မန်ယူပွဲကို ကွင်းထဲထိ သွားရောက်အားပေးဖို့ အတွက် အပျော်ကြီး ပျော်နေတဲ့ ထွန်းထွန်း
17 Jul 2019 1,297 Views
အကယ်ဒမီ သရုပ်ဆောင် ၊ အဆိုတော် ထွန်းထွန်းဟာ ဘောလုံးအားကစားကို ဝါသနာပါသူတစ်ဦးဖြစ်ပြီး ကိုယ်တိုင်လည်း ဘောလုံးကို အပျော်ကန်လေ့ရှိပါတယ်။ ထွန်းထွန်းဟာ မန်ချက်စတာ ယူနိုက်တက်ဖန် တစ်ဦးဖြစ်ပြီး ယခုလာမည့် International Champion Cup (ICC ) ပြိုင်ပွဲမှာ မန်ယူအသင်းကို ကွင်းထဲအထိ သွားရောက်အားပေးဖို့အတွက် စိတ်အားထက်သန်နေပါတယ်။
“Hello မင်္ဂလာပါခင်ဗျာ KKTT တစ်ယောက်က ဘောလုံးအားကစားကို ဟိုးချာတိတ်ကတည်းက ရူးရူးမူးမူးဝါသနာပါတာသိတယ်မလား။ ဘောလုံးကန်တာ ကိုတကယ်ဝါသနာပါတဲ့သူတိုင်းမှာ သူတို့အမှန်အကန် အားပေးတဲ့အသင်းတွေ ကိုယ်စီရှိတယ်ဗျာ။ ကျွန်တော်ကတော့ Manchester United Fan. ကျွန်တော့်လို ဘောလုံး crazy တွေအဖြစ်ချင်ဆုံးက ဘာဖြစ်မယ်လို့ထင်ကြလဲ။ ကိုယ်လုံးဝကြွေပြီး အားပေးရတဲ့ အသင်းရဲ့ပွဲကို ကွင်းထဲမှာ ကိုယ်တိုင်အားပေးဖို့ပေါ့၊ ဒါပဲပေါ့ဗျာ။ ”
“ကျွန်တော်တော့ ICC Singapore မှာ မန်ယူပွဲ သွားကြည့်ဖို့ အတွက် အရမ်းတွေ(တော်တော်ကြီးကို) စိတ်လှုပ်ရှားနေပြီ။ စင်ကာပူဆိုတာလည်း သွားလိုက်ပြန်လိုက် လုပ်နေတော့ ကိုယ့်အိမ်ကိုယ့်ယာလို နီးနီးနားနားဖြစ်နေပြီလေ။ မန်ယူအသင်းရဲ့ လက်ရှိကစားသမားတွေရယ် သူတို့ရဲ့ ခြေစွမ်းနဲ့ ကစားကွက် တွေကို ကွင်းထဲမှာ ကိုယ်တိုင်ကိုယ်ကျ အားပေးရမယ်ဆိုတော့ ကျွန်တော့်တစ်သက်မှာ အလုပ်ချင်ဆုံးဆန္ဒ တွေထဲကတစ်ခုပဲဗျာ။ကဲ... အဲ့ဆန္ဒက မကြာခင်ပြည့်တော့မယ်။ ” ဆိုပြီး ဇူလိုင်(၁၅) ရက်နေ့က သူ၏ ဖေ့စ်ဘုတ် စာမျက်နှာမှာ ရေးသားထားတာတေ့ရပါတယ်။
International Champion Cup (ICC ) ပြိုင်ပွဲကို စင်ကာပူ့နိုင်ငံမှာ ၂ ပွဲကစားမှာဖြစ်ပြီး မန်ယူနဲ့ အင်တာမီလန်အသင်း ဂျူဗင်တပ်နဲ့စပါးအသင်းတို့ရဲ့ ပွဲစဉ်တွေပါဝင်နေပါတယ်။ ဒီနှစ် ICC 2019 ပြိုင်ပွဲမှာတော့ ပြိုင်ပွဲဝင်အသင်း ၁၂ သင်း ပါဝင်လာခဲ့ပြီး အမေရိကန် ၊ အင်္ဂလန် ၊ ဆွီဒင် ၊ စင်ကာကူ ၊ တရုတ် ၊ ဝေးလ် တို့မှာ ကျင်းပသွားမှာ ဖြစ်ပါတယ်။ မန်ယူနဲ့ အင်တာမီလန်ပွဲကတော့ ဇူလိုင်လ၂၀ ရက်နေ့မှာ ယှဉ်ပြိုင်သွားမှာ ဖြစ်ပါတယ်။
