မိခင်တစ်ယောက်ရဲ့ ပေးဆပ်မှုကို ဖော်ပြခဲ့မိလို့ ဝေဖန်ခံနေရသူ
23 Mar 2018 1,425 Views
မလေးရှားနိုင်ငံက အသက် ၂၃ နှစ်အရွယ် ကလေး ၄ ယောက်ရဲ့ မိခင်ဖြစ်သူတစ်ဦးဟာ ကိုယ်ဝန်ဆောင်စဉ်က ဝမ်းဗိုက်ပြင်တစ်ခုလုံးမှာ ရရှိခဲ့တဲ့ ဗိုက်ကြောပြတ်ခံထားရတဲ့ ပုံတစ်ပုံကို လူမှုကွန်ယက်ပေါ်မှာ တင်ခဲ့ပြီးနောက် မိခင်တစ်ယောက်ရဲ့ စိတ်ဓါတ်ကို ချီးကျူးကြသူတွေရှသလို ပြစ်တင်ဝေဖန်မှုတွေလည်း ခံခဲ့ရပါတယ်။
သူမရေးထားတဲ့အထဲမှာ ကိုယ်ဝန်ဆောင်ခြင်းကြောင့် ရလာတဲ့ သူမရဲ့ခန္ဓာကိုယ်ပေါ်က အရေးအကြောင်းတွေကို လက်ခံနိုင်ဖို့ ကြိုးစားခဲ့ရပုံနဲ့ ဒီအရေးအကြောင်းတွေဟာ ဘယ်တော့မှ အကောင်းအတိုင်း ပြန်ဖြစ်မလာတော့ဘူးလို့ ဆိုပါတယ်။
“မိခင်အတော်များများက ကျွန်မကိုမေးကြတယ်၊ ဒီလောက် ကြောက်စရာကောင်းတဲ့ အမာရွတ်ကြီးတွေ ရှိနေတာ စိတ်မပျက်ဘူးလားလို့ ဘယ်လိုများ ရုန်းထွက်ခဲ့ရလဲလို့ မေးကြပါတယ်။ ကျွန်မက ပြန်ဖြေပါတယ်၊ ဒါဟာ ပေးဆပ်မှုတစ်ခုပါပဲလို့၊ ပိုက်ဆံရှိရင်တောင် အကာင်းတိုင်းပြန်ဖြစ်ဖို့ မလွယ်ပါဘူး” လို့ ရေးသားခဲ့ပါတယ်။
သူမဟာ ပထမဦးဆုံး ကလေးမွေးချိန်မှာ အသက် ၂၁ နှစ်ပဲရှိသေးပြီး ကိုယ်ဝန်ဆောင်နေစဉ် ဗိုက်ကြောပြတ်တာတွေရှိခဲ့ပေမယ့် မွေးပြီးသွားရင်တော့ အရင်အတိုင်း ပြန်ကောင်းသွားလိမ့်မယ်လို့ ထင်ခဲ့ပါတယ်။ ဒါပေမယ့် ကလေးမွေးပြီးသွားသော်လည်း သူမရဲ့ ဝမ်းဗိုက်ပြင်တစ်ခုလုံး အရုပ်ဆိုးကျန်ခဲ့တာကို တွေ့ရတော့ စိတ်ပျက်ဝန်းနည်းပြီး ငိုမိခဲ့တယ်လို့ ရေးသားထားပါတယ်။
သူမရဲ့ ပိုစ့်ဟာ ပျံ့နှံ့သွားပြီး မိခင်အများစုက အားပေးနှစ်သိမ့်ကြသလို၊ ရုပ်ဆိုးလိုက်တာ၊ ရွံစရာကြီး၊ ကလေးတွေအများကြီး မွေးချင်တာကိုး ခံပေါ့ စသည်ဖြင့် ဝေဖန်ထိုးနှက်မှုတွေလည်း ခံခဲ့ရပါတယ်။
ဒီလိုဝေဖန်သူတွေကို သူမ အမျိုးသမီးတွေအပေါ် လေးစားမှုရှိဖို့၊ မိခင်၊ ညီမ၊ အစ်မ ချင်းစာနာဖို့ ပြန်လည် ပြောဆိုခဲ့ပါတယ်။
သူမရဲ့ မိခင်တစ်ယောက်အဖြစ်ခံယူဖို့ ခန္ဓာကိုယ်ပေါ်မှာ အရုပ်ဆိုးအကျည်းတန်နေတဲ့ အရာတွေကို အရှိကိုအရှိအတိုင်း ဖော်ပြရဲခဲ့တဲ့ သတ္တိကို ချီးကျူးနေကြပါတယ်။
တစ်ကယ်တော့ မိခင်တစ်ယောက်ဖြစ်လာဖို့ ပေးဆပ်မှုတွေအများကြီးထဲက အချို့သော မသိနိုင်သေးတဲ့ ပေးဆပ်မှုတွေရှိနေဦးမှာပါ။
