BEC-TERO TV

ကမ္ဘာ့အရက်စက်ဆုံး ဘောလုံးအားကစားနည်း “ကာလ်ချို စတိုရီကို”

14 Jun 2018     1,635 Views


Calcio Storico (ကာလ်ချို စတိုရီကို) အားကးစားနည်းဟာ ဘောလုံးလဲဝါသနာရှင်၊ ကိုယ်လုံပညာ သိုင်းပေါင်းစုံပွဲတွေကိုလည်း နှစ်ခြိုက်တဲ့ ပရိသတ်တွေ အကြိုက်တွေ့စေမယ့် အားကစားနည်းတစ်မျိုးဖြစ်ပါတယ်။ တစ်ကယ့် ဖိုက်တာ စစ်စစ်ကြီးတွေပဲ ဝင်ရောက်ကစားတဲ့ ကစားနည်းဖြစ်လို့ ကမ္ဘာပေါ်မှာ အရက်စက်အကြမ်းကြုတ်ဆုံး အားကစားနည်းလို့ ပြောလို့လည်းရပါတယ်။

ဒီကစားနည်းက အီတလီနိုင်ငံရဲ့ ရိုးရာအစဉ်လာ ကစားနည်းတစ်ခုဖြစ်ပြီး အီတလီနိုင်ငံရဲ့ မြို့ကြီး တစ်မြို့ဖြစ်တဲ့ “စန်တာခရိုချီ(Santa Croce)” က ကွင်းပြင်ကြီးထဲ့မှာ တစ်နှစ်လျှင်တစ်ကြိမ်သာ ကျင်းပတဲ့ပွဲဖြစ်ပါတယ်။

ယှဉ်ပြိုင်ကြတဲ့ အသင်းတွေအနေနဲ့ အနီးနားကမြို့ကြီး ၄ မြို့ဖြစ်တဲ့ Santa Croce (အပြာ), Santa Maria Novella (အနီ), Santo Spirito (အဖြူ) နဲ့ San Giovanni (အစိမ်း) တို့က အုပ်စု ၄ စုအဖြစ် ယှဉ်ပြိုင်ကြရတာဖြစ်ပါတယ်။

အသင်းတစ်သင်းမှာ လူ ၂၇ ယောက်ပါဝင်ပြီး ၂၇ ဦးလုံး ဝင်ရောက်ကစားရတာဖြစ်ပါတယ်၊ အလျား မီတာ ၈၀၊ အနံ မီတာ ၄၀ ကျယ်တဲ့ ကွင်းထဲမှာ ပွဲကစားချိန် မိနစ် ၅၀ ကို နားချိန်မရှိဆက်တိုက်၊ လူစားမထိုးရ စနစ်နဲ့ ကစားကြရတာဖြစ်ပါတယ်။
အသင်းသား ၂၇ ဦးမှာ ဂိုးသမား ၄ ဦး၊ နောက်ခံလူ ၃ ဦး၊ အလယ်တန်း ၅ ဦး နဲ့ ရှေ့တန်း ၁၄ ဦးတို့ဖြစ်ပါတယ်။

အသင်းတစ်ဖက်စီက နောက်ကျောဘက်မှာ သံစကာကာထားတဲ့ နေရာက ဂိုးသွင်းရမယ့်နေရာဖြစ်ပါတယ်။ ဘောလုံးကို ခြေနဲ့ဖြစ်စေ လက်နဲ့ဖြစ်စေ ကြိုက်သလို ကိုင်တွယ်ကစားနိုင်ပြီး တစ်ဖက်အသင်းရဲ့ နောက်ခံ သံစကာကိုထိအောင် ကန်နိုင်/ပစ်ပေါက်နိုင်ရင် အမှတ်(ပွိုင့်) ရပါတယ်။ ဂိုးများများ သင်းနိုင်တဲ့ အဖွဲ့က အနိုင်ရတာဖြစ်ပါတယ်။

ဒါပေမယ့် ဒီလောက်တော့ မလွယ်သေးပါဘူး၊ ကစားသမားတွေဟာ တစ်သင်းနဲ့တစ်သင်း မျက်နှာချင်းဆိုင် ခြေတွေလက်တွေသုံးပြီး ထိုးကြိတ်ကန်ကျောက်နိုင်ပါတယ် ဒါ့အပြင် မြေပင်ပေါ်လှဲချပြီး ချုပ်တာ အလဲထိုးတာတွေကိုလည်း ခွင့်ပြုထားပါသေးတယ်။ ဝင်တာမည့်သူမရှိပါဘူး၊ အကယ်၍ လုံးဝ နောက်ကောက်ကျသွားတာ ဒဏ်ရာအကြီးကြီးရသွားခဲ့ရင်တော့ ဆေးအဖွဲ့က လာပြီးထမ်းထုတ်သွားပါလိမ့်မယ်။ ပြန်လည် ဝင်ရောက်ကစားခွင့်မရှိတော့တဲ့ အတော်လေး ရက်စက်တဲ့ ကစားပွဲဖြစ်ပါတယ်။

