မြိတ်မြို့တွင် ဆိုင်ကယ်ဖြင့် လိုက်လံလုယက်သူများအား ဖမ်းဆီးရမိ(ရုပ်သံ)
17 Aug 2018 1,425 Views
မြိတ်မြို့ ကန်ဖျားလမ်းမကြီးတွင် ဆိုင်ကယ်စီးလာသူ အမျိုးသမီးသုံးဦးထံမှ လက်ကိုင်အိတ်ကို ဆိုင်ကယ်ဖြင့် နောက်ကလိုက်လံကာ လုယက်ခဲ့သူများအား ဖမ်းဆီးရမိခဲ့သည်။
ဖြစ်စဉ်မှာ သြဂုတ်လ ၁၅ ရက်နေ့ နေ့လည်း ၂ နာရီ ၃၀ မိနစ်အချိန်ခန့်က မြိတ်မြို့ ကန်ဖျားလမ်းဆုံနှင့် ပိတောက်ပင်လမ်းဆုံကြား ကန်ဖျားလမ်းမကြီးတွင် ဆိုင်ကယ်စီးလာသူ အမျိုးသမီးသုံးဦးထံမှ လက်ကိုင်အိတ်အား နောက်မှလိုက်လာသော အမျိုးသားနှစ်ဦး စီးလာသည့် ဆိုင်ကယ်မှ ဘေးခြင်းကပ်ကာ လုယူမောင်းနှင်ထွက်ပြေးသွားခဲ့သည်။ လက်ကိုင်အိတ်အတွင်း mi အမျိုးအစား ဖုန်းတစ်လုံးနှင့် ငွေရှစ်သောင်းကျော်ပါသွားကြောင်း သိရှိရသည်။
အဆိုပါဖြစ်စဉ်အား cctv မှတ်တမ်းတွင် ရိုက်ယူထားမိခဲ့ပြီး မြိတ်မြို့ရဲ့စခန်းမှ cctv မှတ်တမ်း ဓါတ်ပုံများကို မြို့ပေါ်ရပ်ကွက်အုပ်ချုပ်ရေးအဖွဲ့များနှင့်တာဝန်သိပြည်သူများထံပေးပို့စုံစမ်းခဲ့သည်။
ပြစ်မှုကျူးလွန်သူများအား ဆက်လက်စုံစမ်းခဲ့ရာ သြဂုတ်လ ၁၆ ရက်နေ့တွင် ဆိုင်ကယ်နောက်မှ ထိုင်လိုက်သူ ကလွင်ကျေးရွာအုပ်စု ဝန်ထမ်းရပ်နေ ကောင်းမြတ်ထွန်း(ခ)ငရဲ အားဖမ်းဆီးရမိပြီး စစ်ဆေးခဲ့ရာ ဆိုင်ကယ်မောင်းနှင်သူ တောရကျောင်းရပ် အေးသာယာလမ်းနေ ကြယ်စင်လင်း(ခ)အကြီးကောင် ကို ဆက်လက်ဖမ်းဆီးမိခဲ့သည်။
ထွက်ဆိုချက်အရ ပြစ်မှုကျူးလွန်ပြီးနောက် လွှင့်ပစ်ခဲ့သည့် လက်ကိုင်အိတ်အား
ပုလဲဒီပါရပ် တရုတ်ဘုံကျောင်းအနီး ခြုံပုတ်ထဲမှ ပြန်လည် သိမ်းဆည်းရခဲ့ကြောင်း သိရှိရသည်။
သတင်း/ရုပ်သံ - ရိုးရိုးလေး
