မွတ်စလင်နိုင်ငံ ၇ ခုမှ နိုင်ငံသားများကို အမေရိကန်ပြည်ဝင်ခွင့် ပိတ်မည်

26 Jan 2017 1,258 Views

အမေရိကန်သမ္မတအဖြစ် ကျမ်းကျိန်ပြီး တပတ်အတွင်းသမ္မတသစ် ဒေါ်နယ်ထရန့်က အမေရိကန်လူဝင်မှုကြီးကြပ်ရေး မူဝါဒအပြောင်းအလဲအဖြစ် မွတ်စလင်နိုင်ငံ ၇ ခုမှ နိုင်ငံသားများအပေါ် ပြည်ဝင်ခွင့်ပိတ်ပင်မည့် အစိုးရအမိန့်တခုကို ထုတ်ပြန်သွားရန်ရှိကြောင်း သတင်းရရှိသည်။ အမေရိကန်နိုင်ငံအတွက် အကြမ်းဖက် အန္တရာယ်စိုးရိမ်ရသော နိုင်ငံ ၇ ခုမှ နိုင်ငံသားများအပေါ် ပြည်ဝင်ခွင့် ပိတ်ပင်သွားမည်ဖြစ်ပြီး ၎င်းတို့မှာ ဆီးရီးယား၊ အီရန်၊ အီရတ်၊ လစ်ဗျား၊ ယီမင်၊ ဆူဒန်နှင့် ဆိုမားလီးယားနိုင်ငံများဖြစ်ကြောင်း လွှတ်တော်ရုံး အဖွဲ့ဝင် အချို့ထံမှ သိရသည်။

ထို့ပြင်နယ်စပ်ဒေသလူဝင်မှုကို တင်းကြပ်သည့်အနေဖြင့် မက္ကဆီကိုနယ်စပ်တလျောက်တွင် တံတိုင်းကာရံမည့် အစီအစဉ်ကို အကောင်အထည်ဖော်မည်ဖြစ်၍ ပြည်တွင်း၌ အထောက်အထားမဲ့ နေထိုင်လုပ်ကိုင်သူများ အထူးသဖြင့် တရားမ၀င် နေထိုင်သူများကို အရေးမယူဘဲထားသောမြို့များတွင် စစ်ဆေးအရေးယူရန် အမိန့်စာများကို လက်မှတ်ရေးထိုး ထုတ်ပြန်သွားရန်ရှိကြောင်းသိရသည်။

“မနက်ဖြန်ဟာ အမျိုးသားလုံခြုံရေးအတွက် အရေးကြီးနေ့ဖြစ်ပါတယ်။ တခြားကိစ္စရပ်တွေအပြင် ကျွန်တော်တို့ တံတိုင်းကာရံပါမယ်”ဟုသမ္မတဒေါ်နယ်ထရန့်က သူ၏တွစ်တာအကောင့်မှ ဇန်န၀ါရီ ၂၅ ရက်နေ့ကရေးတင်ခဲ့သည်။

အဆိုပါကိစ္စများနှင့်ပတ်သက်၍ လူဝင်မှုကြီးကြပ်ရေးဆိုင်ရာ ကျွမ်းကျင်သူများအားဒေါ်နယ်ထရန့်က ခေါ်ယူဆွေးနွေးခဲ့ကြောင်းလည်းသိရသည်။ ဇန်န၀ါရီ ၂၆ ရက်နေ့မှစ၍ လာမည့် ရက်အနည်းငယ်အတွင်းသမ္မတဒေါ်နယ်ထရန့်သည် အထက်ပါအမိန့်များအပြင်ကမ္ဘာအနှံ့မှဒုက္ခသည် ခိုလှုံဝင်ရောက်ခွင့်ကို ၄ လ ပိတ်ပင်ခြင်း၊ အကြမ်းဖက်မှုများမကြာခဏဖြစ်ပွားလေ့ရှိသည့် မွတ်စလင်နိုင်ငံများမှ နိုင်ငံသားများကို ပြည်ဝင်ခွင့် ယာယီရပ်ဆိုင်းခြင်းအမိန့်များကိုလည်းထုတ်ပြန်သွားရန်ရှိကြောင်းသိရသည်။

နိုင်ငံ၏အကျိုးစီးပွားနှင့် ပတ်သက်လျှင် ဒုက္ခသည်ခိုလှုံခွင့်ကန့်သတ်ခြင်း၊ ဗီဇာကန့်သတ်ခြင်းများကိုသမ္မတကတိုက်ရိုက်ညွှန်ကြားလုပ်ဆောင်ခွင့်ရှိကြောင်းအိုဘားမာလက်ထက်တွင် အမေရိကန်လူဝင်မှုကြီးကြပ်ရေးဌာန၏ ရှေ့နေချုပ်အဖြစ် တာဝန်ထမ်းဆောင်ခဲ့သူ Stephen Legomsky က ပြောသည်။

Credit : lwinpyin