ထိုင်းနိုင်ငံရဲ့ တက်တူးပြိုင်ပွဲကြီးမှာ မြန်မာနိုင်ငံသား တက်တူးဆရာဒုတိယဆုနဲ့ တတိယဆုရရှိ
14 Dec 2016 1,492 Views
- ထိုင်းနိုင်ငံမှာကျင်းပခဲ့တဲ့တက်တူးပြိုင်ပွဲကြီးမှာ မြန်မာနိုင်ငံသားတက်တူးဆရာဖြစ်တဲ့ ကိုနေလင်းထွန်း(လူလူတက်တူး)ကဒုတိယနဲ့တတိယဆုရရှိခဲ့တာဖြစ်ပါတယ်။
- ပြိုင်ပွဲကိုကာချနာပူရီမြို့မှာဒီဇင်ဘာလ ၉ ရက်နေ့ကကျင်းပခဲ့တာဖြစ်ပြီးတက်တူးပညာရှင်အယောက် ၁၀၀ ကျော်ထဲမှာ မြန်မာနိုင်ငံသား ကိုနေလင်းထွန်းပဲပါဝင်ခဲ့တာဖြစ်ပါတယ်။
- ဇီးကွက်စတိုင်၊ ဂျပန်စတိုင၊် new school၊old school ဆိုပြီးအမျိုးစား ၇ မျိုးသတ်မှတ်ထားရာကြိုက်တဲ့ အမျိုးအစားနဲ့ယှဉ်ပြိုင်နိုင်တာ ဖြစ်ပါတယ်။
တက်တူးပညာရှင် ကိုနေလင်းထွန်းက “ထိုင်းမှာနေတာ ၁၅ နှစ်ကျော်ပြီ စားသောက်ဆိုင်မှာစားဖိုမှူးလုပ်ခဲ့တာ နေ့ခင်းမှာတက်တူးလိုက်ထိုးတယ် ၊ နောက်ပိုင်းကျတော့ စားဖိုမှူးအလုပ်ကိုစွန့်လွှတ်ပြီး တက်တူးရေးရတာကိုဝါသနာပါလို့ကိုယ်ပိုင်ဆိုင်ဖွင့်ပြီးတက်တူးထိုးတဲ့အလုပ်ပဲလုပ်ခဲ့တယ်တက်တူးရေးတာ ၃နှစ်လောက်တော့ရှိပြီ၊ဆုရတော့လူတွေရဲ့ယုံကြည်မှုများလာတာပေါ့”လို့ပြောပါတယ်။ တက်တူးပညာရှင်ကိုနေလင်းထွန်းက ကျောဘက်အပြည့် new school အမျိူးအစားတတိယဆု၊ပေါင်မှာဇီးကွက်ပုံနဲ့ဒုတိယဆုအဖြစ်ရရှိခဲ့တာဖြစ်ပါတယ်။ နောက်ပြီးသူ့အနေနဲ့ထိုင်းနိုင်ငံမှာကျင်းပခဲ့တဲ့ပြိုင်ပွဲ ၃ ခါဝင်ပြိုင်ခဲ့ရာ အခုသုံးကြိမ်မြောက်ယှဉ်ပြိုင်တဲ့ပွဲမှာ ပထမဆုံးအကြိမ်ဆုရတာ ဖြစ်တယ်လို့ဆိုပါတယ်။
“ကျွန်တော်ကငယ်ငယ်ထဲကပန်းချီဆွဲတာဝါသနာပါတယ်။သူများလိုက်ထိုးတာတွေကြည့်တယ် You-tube တို့ အင်တာနက်ပေါ်ကနေထိုးတာတွေကြည့်ပြီး ရေးတက်သွားတာပါ”လို့ကိုနေလင်းထွန်းကဆိုပါတယ်။ ပြိုင်ပွဲဝင်တက်တူးပညာရှင် အယောက် ၁၀၀ ကျော်မှာ ပညာရှင်(၁၀)ယောက်လောက်ပဲဆုရတာဖြစ်တယ်လို့သိရပါတယ်။ ၀င်ပြိုင်မယ့်ပုံတွေကိုပွဲမတိုင်ခင် ၃ လလောက်ထဲအဆင်သင့်လုပ်ဖို့ပြိုင်ပွဲကတာဝန်ရှိသူတွေကကြေညာထားတာဖြစ်ပါတယ်။သည်တက်တူးပြိုင်ပွဲကြီးကို ထိုင်းနိုင်ငံမှာဆိုရင် ကျင်းပတာ ၁၀ နှစ်နီးပါးရှိပြီ ဖြစ်ပါတယ်။
Credit : kumudranews
