BEC-TERO TV

အဖမ်းခံဆော်ဒီမင်းသားတွေအတွက် ယာယီထောင်အဖြစ် ကြယ်ငါးပွင့်ဟိုတယ်ကို အသုံးပြု

10 Nov 2017     18,720 Views


 ဆော်ဒီအာရေးဘီးယားနိုင်ငံမှာ ကြယ်ငါးပွင့်ထောင်ကို ဖွင့်လှစ်လိုက်ပြီဖြစ်ပါတယ်။ ရီယာ့ဒ်မြို့တော်ရှိ ရစ်ကာလ်တန်ဟိုတယ်က ဧည့်သည်တွေကို စနေနေ့ညမှာ ဖယ်ရှားလိုက်ပြီး လာဘ်စားမှုနဲ့ အဖမ်းခံထားရတဲ့ ဆော်ဒီမင်းသားတွေနဲ့ နိုင်ငံအာဏာရှိပုဂ္ဂိုလ်တွေနေဖို့ စီစဉ်လိုက်ကြောင်း နယူးယောက်တိုင်းမ် သတင်းစာက ရေးသားထားပါတယ်။ ဟိုတယ်ကဧည့်သည်တွေအားလုံးကို သူတို့ ပစ္စည်းတွေနဲ့အတူ ဧည့်ခန်းမှာ စုဝေးစေပြီး မြို့ထဲက အခြားတည်းခို စရာနေရာတွေကို လိုက်လံပို့ဆောင်ပြီးနောက် ညသန်းခေါင်းချိန်မှာ အကျဉ်းသားတွေရောက်လာကြောင်း၊ သည်ထဲမှာ တွစ်တာမှာ အမေရိကန်သမ္မတထရမ့်နဲ့ရန်ဖြစ်ထားတဲ့ ဘီလျံနာသူဌေးတစ်ဦးကို အခန်းနံပါတ် ၄၉၂မှာ အကျဉ်းချထား ကြောင်း ဂါဒီးယန်းသတင်းစာမှာ ရေးသားထားပါတယ်။
သည်အပန်းဖြေဟိုတယ်ဟာ ၅၂ဧက ကျယ်ပြီး ပန်းခြံတွေ၊ စားသောက်ဆိုင် ၆ဆိုင်၊ ဘောလုံးကွင်းတစ်ကွင်း၊ ဟိုတယ်အတွင်းရေကူးကန်တစ်ခု၊ ခန်းမကြီးနှစ်ခန်းနဲ့ ယောက်ျားသီးသန့်ရေပူစမ်းတစ်ခန်း ရှိကြောင်း ဟိုတယ်ဝက်ဆိုက်ကတစ်ဆင့်သိရပါတယ်။ ဒါပေမယ့် ဒါတွေကို အကျဉ်းသားတွေကို အသုံးပြုခွင့် ပေး မပေးကို သေချာမသိရပါဘူး။ ဒီဇင်ဘာ၁၅ရက်အထိ အခန်းတွေကို အွန်လိုင်းကနေကြိုတင်စာရင်းသွင်းထားလို့မရတော့ကြောင်း ဒီဇင်ဘာတစ်ရက်ကပြန်စပြီး ကြိုတင်စာရင်းသွင်းနိုင်ကြောင်း သည်ပွိင့်ဂိုင်း ခရီးသွားဝက်ဘ်ဆိုက်မှာ တနင်္ဂနွေနေ့က ရေးသားထားပါတယ်။ ဒီဇင်ဘာ ၁၆ရက်မှာ စတင်ဖွင့်မှာဖြစ်ပြီး အခန်းခမှာ အမေရိကန်ဒေါ်လာ ၁၁၆၅ ကနေ ၁၄၂၈၉အထိ ရှိကြောင်းရေးသားထားပါတယ်။ တနင်္ဂနွေနေ့က သည်ကိစ္စနဲ့ ပတ်သက်ပြီး ဆွေးနွေးဖို့ ဟိုတယ်ပြောရေးဆိုခွင့်ရှိသူကို ဆက်သွယ်ရာ ငြင်းပယ်ခဲ့ပြီး ယင်းနေ့မှစတင်ကာ ဟိုတယ်ဖုန်းလိုင်းတွေကို ဖြတ်တောက်ထားကြောင်း သတင်းတွေမှာရေးသားထားပါတယ်။
သည်ဖမ်းဆီးမှုကို ဆော်ဒီဘုရင်ကြီး ဆယ်မန်ရဲ့သားတော် အိမ်ရှေ့စံမင်းသား မိုဟာမက်ဘင်ဆယ်မန်ရဲ့အမိန့်အရ ဆော်ဒီအာဏာပိုင်တွေက လုပ်ဆောင်ခဲ့တာဖြစ်ပါတယ်။ အိမ်ရှေ့စံဟာ အာဏာကြီးထွားဖို့အတွက် ဆော်ဒီမှာ လာဘ်စားမှု ပပျောက်ရေးလှုပ်ရှားမှုနဲ့သူတို့ကိုဖမ်းဆီးခဲ့တာဖြစ်ကြောင်း နယူးယောက်တိုင်းမ်မှာ ရေးသားထားပါတယ်။ နိုင်ငံထဲကနေ ထွက်မပြေးစေဖို့ မင်းသားတွေနဲ့ စီးပွားရေးလုပ်ငန်းရှင်တွေ အသုံးပြုတဲ့ ကိုယ်ပိုင်လေဆိပ်ကိုလည်း ပိတ်သိမ်းထားမှာ ဖြစ်ကြောင်းရေးသားထားပါသေးတယ်။
 
Credit >>kumudranews

10 Nov 2017     18,720 Views




RELATED

Most Popular of International News

Most Popular of NEWS