ကစားပွဲနည်းပညာက ရှေ့တန်းလူတွေက တစ်ဖက်အသင်းရှေ့တန်းလူတွေ ပြိုလဲသွားအောင် တစ်ဖက်နဲ့တစ်ဖက် စတင်ထိုးကြိတ်ရတာဖြစ်ပါတယ်၊ အဲဒီနောက်မှာ နောက်ခံလူတွေက ဘောလုံးကို ဆွဲသွားပြီး တစ်ဖက်အသင်းကို ဂိုးသွင်းရတာဖြစ်ပါတယ်။ ဘောလုံးဆွဲလာသူကို တစ်ဖက်အသင်းက ကြိုက်တဲ့ပုံစံနဲ့ တားမြစ်လို့ရပါတယ်။

ရှေးယခင်အစဉ်ဆက်ထဲက ကစားခဲ့တဲ့ ဒီအားကစားနည်းကို ပြင်သစ်ဘုရင် King Henry III က ၁၅၇၃ ခုနှစ်မှာ ပွဲလာကြည့်စဉ်က ဒီကစားနည်းဟာ “စစ်ပွဲဆိုရင်လည်း တိုက်ပွဲအသေးစား၊ အားကစားလို့ဆိုရင်လည်း အရမ်းရက်စက်တဲ့ အားကစားပဲ”လို့ မှတ်ချက်ပေးခဲ့ဖူးပါတယ်။

ဒီကစားနည်းမှာ တားမြစ်ချက်လေးတွေတော့ရှိပါတယ်၊ လူတစ်ယောက်ထဲကို နှစ်ယောက်သုံးယောက် ဝိုင်းတိုက်ခိုက်တာ၊ ဦးခေါင်းကို ခြေနဲ့မကန်ရတာ (အထူးသဖြင့် မြေကြီးပေါ်လဲနေချိန်) တို့ ဖြစ်ပါတယ်။ အကယ်၍ ပြုလုပ်ခဲ့မယ်ဆိုရင်တော့ ပြိုင်ပွဲကနေ ထုတ်ပယ်ခံရမှာဖြစ်ပါတယ်။ ဒါ့အပြင် ဘောလုံးက ပိုက်တန်းကို ကျော်သွားခဲ့ရင် တစ်ဖက်အသင်းကို (0.5) အမှတ်ပေးလိုက်ရတာကြောင့် ပိုက်မကျော်အောင်လဲ သတိထားရမှာပါ။
ဂိုးတစ်ခါရပြီးတိုင်း အသင်းနှစ်သင်း ဘက်ပြောင်းလဲပေးရပါတယ်၊ အဲဒီအချိန်မှာ တိုက်ခိုက်တာတွေ လုပ်လို့မရပါဘူး။

ဒီလိုပွဲမှာ ဝင်ရောက်ကစားကြသူတွေက ကြေးစားကစားသမားတွေ မဟုတ်ကြပဲ လူမှုဝန်ထမ်းစိတ်နဲ့ စာရင်းပေးပြီး ဝင်ကစားကြရတာဖြစ်ပါတယ်။ အသင်းသားတစ်ယောက်ဖြစ်ဖို့ဆိုရင် မိမိကိုယ်စားပြုတဲ့ မြို့မှာ မွေးဖွားသူ (သို့) အနည်းဆုံး ၁၀ နှစ်ဆက်တိုက် နေထိုင်တဲ့ မြို့တော်သား ဖြစ်ရပါမယ်။ စားရင်းသွင်းပြီးပြီဆိုရင်တော့ ဒီပွဲကို ဝင်ရောက်ယှဉ်ပြိုင်ကစားဖို့ လေ့ကျင့်ရေးတွေ ဆင်းရမှာဖြစ်ပါတယ်။

ယခုနှစ်ပြုလုပ်တဲ့ ကာလ်ချို စတိုရီကို ကစားပွဲကို Apple ရဲ့ စီအီးအို တင်မ်ကွတ် လာရောက်ကြည့်ရှုတာကို ပရိသတ်တွေကြားမှာ တွေ့ရပါတယ်။ အဲဒီပွဲမှာ San Giovanni အသင်းက Santo Spirito အသင်းကို ၉.၅ ပွိုင့်နဲ့ အနိုင်ရခဲ့ပါတယ်။ နောက်ဆုံး ဗိုလ်လုပွဲကတော့ ဇွန်လ ၂၄ ရက်နေ့မှာ ကျင်းပမှာဖြစ်ပါတယ်။

ဘောလုံးကစားရင် ရန်ဖြစ်တတ်တဲ့သူတွေကို အဲဒီလို ကစားနည်းသီးသန့် ကစားခိုင်းရင်ကောင်းမလားပဲနော်။
 


14 Jun 2018     1,635 Views




RELATED

Most Popular of Football

Most Popular of NEWS