ကသာမြို့နယ်ရှိ ကြံစိုက်ခင်းတစ်ခုတွင် အလုပ်ရှင်ထံမှ ရရှိရန်ကျန်သေးသည့် လုပ်အားခတောင်းခံခဲ့သော အလုပ်သမားတစ်ဦးအား အလုပ်ရှင်က ဓါတ်ဆီလောင်းကာ မီးရှို့ခဲ့ကြောင်း သတင်းရရှိသည်။

 

 

 

စစ်ကိုင်းတိုင်းဒေသကြီး ကောလင်းမြို့နယ် အင်ပင်သာအုပ်စု ထဲထီရှိုကျေးရွာတွင် နေထိုင်သော မောင်းဖိုးလင်း ဆိုသူသည် စားဝတ်နေရေးအခက်အခဲကြောင့် ကသာမြို့အထက် ငအိုးကျေးရွာရှိ ကြံစိုက်ခင်းတစ်ခုတွင် ကြံပင်အငှားခုတ်လုပ်သားအဖြစ် လုပ်ကိုင်ခဲ့ပြီး အလုပ်ရှင်ထံမှ လုပ်အားခ ၂၈၀,၀၀၀ ကျပ်ရရန်ရှိသည်။

 

 

နေရပ်သို့ပြန်ရန် ရရန်ရှိသော လုပ်အားခကို အလုပ်ရှင် ဦးသိန်းစိုးလင်းထံ တောင်ခံခဲ့သည်။ ထို့နောက် ခတ္တမျှ အိပ်စက်အနားယူနေစဉ် ဦးသိန်းစိုးလင်းမှ ခန္ဓာကိုယ်ပေါ်သို့ ဓါတ်ဆီများလောင်းချကာ မီးရှို့ခဲ့သည့်အတွက် မီးတောက်များနှင့်လောင်ကျွမ်းကာ ထွက်ပြေးခဲ့ပြီး လူနှစ်ဦးမှ ဝိုင်းဝန်းညိမ်းသတ်ပေးခဲ့ပြီး ငအိုးဆေးရုံသို့ ၂၇ ရက်ကြာအောင် တက်ရောက် ကုသခဲ့ရကြောင်း သိရှိရသည်။ ငအိုးဆေးရုံမှ ကောလင်းမြို့ဆေးရုံသို့ တက်ရောက်ကုသရာ ဆေးဖိုးစရိတ် အခက်အခဲ ရှိနေကြောင်း သိရှိရသည်။

 

 

အဆိုပါအမှုအတွက် ရဲစခန်းတွင် အမှုဖွင့်တိုင်းကြားထားခြင်း ရှိ၊ မရှိကို မသိရှိရသေးကြောင်း သတင်းရရှိသည်။

 

Source:ခင်လေး