည်။ နောက်ဆုံး ၈၈ ပွင့်လင်းအဖွဲ့မှ ကိုစိုးသီဟတို့က သက်ဆိုင်ရာ အရာရှိတွေဆီ ဖုန်းဆက်အကူ အညီတောင်းသည်။ ထိုသို့ အကူအညီတောင်းပြီးမှ ပျားရွာသို့ ရဲတွေနှင့် အုပ်ချုပ်ရေးပိုင်းတာဝန်ရှိသူတွေ ရောက်လာကာ ကားနှင့်အတူ ဒရိုင်ဘာရော ကားပိုင်ရှင်ကိုပါ ကျောက်ဆည်ရဲစခန်းဆီသို့ ခေါ်လာနိုင်ခဲ့သည်။

 

ရက်အနည်းငယ် စစ်ဆေးပြီးသည့် နောက်တွင်တော့ ဦးဘိုကျော် သမီးငယ်၏အမှုမှ တရားခံအစစ်အမှန်ကို သိရှိခဲ့ရသည်။ တရားခံအစစ်မှာ ကားပိုင်ရှင်၏ညီဖြစ်ပြီး အခင်းဖြစ်သည့်နေ့က သင်ပုတ်ရွာလမ်းခွဲအနီးအရောက်၌ ရှေ့မှထော်လာဂျီကားကို ကျော်တက်ရာ ထော်လာဂျီမှာလည်း သူ့ရှေ့က ဆိုင်ကယ်ကိုကျော်သဖြင့် ထော်လာဂျီကို ရှောင်ရင်း သူတို့ကားမှာ တစ်ဖက်ယာဉ်ကြောပေါ် ရောက်ရှိသွားခဲ့သည်။ ထိုသို့ တစ်ဖက်ယာဉ်ကြောသို့ ရောက်ရှိသွားချိန် အဒေါ်ကို ကားဂိတ်ပို့ရုံတင် အားမရ ရွာအထိ လိုက်ပို့ပေးသည့် ဦးဘိုကျော်သမီး မစုငယ်ဖြိုးစီးလာသည့်ဆိုင်ကယ်ကို ဝင်တိုက်မိခဲ့သည်။ သူတို့လည်း ကြောက်အားလန့်အားဖြင့် မောင်းထွက်ပြေးခဲ့ခြင်းဖြစ်ပြီး အစ်ကိုဖြစ်သူအားသစ်ပင် ဝင်တိုက်ခဲ့ခြင်းဖြစ်ကြောင်းပြောကာ ကွဲသွားသည့် မီးခွက်ကို အသစ်ပြန်တပ်ပေးခဲ့ခြင်း ဖြစ်သည်ဟု စစ်ဆေးတွေ့ရှိခဲ့ရသည်။

ခြောက်လကျော် အအိပ်ပျက်အစားပျက် အလုပ်အကိုင်တွေပျက်ပြီး စိတ်သောကတွေများစွာဖြင့် လိုက်လံစုံစမ်းခဲ့ရသည့် သမီးငယ်ကို တိုက်ပြေးခဲ့သည့် တရားခံကို ဖခင်ဖြစ်သူ ဦးဘိုကျော်ကိုယ်တိုင် ဖော်ထုတ်နိုင်ခဲ့ပြီဖြစ်သည်။ တကယ်ဆိုလျှင် ထိုကားသမားအနေဖြင့် တာဝန်ယူစိတ်ဖြင့် သမီးငယ်ကို ဆေးရုံပို့ပေးခဲ့မည်ဆိုလျှင် သမီးငယ်အသက် မီနိုင်ကောင်း မီနိုင်သည်။ မမီဦးဆိုစေတာ့ မတော်တဆမှုအတွက် ကိုယ့်တာဝန်ကိုယူပေးသည့် ကားသမားစိတ်ဓာတ်ကို အသိအမှတ်ပြုရမည် ဖြစ်သည်။ ယခုတော့ လမ်းဘေးတိရစ္ဆာန်တစ်ကောင်ကိုတိုက်သွားသလို ပစ်ထားခဲ့ရသည့်အတွက် ဦးဘိုကျော်သမီးအတွက် ယူကျုံးမရဖြစ်ခဲ့သည်။ တကယ်ဆို အားလုံး သူ့တာဝန်သူယူကြမည်ဆိုလျှင် သမီးငယ် ယခုလောက်အထိ အခြေအနေမဆိုးနိုင်။

မကြာခင်တော့ ဦးဘိုကျော် သမီးငယ် မစုငယ်ဖြိုး၏ အမှုမှတရားခံကို ထိုက်သင့်သည့် ပြစ်ဒဏ်ချမှတ်တော့မည် ဖြစ်သည်။ ဦးဘိုကျော်အနေဖြင့်တော့ သမီးငယ်၏ အမှုကို တရားမျှတစွာ စီရင်ပေးစေချင်သည်။ ဒရိုင်ဘာသာမက ကားပေါ်ပါလာပြီး ယာဉ်တိုက်မှုကို နှုတ်ပိတ်ဖုံးကွယ်ခဲ့ကြသည့် လူလေးယောက်ကိုလည်း ထိရောက်သည့် ပြစ်ဒဏ်ချမှတ်စေချင်သည်။ ဒါမှသာ ယာဉ်တိုက်မှုမျိုးဖြစ်သည့်အခါ ယာဉ်မောင်းတင်မက ယာဉ်ပေါ်ပါလာသူများပါ ယာဉ်တိုက်မှုအပေါ် တာဝန်ယူလိုစိတ်ရှိလာမည်ဟု ဦးဘိုကျော်က ယူဆသည်။

 

‘‘ငါချစ်ရတဲ့ သမီးကို ကားနဲ့ တိုက်သွားတဲ့သူကို ငါ ဖမ်းပေးလိုက်နိုင်ခဲ့ပြီ။ အဲဒီအတွက် ငါကျေနပ်တယ်လို့ပဲ တွေးတယ်။ တရားခံကိုလည်း ရန်လိုတဲ့စိတ်မရှိပါဘူး။ ဘယ်သူက တိုက်ချင်မှာလဲ။ ဒါပေမဲ့ သူတို့သာဖြစ်ဖြစ်ချင်းတာဝန်ယူပြီး ဆေးရုံသာ ပို့ပေးမယ်ဆိုရင်...’’ ဦးဘိုကျော် ဆက်မပြောနိုင်တော့။

သမီးငယ်၏ ဓာတ်ပုံမှန်ပေါင်ကိုကြည့်ရင်း မျက်ဝန်းမှာမျက်ရည်တွေ ပြည့်လာခဲ့သည်။ ဦးဘိုကျော်ကိုင်ထားသည့် ဓာတ်ပုံမှန်ပေါင်ထဲတွင်တော့ သမီးငယ် မစုငယ်ဖြိုးက တာဝန်ကျေခဲ့သည့် ဖခင်ဖြစ်သူကို ကျေနပ်နေသယောင် ပြုံးပြလျက်...။

 

ညီညီဇော်

Credit: 7Day News Journal