BEC-TERO TV

ဖူခက်လေယာဉ်ပြေးလမ်းအနီး ဆယ်လ်ဖီရိုက်သူများ သေဒဏ်ချမှတ်ခံရမည်

10 Apr 2019     6,323 Views


ဘယ်နေရာကိုရောက်ရောက် ဆယ်လ်ဖီဓါတ်ပုံရိုက်ကူးသူတွေအနေနဲ့ ထိုင်းနိုင်ငံ ဖူခက်ရောက်ရင် သတိထားရမယ့် သတင်းဖြစ်ပါတယ်။ ထိုင်းနိုင်ငံ ဖူခက်ရှိ လေယာဉ်အတက်အဆင်း လမ်းကြောင်းတွင် ဆယ်လ်ဖီဓါတ်ပုံ ရိုက်ကူးမှုတွေ့ရှိပါက အမြင့်ဆုံး ပြစ်ဒဏ် သေဒဏ်ထိ ချမှတ်နိုင်သည်ဟု ဧပြီလ ၈ ရက်နေ့က ဘန်ကောက်ပို့စ် သတင်းတွင် ဖော်ပြပါရှိသည်။
 
 
ဖူခက်စီရင်စုရှိ  မိုင်ခေါကမ်းခြေသည် လေယာဉ်ကွင်းအတက်အဆင်းပြေးလမ်းနဲ့ နီးကပ်ပြီး နိုင်ငံခြားခရီးသွားများက လေယာဉ်အတက်အဆင်းချိန်များတွင် နောက်ခံထားကာ ဆယ်လ်ဖီရိုက်ပြီး အွန်လိုင်းပေါ်တင်ရာမှ ပို၍ပို၍ နာမည်ကြီးသည့် နေရာတစ်ခု ဖြစ်လာခဲ့ပါတယ်။
 
သတင်းတွင်ဖော်ပြချက်အရ ယင်းကဲ့သို့ ဆယ်လ်ဖီရိုက်ခြင်းကို လေကြောင်းလုံခြုံရေးက ခွင့်ပြုတော့မည် မဟုတ်ကြောင်း အာဏာပိုင်များက ပြောကြားခဲ့သည်။
အခုလို တားမြစ်ပိတ်ပင်ရခြင်းမှာ လေယာဉ်မောင်းခန်းထဲမှ လေယာဉ်မှူးတွေ အမြင်အာရုံမှားနိုင်သည့် အလင်းရောင်၊ အထူးသဖြင့် ညအချိန်ခါများတွင် ဖြစ်တတ်သဖြင့် လေကြောင်းဘေးကင်းလုံခြုံရေးအရ လေယာဉ်ပြေးလမ်းတစ်လျှောက် ဆယ်လ်ဖီရိုက်ကူးမှုကို တားမြစ်လိုက်ရကြောင်း ဖူခက်အပြည်ပြည်ဆိုင်ရာလေဆိပ်မှ ဒုဥက္ကဋ္ဌ Vijit Kaewsaiteam က ပြောဆိုခဲ့သည်။
 
 
အပန်းဖြေ ကျွန်းပေါ်ရှိ လေဆိပ်အနီး ကန့်သတ်နယ်မြေအသစ်တစ်ခု ဖော်ဆောင်နေပြီး အဆိုပါနယ်မြေထဲသို့ ကျူးကျော်ဝင်ရောက်ကာ ဓါတ်ပုံရိုက်ကူးပါက အပြစ်ပေးခံရမည်ဖြစ်ကြောင်း ဖူခက်လေဆိပ် အကြီးအကဲဖြစ်သူ Wichit Kaeothaithiam က ပြီးခဲ့တဲ့ ကြာသပတေးနေ့က ပြောကြားခဲ့သည်။
 
ယင်းကဲ့သို့ နယ်မြေကန့်သတ် တားမြစ်ပိတ်ပင်မှုများကို ဝေဖန်မှုများအပေါ် Wichit က လေဆိပ်အနေနဲ့ နိုင်ငံခြားသားခရီးသွားလာမှုများကို မြှင့်တင်ရမည်ဖြစ်သလို တစ်ချိန်တည်းမှာပဲ လေကြောင်းလိုင်းများရဲ့ လုံခြုံရေးကိုလည်း ကာကွယ်သွားရမည်ဖြစ်ကြောင်း ပြန်လည် ပြောဆိုခဲ့သည်။
 
ချိုးဖောက်သူများကို လေကြောင်းဥပဒေအရ အပြစ်ပေးမှာဖြစ်ပြီး အမြင့်ဆုံး သေဒဏ်ထိ ချမှတ်နိုင်ကြောင်း Wichit Kaeothaithiam က ပြောကြားခဲ့သည်။
 

10 Apr 2019     6,323 Views




RELATED

Most Popular of International News

Most Popular of NEWS