မန္တလေးတိုင်းဒေသကြီး၊ မိတ္ထီလာမြို့နယ်၊ မွေကျေးရွာအုပ်စု ဥယျာဉ်ကျေးရွာရှိ မူလတန်းကျောင်းတွင် ကျောင်းသူ ၁၂ ဦးကို ကျောင်းဆရာ တစ်ဦးက လိင်ပိုင်းဆိုင်ရာ မဖွယ်မရာ ပြုလုပ်သဖြင့် နိုဝင်ဘာလ ၁ ရက်နေ့က မိတ္ထီလာမြို့မ ရဲစခန်းတွင် အမှုဖွင့် တိုင်ကြားထားကြောင်း အဆိုပါကျောင်း၏ကော်မတီ ဥက္ကဋ္ဌဦးသိန်းနိုင်က ပြောကြားသည်။

 

အသက် ၅၇ နှစ်အရွယ် ကျောင်းဆရာက ယခုစာသင်နှစ် စချိန်မှစ၍ အောက်တိုဘာလ ၂၈ ရက်နေ့အထိ တတိယတန်းနှင့် စတုတ္ထတန်း ကျောင်းသူ ၁၂ ဦး၏ ခန္ဓာကိုယ် အပေါ်ပိုင်းနှင့် အောက်ပိုင်းများကို ကိုင်တွယ်ခြင်း၊ ကျောင်းဆရာ၏ ခန္ဓာကိုယ် အောက်ပိုင်းကို ကိုင်တွယ်ခိုင်းခြင်းများကို ပြုလုပ်ခဲ့သည်ကို မဖွယ်မရာ ပြုလုပ်ခံရသော ကျောင်းသူများက ပြန်လည် ပြောကြားခဲ့ခြင်းဖြစ်ကြောင်း ၎င်းက ရှင်းပြသည်။

 

“နိုဝင်ဘာလ ၂၈ ရက်နေ့က ကျောင်းအုပ်ဆရာကြီးနဲ့ ဆရာမနှစ်ယောက်က ကျွန်တော်ဆီလာပြီး ကျောင်းဆရာတစ်ယောက်က ကျောင်းသူ နှစ်ယောက်ကို မဖွယ်မရာ လုပ်တယ်ဆိုပြီး လာတိုင်တယ်၊ ကလေးတွေကို ချော့မေးမှ တစ်ခြားကျောင်းသူ ခြောက်ယောက်ကိုလဲ ဒီလိုမျိုး လုပ်တာ မြင်ဖူးတယ်လို့ ပြောတော့ အဲ့ကလေးတွေပါ ထပ်ခေါ်မေးတယ်၊ ကလေးမိဘတွေလည်း ကိုယ့်ကလေးကို ပြန်မေးတော့ နောက်ထပ် လေးယောက်ပါ ထပ်ပေါ်လာတာ” ဟု ၎င်းက ရှင်းပြသည်။

 

အဆိုပါ ကျောင်းဆရာမှာ ယင်းကျောင်းတွင် ကျောင်းဆရာအဖြစ် လုပ်ကိုင်သည်မှာ နှစ် ၃ဝ ကျော်ရှိပြီး မဖွယ်မရာ ပြုလုပ်ခံရသော ကျောင်းသူများတွင် ယခင်က ၎င်းစာသင်ကြားပေးခဲ့သော ကျောင်းသား၊ ကျောင်းသူများ၏ သမီးများပင် ပါဝင်ကြောင်း ဥယျာဉ်ကျေးရွာ၏ ရာအိမ်မှူးလည်းဖြစ်သူ ဦးသိန်းနိုင်က ပြောကြားသည်။

 

“ကလေးမိဘတွေ အားလုံးက မခံမရပ်နိုင် ဖြစ်နေကြတယ်၊ ဒီဆရာကို ကျောင်းပြောင်းတာမျိုးကို လက်မခံနိုင်သလို ကိုယ့်သားသမီးကို သာမက တခြားသူရဲ့ သားသမီးကိုလည်း စော်ကားမော်ကား လုပ်တာ မဖြစ်စေချင်ဘူး ဥပဒေ အတိုင်းပဲ ဖြစ်စေချင်တယ်” ဟု ၎င်းက ပြောဆိုသည်။

 

ကျောင်းသူများကို လိင်ပိုင်းဆိုင်ရာ မဖွယ်မရာ ပြုလုပ်သော အသက် ၅၇ နှစ်အရွယ် ဦးစိုးမြင့်(ခ)ဦးပေတိုးကို ရာဇသတ်ကြီး ပုဒ်မ ၃၇၆/ ၅၁၁/ ၃၅၄ ဖြင့် ကနဦး အမှုဖွင့်ထားကာ ဖမ်းဆီး စစ်ဆေးနေကြောင်း မိတ္ထီလာ မြို့မရဲစခန်းမှ တာဝန်ကျ ရဲအရာရှိ တစ်ဦးက ပြောကြားသည်။

 

Credit:TheVoice