အမရပူရမှ အိမ်အကူအား နှိပ်စက်သည့် ဆရာဝန်နှင့် ဇနီးဖြစ်သူကို ပုဒ်မ ၂ခုဖြင့်ဖမ်းဆီးစစ်ဆေး
03 Mar 2017 1,232 Views
သင်္ဃန်းကျွန်းမြိုနယ်ကအိမ်တစ်အိမ်မှာပုံစံမျိုးစုံနှိပ်စက်ခံရပြီးဆေးရုံတင်ထားရတဲ့အိမ်အကူ မချိုမာ ဟာ နှိပ်စက်တဲ့အိမ်ရှင် ကို တရားဥပဒေအတိုင်းထောင်ဒဏ်အပြစ်ပေးချမှတ်စေချင်တယ်လို့ ပြောပါတယ်။ နှိပ်စက်ခဲ့တဲ့အိမ်ရှင် ရဲ့အိမ်ကို မချိုမာက ပြန်သွားရမှာကြောက်နေတယ်လို့ ပြောပါတယ်။
“မမရတနာဆီပြန်မသွားချင်ဘူး။ အဖေကလည်းနောက်မိန်းမယူထားတယ်။ အဖေဆီရောက်လည်းပြန်ပို့မှာပဲ။မမရတနာက သမီးကို မီးပူနဲ့ကပ်တယ် ခြေထောက်ကို တူတွေနဲ့ထုတယ်။အခုအိမ်သာတက်လို့မရဘူး။နာတယ်။´´လို့မချိုမာကပြောပါတယ်။
လက်ရှိမှာ နှိပ်စက်ခံရတဲ့မိန်းကလေးမချိုမာဟာ သူကိုစောင့်ရှောက်နေတဲ့ အမျိုးသမီးနဲ့အတူနေချင်ပြီး နှိပ်စက်တဲ့အမျိုးသမီးအိမ်က လူတွေလာရင် တုန်ပြီး ခေါင်းမူးခြုံထားတယ်လို့ လူနာစောင့် ဒေါ်သန်းတင်ကပြောပါတယ်။ “ကလေးကကျွန်မနဲ့နေချင်တယ်ပြောပေမယ့်  ရေရှည်အတွက် သူ့ကို ကျွန်မတို့အဖွဲ့က သီလရှင်လေးဝတ်ပေးဖို့ စီစဉ်ထားတယ်´´ဒေါ်သန်းတင်ကပြောပါတယ်။ နှိပ်စက်ခံရတဲ့မိန်းကလေးမှာ စိတ်ရောဂါဖြစ်နေတဲ့လူတစ်ဦးမဟုတ်ဘဲ နှိပ်စက်တဲ့ဒဏ်ကြောင့် အကြောက်လွန်နေတာဖြစ်တယ်လို့ ဒေါ်သန်းတင်ကဆက်ပြောပါတယ်။
အဆိုပါမိန်းကလေးနေထိုင်ခဲ့တဲ့နေအိမ်ကို စစ်ဆေးတဲ့အချိန်မှာ နှိပ်စက်ခံရတဲ့မိန်းကလေးဟာ အိမ်ရဲ့ဒေါင့်တစ်ဒေါင့်မှာ ကပ်နေပြီး စစ်ဆေးတဲ့အခါမှာလည်း အိမ်ရှင်မျက်နှာကိုကြည့်နေတဲ့အတွက် လူခွဲပီးမေးခဲ့ရတယ်လို့သင်္ဃန်းမြိုနယ်အမျိုးသမီးရေးရာဥက္ကဌဒေါ်မိုးမိုးကပြောပါတယ်။ ပုံစံမျိုးစုံနဲ့ နှိပ်စက်ခံခဲ့ရတဲ့ အိမ်အကူ မိန်းကလေးကိုစံပြဆေးရုံတင်ကုသနေရပြီး မိသားစုနဲ့လည်း အဆက်အသွယ်ပြတ်တောက်နေတယ်လို့ လည်းသိရပါတယ်။ “လွတ်တော် ကိုယ်စားလှယ်တွေ စုံစမ်းရသလောက်က တော့ နှိပ်စက်ခံ ရသူ မိန်းကလေးကို အိမ်ရှင် အမျိုးသမီး က ငယ်ငယ်ကတည်းက မွေးစားထားတာ ဖြစ်တယ်။ အဲ့ဒါကြောင့် အခုအချိန်ထိ မိန်းကလေး ရဲ့ အုပ်ထိန်းသူ တွေ နဲ့ အဆက်အသွယ် မရတာဖြစ်တယ်”လို့ သင်္ဃန်းကျွန်းမြို့နယ်တိုင်းဒေသကြီး အမှတ် (၁) ကိုယ်စားလှယ် ဦးနေဘုန်းလတ်ကပြောပါတယ်။ နှိပ်စက်ခံရတဲ့ အိမ်အကူအမျိုးသမီးဟာ အသက် ၂၀အရွယ်ရှိပြီဖြစ်ပြီး အိမ်ရှင် အမျိုးသမီးက ပုံစံမျိုးစုံနဲ့နှိပ်စက်ထားတာဖြစ်တယ်ထွက်ဆိုထားတယ်လို့သိရပါတယ်။
“အိမ်ကိုဝင်စစ်တော့ ဒဏ်ရာတွေက ဝဲပေါက်ထားတာဆိုပြီးပြောတယ်။နောက်စခန်းမှာစစ်တော့မှ မရတနာဝင်းတင်က ဝန်ခံတယ်။´´လို့ဒေါ်မိုးမိုးကပြောပါတယ်။ “ကလေးမှာ အရင်က ဒဏ်ရာတွေကော အခု လက်ရှိဒဏ်ရာတွေကော ရှိနေတယ်။အဲ့ဒါကြောင့် စံပြဆေးရုံက ခွဲစိတ်ဆောင်တင်ထားရတယ်။”လို့ ဦးနေဘုန်းလတ်က ဆက်ပြောပါတယ်။
နှိပ်စက်ခံ ရတဲ့ မိန်းကလေးမှာ အရိုးပုံစံမမှန်တာတွေ ၊လက်ကိုမီးပူနဲ့ကပ်ထားတာတွေ၊ပလာယာနဲ့ညှပ်ထားတဲ့ ဒဏ်ရာတွေ ၊နူတ်ခမ်းမှာ လည်း ပလာယာနဲ့ ညှပ်ထားတယ်လို့ ခန့်မှန်းရတဲ့ ဒဏ်ရာအကွဲ တွေ ရှိနေတဲ့ အတွက် ဆေးရုံ တက်ကုသရတာဖြစ်တယ်လို့ ဦးနေဘုန်းလတ်က ဆက်ပြောပါတယ်။ ဖေဖော်ဝါရီ ၂၇ရက် မနက် ၇နာရီလောက်မှာ အိမ်ကူမိန်းကလေးဟာ အမှိုက်ထွက်ပစ်ရင်းနဲ့ အိမ်နီးချင်းအမျိုးသမီး တစ်ဦးကို သူရဲ့ဒဏ်ရာတွေ ပြခဲ့တဲ့ အတွက် အဲ့ဒီအမျိုးသမီးက ရပ်ကွက်အုပ်ချုပ်ရေးမှူးကိုအကြောင်းကြားပြီး သင်္ဃန်းကျွန်းမြို့နယ် ရဲစခန်းကို တိုင်ကြားခဲ့တာဖြစ်ပါတယ်။ အိမ်အကူမချိုမာကိုနှိပ်စက်ခဲ့တဲ့အိမ်ရှင်ဖြစ်သူ ဒေါ်ရတနာဝင်းတင်ကို ပုဒ်မ ၃၂၆ လူကိုအပြင်းအထန် နာကျင်မှုနဲ့ သင်္ဃန်းကျွန်းရဲစခန်းမှာဖမ်းဆီးအရေးယူထားတယ်လို့ သိရပါတယ်။ အဲဒီမိန်းကလေးနဲ့ ဆေးရုံစရိတ် ပတ်သတ်တဲ့ငွေကြေးကုန်ကျမှုကို လက်ရှိမှာ လွတ်တော်ကိ်ုယ်စားလှယ်ဦးနေဘုန်းလတ်က ကုန်ကျခံတယ်လို့ သင်္ဃန်းကျွန်းမြို့နယ် ရပ်ကွက်အုပ်ချုပ်ရေးမှူးဦးသန်းဦး ကပြောပါတယ်။ “နောက် ကျရင်တစ်ခြား လှူဒါန်းမယ့်လူလည်းလိုတယ်´´လို့ဦးသန်းဦးကပြောပါတယ်။
Credit : kumudranews
