အသက် ၇ နှစ်အရွယ် ကလေးတစ်ဦး ဖုန်းကို အားသွင်းထားစဉ် ဂိမ်းဆော့နေရာက ဓါတ်လိုက်သေဆုံးမှု မတ်လ ၁၆ ရက်နေ့က အင်ဒိုနီးရှားနိုင်ငံတွင် ဖြစ်ပွားခဲ့သည်။

 

 

အင်ဒိုနီးရှားနိုင်ငံ နူဆာတန်ဂါရာပြည်နယ် အရှေ့ဘက်ရှိ ကျေးရွာတစ်ရွာတွင် အသက် ၇ နှစ်အရွယ်  Alfani Yeskiel Tuke အမည်ရသော ကလေးငယ်ကို နေအိမ် သံမန်တလင်းကြမ်းပြင်ပေါ်တွင် လဲကျနေကြောင်း အဖွားဖြစ်သူက တွေ့ရှိခဲ့သည်။ သူ့ရဲ့ လက်ထဲမှာလည်း လွန်ခဲ့တဲ့ ၁၅ လကြာကမှ ဝယ်ထားခဲ့တဲ့ မိုဘိုင်းဖုန်းကို ကိုင်လျှက်အနေအထားနဲ့ တွေ့ခဲ့ရခြင်းဖြစ်သည်။

 

 

ဖွားအေဖြစ်သူရဲ့ ပြောပြချက်အရ အဆိုပါနေ့ ညနေ ၅ နာရီအချိန်ခန့်က သူအပြင်မသွားခင်မှာ မြေးဖြစ်သူဟာ အခန်းထဲမှာ ဖုန်းသုံးနေတာကိုမြင်တွေ့ခဲ့ရပါတယ်။ အဲဒီနောက် ၆ နာရီလောက်မှာ သူမအိမ်ပြန်ရောက်လာစဉ် မြေဖြစ်သူဟာ ကြမ်းပြင်ပေါ်မှာ အပေါ်ပိုင်းအဝတ်ဗလာနဲ့ လဲလျောင်းနေတာကို တွေ့ရပြီး အိပ်ပျော်နေတယ်လို့ပဲ ထင်ခဲ့ပါတယ်။ ဒါကြောင့် ကလေးကို နှိုးလိုက်တဲ့အခါ ဓါတ်လိုက်နေတာကို ထိတ်လန့်စွာ တွေ့ခဲ့ရတယ်လို့ ဆိုပါတယ်။